Read west central oromo Macaafa Hisqi'el Raajichaa 35 Bible Online

Macaafa Hisqi'el Raajichaa 35 - west central oromo bible

Macaafa Hisqi'el Raajichaa 35

¹Ammas dubbiin Waaqayyoo gara koo dhufee,

²?Yaa mucaa namaa! Gara tulluu Se'iiritti gara galii raajii irratti dubbadhu!

³Waaqayyo gooftaan, ?Kunoo ani si irratti ka'eera yaa tulluu Se'iir, ani harka koo si irratti ol nan fudhadha, sin onsa, sin balleessas;

⁴mandaroota kees nan jigsa, in ontas, ergasii ani Waaqayyo akkan ta'e ati in beekta? siin jedha.

⁵?Bara dheeraadhaaf diina namoota Israa'el waan turteef, yeroo rakkina isaanii fi yeroo adabni isaanii inni dhumaa irra ga'etti billaatti dabarsitee isaan kennite.

⁶Ani jiraataa dha! jedha Waaqayyo gooftaan, kanaaf ani dhangala'uu dhiigaatiif sin godha, dhiignis si ari'a; ati fira dhiigaa kee waan jibbiteef, dhiiga kee kan dhangalaasu si ari'a*;

⁷ani tulluu Se'iir onaadhaa fi duwwaa nan godha; warra isa irra darbanii adeemanii fi, darbanii galan irraa nan kuta;

⁸ani tulloota isaa warra ajjeefamaniin nan guuta; warri billaan isaan rukute gaarota isaa irratti, dachaa isaa keessatti, laga isaa hundumaa keessattis in kufu.

⁹Ani bara baraan sin onsa, mandaroota kee keessas namni hin jiraatu; yommus ani Waaqayyo akkan ta'e ati in beekta.[164]

¹⁰?Ati utuma ani Waaqayyo achi jiruu, ?Sabni kun lamaanii fi biyyi kun lamaan kan koo ta'u, nuyi isaan in fudhanna? waan jetteef,

¹¹ani jiraataa dha! Kanaaf akkuma ati isaan jibbitee isaanitti dheekkamtee, isaanitti hinaaftes, anis immoo akkasuma sin godha; ani yommuun sitti faradu isaan gidduutti beekamaa nan ta'a; ani Waaqayyo gooftaan kana dubbadheera.

¹²Isa ati tulloota Israa'el irratti ga'ifte hundumaa, isa ati, ?Isaan onaniiru akka isaan nyaannuufis nuuf kennamaniiru? jette sanas, ani Waaqayyo akkan dhaga'e in beekta*;

¹³ati ana irratti afaan keetiin akka of gurguddifte, ana irrattis dubbii akka baay'ifte, ani dhaga'eera;

¹⁴guutummaan biyya lafaa akka gammaduuf ani Waaqayyo gooftaan sin onsa.

¹⁵Akkuma yeroo dhaalli mana Israa'el one ati gammadde, anis akkasuma sin godha yaa tulluu Se'iir! Sii fi guutummaa Edoom nan onsa; yommus ani Waaqayyo akkan ta'e isaan in beeku? jedhe.[165]