Read west central oromo Macaafa Hisqi'el Raajichaa 25 Bible Online

Macaafa Hisqi'el Raajichaa 25 - west central oromo bible

Macaafa Hisqi'el Raajichaa 25

¹Dubbiin Waaqayyoo gara koo dhufee,

²?Yaa mucaa namaa! Fuula kee gara warra Amoonitti gara galchii raajii isaan irratti dubbadhu*!

³Isaaniinis ?Dubbii Waaqayyo gooftaa dhaga'aa? jedhi! Waaqayyo gooftaan, isin yeroo iddoon koo inni qulqullaa'aan, biyyi Israa'elis diigamee, manni Yihudaas yeroo booji'ame, ?Baga?! waan jettaniif*,

⁴ani immoo kunoo, saba warra ba'a-biiftuutiif dhaala godhee dabarsee isin nan kenna, isaanis buufata isaanii isin gidduu in godhatu, godoo isaaniis isin gidduu in dhaabbatu, ija midhaan keessaniis in nyaatu, aannan keessan in dhugu*.

⁵Ani mandara Raabaa iddoo gaalonni dheedan, biyya Amoonis iddoo horiin qe'ee boqotan nan godha; yommus ani Waaqayyo akkan ta'e isin in beektu? jedhe.

⁶Waaqayyo gooftaan, ?Sababii isin garaa keessan keessatti badiisa biyya Israa'elitti gammaddanii harka rurrukuttanii, miillaan lafa dhidhiittaniif,

⁷ani immoo kunoo, harka koo isin irratti ol nan fudhadha, sabni lafa irraa akka isin saamuuf isatti dabarsee isin nan kenna; ani saba keessaa isin nan mura, biyya keessaas haxxaa'ee isin nan balleessa; yommus ani Waaqayyo akkan ta'e isin in beektu? jedhe*.[110]

⁸Waaqayyo gooftaan, ?Mo'aabii fi Se'iir kunoo! ?Manni Yihudaa akka saba warra kaanii hundumaa ti? jedhaniiru*;

⁹kanaaf ani immoo kunoo! Gatiittii Mo'aab mandaroota isaa warra gara daarii jiran, Bet-Yeshiimoot, Ba'aal-Me'on, Kiriiyat-Aayim warra ulfina biyya sanaa ta'anii jalqabee nan kuta.

¹⁰Seenaan warra Amoon saba lafa irraa gidduutti akka hin yaadatamnetti ani warra Mo'aab warra Amoonii wajjin saba warra ba'a-biiftuutiif dhaala godhee nan kenna;

¹¹ani warra Mo'aab irratti firdii nan raawwadha; yommus ani Waaqayyo akkan ta'e isaan in beeku? jedhe*.[111]

¹²Waaqayyo gooftaan, ?Edoom, mana Yihudaa irratti ijaa waan baafateef, kanaanis yakka waan hojjeteef,

¹³ani Waaqayyo gooftaan immoo, ?Warra Edoom irratti harka koo ol nan fudhadha, namoota isaanii fi horii isaanii muree nan fixa; Temaanii hamma Dedaanitti isaan nan onsa, billaadhaanis in dhumu.

¹⁴Ani harka saba koo Israa'eliin Edoom irratti ijaa nan baafadha, Israa'elis hammuma ani isaanitti dheekkamee fi isaanitti aare isaan irratti in raawwata?; yommus isaan ijaa baafachuu koo in beeku? jedha; kana Waaqayyo gooftaatu dubbate*.[112]

¹⁵Waaqayyo gooftaan, ?Warri Filiisxiyaa hammeenya garaa isaaniitii fi jibba duriitiif jedhanii warra Yihudaa irratti ijaa baafatanii isaan balleessuu waan yaadaniif,

¹⁶ani Waaqayyo gooftaan immoo ?Kunoo! Harka koo warra Filiisxiyaa irratti ol fudhadhee warra Qareexiisii fi warra daarii galaanaatti hafan nan balleessa.

¹⁷Ani isaan irratti guddisee ijaa nan baafadha, aariidhaanis isaan nan adaba?; yommuu ani ijaa isaan irratti ba'u, ani Waaqayyo akkan ta'e isaan in beeku? jedhe*.[113]