Read west central oromo Macaafa Hisqi'el Raajichaa 27 Bible Online

Macaafa Hisqi'el Raajichaa 27 - west central oromo bible

Macaafa Hisqi'el Raajichaa 27

¹Ammas dubbiin Waaqayyoo gara koo dhufee,

²?Yaa mucaa namaa! Ati waa'ee Xiirosiif wawwaadhu!

³Isheedhaanis ati karaa karra galaanaa irra kan jiraattu, biyya daarii bishaanii jiran baay'ee isaaniitiifis naggaadee kan taate, Waaqayyo gooftaan, yaa Xiiros ati, ?Ani baay'ee miidhagduu dha? jetta*,

⁴daariin kee garaa galaanaa keessa, warri si ijaaranis baay'ee si miidhagsan,

⁵muka birbirsaa isa Siin'aarii dhufuun saanqaa siif hojjetan, muka gaattiraa isa Liibaanonii dhufes utubaa siif dhaaban*.

⁶Muka qilxuu isa Baashaanii dhufu irraa isa ittiin bishaan mooqan siif hojjetan, saanqaa muka birbirsaa isa Qophrosii dhufu siif afanii, ilka arbaa itti uffisan.

⁷Wayyaan muka talbaa irraa biyya Gibxiitti miidhagfamee hojjetame, milikkita ati, ittiin beekamtu ture; haarriin bifa waaqaa fakkaatuu fi buburreen, daarii biyya Eliishaahii dhufus uwwisa kee ture*;

⁸warri markaba kee oofan Sidoonii fi Arwaadii dhufan, yaa Xiiros! Namoota hojii beekan qabda turte, isaan markaba kee oofaa turan.

⁹Namoonni Gebaal warri hojii irra turan hundinuu, gara kee dhufanii mi'a sitti gurguraa, si irraa bitaas turan*.[118]

¹⁰?Namoonni Faares, Lud, Fuxis loltuu ta'anii siif hojjechaa turan, gaachana isaanii fi gonfoo sibiilaa isaanii, sitti fannisanii ittiin si miidhagsanii turan;

¹¹namoonni Arwaadii fi Helek karaa hundumaa dallaa dhagaa keetti naanna'anii jiru; namoonni Gamaadiis mandara kee isa riqaa qabu keessa turan, isaanis gaachana isaanii naannessanii dallaa dhagaa keetti in fannisu, miidhagummaa kees fiixaan baasanii turan.

¹²?Tarshiish sababii baay'ina qabeenya keetiif sii wajjin nagadaa turte; yommuu waa si irraa bitaa turtes, meetii, sibiila, qorqorroo, dilaliidhaanis mi'a kee bitaa turte.

¹³Yaawaan, Tubaalii fi Meshek naggaadota kee turan; isaanis garbootaan, mi'a sibiila borrajjii irraa hojjetameenis mi'a kee si irraa bitaa turan*.

¹⁴Warri Togaarmaas fardeen ittiin hojii hojjetaniin, fardeen lolaatiin, gaangoliidhaanis mi'a si irraa bitaa turan*.

¹⁵Warri Dedaan naggaadota kee turan; warri galaana qarqara jiranis si irraa in bitu, sitti in gurgurus turan; isaan immoo ilka arbaa fi muka harsammeessaa siif kennaa turan.

¹⁶Warri Sooriyaa sababii baay'ina mi'a ati qabduuf sii wajjin nagadu; isaan Kaarbunkilin, mi'a bildiimaadhaan, uffata miidhagfamee hodhameen, haarrii gaariidhaan, elellaaniin, callee diimaadhaanis mi'a si irraa bitaa turan.[119]

¹⁷Warri Yihudaa fi warri Israa'el sii wajjin nagadu turan; qamadii biyya Miiniit, dhadhaa ejersaa, gagaa, damma, dibataa fi urgooftuudhaan mi'a kee si irraa bitaa turan*.

¹⁸Damaasqoon sababii mi'a ati qabduu fi badhaadhummaa kee isa guddaadhaaf jedhee, daadhii waynii isa Helboonii dhufuu fi rifeensa hiddamaa isa Zaahaarii dhufuun sii wajjin nagadaa ture.

¹⁹Warri Daanii fi warri Yaawaan sibiila tumamee hojjetameen, qurunfulliidhaan, muka urgooftuutiinis mi'a si irraa bitaa turan.

²⁰Warri Dedaan immoo baladii horii yaabii sitti nagadachaa turan.

²¹Warri Arabaa fi gurguddoonni warra Qedaar hundinuu, xobbaallaa, korbeeyyii hoolaa fi re'ootaa sitti gurgurachaa turan*.

²²Naggaadonni warra Shabaa fi Ra'imaam, urgooftuu hundumaa irra caaluun, dhagaa gati-jabeessaa fi warqeedhaan mi'a si irraa bitaa turan*.

²³Warri Haraan, Kanee, Eden, naggaadonni biyya Shabaa Asorii fi Kilmaad sii wajjin nagadaa turan*.

²⁴Isaan kun naggaadota kee turan, uffata miidhagaa, uffata bildiimaa, uffata miidhagfamee hodhamee bifa garaa garaa qabu, funyoo ba'eessa ta'ee micciiramee dha'ames sitti nagadachaa turan.[120]

²⁵?Markaboonni biyya Tarshiish mi'a kee siif in deddeebisu turan, garaa galaanaa keessattis ati mi'a ulfaataadhaan guutamtee turte*;

²⁶warri akka markabaatti si oofan gara galaana guutuutti si geessan; garuu qilleensi gara ba'a-biiftuu garaa galaanaa keessatti si caccabse;

²⁷guyyaa ati itti diigamtutti, badhaadhummaan kee, mi'i kee, mi'i nagadaa kee, hojjetoonni markabaa kee fi warri markaba kee oofan, naggaadonni kee, loltuun kee hundinuu, namoota si keessa jiran hundumaa wajjin, garaa galaanaa keessatti in liqimfamu;

²⁸yommuu namoonni markaba kee keessaa iyyan, warri biyya qarqara galaana sanaa keessa jiran in raafamu.[121]

²⁹?Warri markaba oofan isa irraa gad in bu'u, warri isaan gargaaranii fi warri markabicha keessaa hojjetan immoo daarii galaanaa in dhaabatu;

³⁰isaanis sagalee guddaadhaan iyyanii siif in boo'u, gadda irraa kan ka'es awwaara mataa isaanii irra in firfirsu, daaraa keessas in gangalatu;

³¹siifis mataa isaanii in haaddatu, uffata gaddaas in uffatu; yaada gaddaatiin siif in boo'u, gadda guddaas siif in gaddu;

³²yommuu gaddanis siif boo'anii, ?Akka Xiiros eenyutu galaana keessatti sagaleen isaa badee beeka?? in jedhu;

³³mi'i kee galaana irraa yommuu siif dhufaa ture, ati saba baay'ee in quufsita turte, badhaadhummaa kee isa baay'eedhaa fi mi'a nagadaa keetiin, mootota lafa irraa in sooromsita turte;

³⁴amma garuu ati galaana keessatti, bishaan gad fagoo keessattis in caccabde, mi'i nagadaa kee fi hojjetoonni kee sii wajjin in liqimfaman;

³⁵warri biyya galaana qarqaraa keessa jiraatan hundinuu, waa'ee keetiif in na'an, mootonni isaaniis baay'ee in sodaatan, fuulli isaaniis in geddarame;

³⁶naggaadonni saba gidduudhaa sitti in ga'isu, ?Dhumni kee baay'ee nama sodaachisa, bara baraanis deebitee hin jiraattu!? jedhu? jedhe*.[122]