Read west central oromo Macaafa Hisqi'el Raajichaa 12 Bible Online

Macaafa Hisqi'el Raajichaa 12 - west central oromo bible

Macaafa Hisqi'el Raajichaa 12

¹Dubbiin Waaqayyoo gara koo dhufee,

²?Yaa mucaa namaa! Ati warra didanii ka'an gidduu in jiraatta; isaan warra didanii ka'an waan ta'aniif, ija ittiin argan utuma qabanii hin argan, gurra ittiin dhaga'an utuma qabanii hin dhaga'an*.

³Kanaafis yaa mucaa namaa! Mi'a fudhattee baattu qopheeffadhuutii, utuma isaan si ilaalanii guyyaadhaan akka nama booji'amee adeemuutti iddoo keetii ka'iitii iddoo kan biraa dhaqi! Tarii isaan warra didanii ka'an ta'uu isaanii kanaan in argu ta'a.

⁴Utuma isaan si ilaalanii guyyaadhaan mi'a fudhattee baattu gad baasi, ofii keetiis utuma isaan si ilaalanii akka nama booji'amee adeemuutti, galgalaan ba'ii adeemi!

⁵Utuma isaan ilaalaniis keenyan kellichaa uriitii, mi'a kee achiin gad baasi!

⁶Ani akka ati mana Israa'eliif milikkita taatu godheera, mi'icha utuma isaan si ilaalanii gatiittii kee irratti baadhuutii, akka lafa hin arginettis haguuggadhuutii dimimmisa keessa adeemi!? jedhe*.[43]

⁷Anis akkuman ajajame nan godhe; mi'a isan fudhadhee ba'u guyyaadhaan gad nan baase; galgala immoo utuma isaan ilaalanii harka kootiin keenyan kellichaa uree mi'a koos gatiittii koo irratti baadhee dimimmisa keessa ba'ee nan adeeme.

⁸Ganamas dubbiin Waaqayyoo gara koo dhufee,

⁹?Yaa mucaa namaa! Manni Israa'el inni didee ka'e sun, ?Ati maal gochaa jirta?? jedhee si hin gaafannee ree?? naan jedhe.

¹⁰Ati isaaniin, ?Waaqayyo gooftaan, ?Ba'aan kun guddaa biyyaa isa Yerusaalem keessa jiruu fi mana Israa'el warra achi keessa jiraatan hundumaa irra jira?.

¹¹Isaaniinis, ?Ani isiniif milikkita? jedhiin; wanti ani hojjedhe isaan irratti in hojjetama, isaan biyya keessaa baafamanii booji'amanii in adeemu.

¹²Guddaan biyyaa inni isaan keessa jiraatus mi'a isaa gatiittii isaa irratti baatee dimimmisaan akka iji isaa lafa hin arginettis haguuggatee, akka inni keessa ba'uuf immoo keenyan kellichaa uraniifii isa keessa ba'ee in adeema*.

¹³Anis kiyyoo koo isa irratti nan diriirsa, futtaasaa kootiinis in qabama; ani Baabilon biyya warra Kaldootaatti isa nan geessa; inni immoo utuma isa hin argin achitti in du'a*.

¹⁴Warra jireenya isaa eeguudhaaf naannoo isaa jiranii fi loltuu isaa hundumaa gara golee qilleensaa hundumaatti nan bittimsa; isaan duubaanis billaa nan luqqifadha.

¹⁵Yommuu ani saba lafa irraa gidduu isaan tamsaasee, biyya garaa garaa keessas isaan bittimsu, ani Waaqayyo akkan ta'e isaan in beeku.

¹⁶Garuu lafa dhaqan sanatti wanta ciiggaasisaa hojjetan hundumaa saba lafa irraa gidduutti akka himaniif, isaan keessaa namoota muraasa billaa jalaa, beela jalaa, dha'icha jalaas nan baasa; yommus ani Waaqayyo akkan ta'e isaan in beeku? jedhi*![44]

¹⁷Dubbiin Waaqayyoo gara koo dhufee,

¹⁸?Yaa mucaa namaa! Ati raafamaa buddeena kee nyaadhu! Hollachaa, yaadda'aas bishaan kee dhugi!

¹⁹Waa'ee warra biyyaa immoo, ?Waaqayyo gooftaan, warri mandara Yerusaalem, amma iyyuu biyya Israa'el keessa kan jiraatan, humnaan wal irratti ka'uu warra achi keessa jiraatan hundumaa fi lafti isaanii wanti isa irra jirus saamamee waan onuuf, isaan yaaddoodhaan buddeena isaanii in nyaatu, naasuudhaanis bishaan isaanii in dhugu*.

²⁰Mandaroonni namoonni keessa jiraatan in diigamu; biyyichis in ona; yommus ani Waaqayyo akkan ta'e in beektu? jedhi!? jedhe.[45]

²¹Dubbiin Waaqayyoo gara koo dhufee,

²²?Yaa mucaa namaa! Fakkeenyi inni waa'ee biyya Israa'eliif, ?Yeroon achi in dheerate, mul'annis tokko illee hin raawwatamu? jedhan kun maali*?

²³Egaa ati isaaniin, ?Waaqayyo gooftaan, ani mammaaksi kun akka hafu nan godha, Israa'el keessattis deebi'anii isa hin mammaakan! Yerichi, dubbiin mul'atichaa hundinuus raawwatamuun dhi'aateera? jedhii isaanitti himi!

²⁴Egaa si'achi mana Israa'el keessa mul'anni sobaa fi itti kuulanii hooda dubbachuun hin jiru*.

²⁵Ani Waaqayyo waanan ta'eef, nan dubbadha, wanti ani dubbadhus dafee in raawwatama; isin yaa mana warra didanii ka'anii! Ani bara keessan keessa nan dubbadha, innis in raawwatama? jedhe; Waaqayyo gooftaan kana dubbateera.[46]

²⁶Ammas dubbiin Waaqayyoo gara koo dhufee,

²⁷?Yaa mucaa namaa! Kunoo manni Israa'el ?Mul'anni inni argu kan yeroo dheeraa booddee ti, raajiin inni dubbatus kan bara fagoo ti? in jedhu.

²⁸Kanaafis akkuma Waaqayyo gooftaan jedhe, ati isaaniin, ?Wanti ani dubbadhu in raawwatama malee, si'achi lafa irra hin harkifamu? jedhee dubbateera Waaqayyo gooftaan? jedhi!