Read west central oromo Macaafa Hisqi'el Raajichaa 18 Bible Online

Macaafa Hisqi'el Raajichaa 18 - west central oromo bible

Macaafa Hisqi'el Raajichaa 18

¹Ammas dubbiin Waaqayyoo gara koo dhufee,

²?Inni isin waa'ee biyya Israa'eliif, ?Abboonni ija waynii isa dhangaggaa'aa nyaannaan ilkaan ijoollotaa hadoode jettanii mammaaktan kun maali?? jedhe*.

³Waaqayyo gooftaan dubbatee, ?Ani jiraataa dha! Isin si'achi biyya Israa'el keessatti kana hin mammaaktan;

⁴kunoo, lubbuun hundinuu kan koo ti, lubbuun abbaa akkuma kan koo ta'e, lubbuun ilmaas kan koo ti; lubbuun isa cubbuu hojjetuu haa du'u!? jedheera.[72]

⁵?Namni qajeelaan, wanta dhugaa fi wanta qajeelaa hojjetu garuu,

⁶gara waaqayyolii tolfamoo warra kan Israa'el hin ilaalu, tulluu irrattis qalma aarsaa hin nyaatu, haadha manaa namaa hin xureessu; dubartii garaa dhukkubbii qabdu biras hin ga'u*,

⁷inni nama tokko hin cunqursu; wanta gatiidhaaf jedhee qabsiisa fudhatu in galcha; nama beela'eef nyaata kennee, nama daare daara baasa malee, nama hin saamu*;

⁸inni horii isaa hiiqii hin kennatu, gar-malees dhala hin fudhatu; harki isaa cubbuu akka hin hojjenneef in eeggata; namaa fi nama gidduuttis firdii dhugaa fi qajeelaa in kenna*.

⁹Inni akka seerrata kootti in jiraata, wanta ana duratti qajeelaa ta'es amanamummaadhaan in eega; inni nama qajeelaa waan ta'eef in jiraata? jedha Waaqayyo gooftaan*.[73]

¹⁰Namichi sun garuu ilma humnaan nama irratti ka'ee dhiiga namaa dhangalaasu, balleessaa kana fakkaatus obboleessa isaa irratti hojjetu in dhalcha ta'a;

¹¹namichi kun kana keessaa tokko iyyuu hin goone, ilmi isaa garuu, tulloota irratti qalma aarsaa in nyaata, haadha manaa namaa in xureessa;

¹²isa deegaadhaa fi dhabaa in cunqursa, nama in saama, wanta gatiidhaaf jedhee qabsiisa fudhatu hin galchu, gara waaqayyolii tolfamoo in ilaala; wanta ciiggaasisaa in hojjeta;

¹³inni horii isaa hiiqii in kennata, gar-malees dhala in fudhata; egaa namni akkasii in jiraataa ree? Inni wanta ciiggaasisaa kana hundumaa waan hojjeteef haa du'u malee hin jiraatin! Dhiigni isaas mataadhuma isaa irraa haa barbaadamu!

¹⁴Amma immoo namichi kun ilma in dhalcha, ilmi isaas cubbuu abbaan isaa hojjechaa ture utuma arguu akka isaa hojjechuu in dhiisa ta'a;

¹⁵inni tulluu irratti qalma aarsaa hin nyaatu, gara waaqayyolii tolfamoo warra kan Israa'el hin ilaalu; haadha manaa namaa hin xureessu.

¹⁶Inni nama tokko illee hin cunqursu, horii liqeessuudhaaf qabsiisa hin gaafatu, nama beela'eef nyaata kennee, nama daare daara baasa malee, nama hin saamu;

¹⁷inni harka isaa deegaa irraa in sassaabbata, hiiqiidhaaf dhala gar-malees hin fudhatu; inni wanta ana duratti qajeelaa ta'e in eega, akka seerrata koottis in jiraata; namni akkasii kun in jiraata malee, sababii yakka abbaa isaatiif hin du'u*.

¹⁸Abbaan isaa garuu sababii doorsisaan waa nama irraa fudhateef, obboleessa isaa waan saameef, saba isaa gidduuttis wanta hamaa waan hojjeteef, ilaa inni yakka isaatiin haa du'u![74]

¹⁹Isin garuu ?Ilmi maaliif yakka abbaa hin baatu?? jettanii in gaafattu; ilmi wanta dhugaa fi qajeelaa erga hojjetee seerrata koo hundumaas erga eegee, inni dhugumaan in jiraata.

²⁰Lubbuun isa cubbuu hojjetuu haa du'u! Ilmi yakka abbaa hin baatin! Abbaanis yakka ilmaa hin baatin! Qajeelinni nama qajeelaa isumaaf haa lakkaa'amu! Jal'inni nama jal'aas isuma irraa haa barbaadamu*![75]

²¹Garuu namni jal'aan cubbuu hojjete hundumaa irraa deebi'ee seerrata koo hundumaa yoo eege, wanta dhugaa fi qajeelaa yoo hojjete, inni dhugumaan in jiraata malee, hin du'u.

²²Inni qajeelina hojjete sanaan jiraata malee, irra-daddarbaa inni hojjete sana hundumaa keessaa tokko illee hin yaadatamu.

²³Namni jal'aan karaa isaa irraa deebi'ee akka jiraatu malee, ani dhugumaan du'a isaatti nan gammadaa ree? jedha Waaqayyo gooftaan*.[76]

²⁴Namni qajeelaan immoo qajeelina isaa irraa deebi'ee wanta qajeelaa hin ta'in yoo hojjete, wanta ciiggaasisaa isa namni jal'aan hojjetes yoo godhe, in jiraataa ree? Inni amanamummaa dhabee waan yakkeef, cubbuu hojjete sanaan du'a malee, qajeelina inni hojjete sana keessaa tokko illee hin yaadatamuuf*.[77]

²⁵Isin garuu, ?Karaan Waaqayyoo qajeelaa miti? in jettu; dhaga'aa yaa mana Israa'el! Karaan koo qajeelaa mitii ree? Karaa isa kan keessaniitu jal'aa dha mitii ree?

²⁶Namni qajeelaan qajeelummaa isaa irraa deebi'ee jal'ina yoo hojjete, isa hojjete sanaaf inni du'uun irra jira; jal'ina hojjete sanaaf in du'a.

²⁷Namni jal'aan immoo jal'ina hojjete sana irraa deebi'ee, wanta dhugaa fi qajeelaa yoo hojjete, jireenya isaa in oolfata.

²⁸Inni irra-daddarbaa isaa hundumaa hubatee waan irraa deebi'eef inni dhugumaan in jiraata malee, hin du'u.

²⁹Manni Israa'el garuu, ?Karaan Waaqayyoo qajeelaa miti? jedhu; yaa mana Israa'el! Karaan koo qajeelaa mitii ree? Karaa isa kan keessaniitu jal'aa dha mitii ree?[78]

³⁰Kanaafis, ?Yaa mana Israa'el! Ani akka hojii keessaniitti tokkon tokkon keessanitti nan farada, yakki keessan akka isin hin kuffifnetti yaada garaa keessanii geddaradhaa, irra-daddarbaa keessan hundumaa irraas deebi'aa!? jedha Waaqayyo gooftaan.

³¹?Maaliif duutu yaa mana Israa'el! Irra-daddarbaa ittiin yakkitan hundumaa of irraa gataa, garaa haaraa fi hafuura haaraa godhadhaa!

³²Ani du'a namaatti hin gammadu, kanaaf yaada garaa keessanii geddaradhaatii jiraadhaa!? jedha Waaqayyo gooftaan*.[79]