Read west central oromo Macaafa Hisqi'el Raajichaa 48 Bible Online

Macaafa Hisqi'el Raajichaa 48 - west central oromo bible

Macaafa Hisqi'el Raajichaa 48

¹Maqaan gosoota sanaas kanatti aanee jira; ?Gosi Daan ga'aa tokko argata; daariin isaas karaa dhuma gara bitaa galaana irraa ka'ee harka karaa gara Hetloon dhaqu irra hamma karra Haamaatitti, darbees hamma Hazar-Enonitti; karaa daarii Damaasqoo immoo Haamaatiin gara bitaatti hambisee, gara ba'a-biiftuutii ka'ee hamma lixa-biiftuutti*.

²?Daarii Daanitti aanee cinaacha gara ba'a-biiftuutii hamma cinaacha gara lixa-biiftuutti, gosi Asheer ga'aa tokko argata.

³?Daarii Asheeritti aanee cinaacha gara ba'a-biiftuutii hamma cinaacha gara lixa-biiftuutti, gosi Niftaalem ga'aa tokko argata.

⁴?Daarii Niftaalemitti aanee cinaacha gara ba'a-biiftuutii jalqabee hamma cinaacha gara lixa-biiftuutti, gosi Minaasee ga'aa tokko argata.

⁵?Daarii Minaaseetti aanee cinaacha gara ba'a-biiftuutii jalqabee hamma cinaacha gara lixa-biiftuutti, gosi Efreem ga'aa tokko argata.

⁶?Daarii Efreemitti aanee cinaacha gara ba'a-biiftuutii jalqabee hamma cinaacha gara lixa-biiftuutti, gosi Ruuben ga'aa tokko argata.

⁷?Daarii Ruubenitti aanee cinaacha gara ba'a-biiftuutii jalqabee hamma cinaacha gara lixa-biiftuutti, gosi Yihudaa ga'aa tokko argata.[232]

⁸?Daarii Yihudaatti aanee cinaacha gara ba'a-biiftuutii jalqabee hamma cinaacha gara lixa-biiftuutti kan jiru immoo, qooda isa ati kennaa addaa gootee dhi'eessitu haa ta'u! Inni bal'inni isaa dhundhuma kuma digdamii shan, hojjaan isaa immoo gara ba'a-biiftuutii jalqabee hamma gara lixa-biiftuutti ga'aa gosa tokkoo sanaa wajjin wal haa qixxaatu; iddoon qulqullaa'aanis walakkaa isaatti haa ta'u*!

⁹Qoodni isin kennaa addaa gootanii Waaqayyoof dhi'eessitan dheerinni isaa dhundhuma kuma digdamii shan, bal'inni isaa dhundhuma kuma kudhan haa ta'u!

¹⁰Kennaan addaan baafamu inni qulqullaa'aan kun lubootaaf haa ta'u! Innis karaa gara bitaa dhundhuma kuma digdamii shan, bal'inni isaa karaa gara lixa-biiftuu dhundhuma kuma kudhan, karaa gara ba'a-biiftuu immoo dhundhuma kuma kudhan, dheerinni isaa karaa gara mirgaa dhundhuma kuma digdamii shan haa ta'u! Iddoon qulqullaa'aan inni kan Waaqayyoos walakkaa isaatti haa argamu!

¹¹Kun immoo luboota warra ilmaan Zaadoq keessaa qulqullaa'anii yeroo namoonni Israa'el karaa irraa jal'atan Lewwoota warra kaanii wajjin utuu karaa irraa hin jal'atin wanta ani isaan abboome eeganiif haa ta'u!

¹²Kun qooda kennaa qulqullaa'aa isa kan biyyichaa, isa iddoo hundumaa caalaa qulqullaa'aa ta'e daarii warra Lewwootaa isa jiru keessaa kennaa addaa isaaniif haa ta'u*![233]

¹³?Karaa daarii warra lubootaa, warri Lewwootaas hirmaata dheerinni isaa dhundhuma kuma digdamii shanii, bal'inni isaa dhundhuma kuma kudhanii haa qabaatan! Guutummaatti dheerinni isaa dhundhuma kuma digdamii shan, bal'inni isaa kuma kudhan in ta'a.

¹⁴Isaan immoo gar tokkoo isaa illee hin gurgurin, hin geddarinis! Qoodni biyyicha keessaa fo'ame kun Waaqayyoof qulqullaa'aa waan ta'eef, darbee harka nama biraatti hin kennamin!

¹⁵?Lafti inni irraa hafe, inni bal'inni isaa dhundhuma kuma shanii fi dheerinni isaa dhundhuma kuma digdamii shanii immoo wanta walii wajjin itti hojjetaniif, mandaraaf, iddoo taa'umsaaf, lafa tikaafis haa ta'u! Mandarattiinis walakkaa isaatti haa ijaaramtu!

¹⁶Safarri ishees, karaa gara bitaa dhundhuma kuma afurii fi dhibba shan, karaa gara mirgaa dhundhuma kuma afurii fi dhibba shan, karaa gara ba'a-biiftuu dhundhuma kuma afurii fi dhibba shan, karaa gara lixa-biiftuus dhundhuma kuma afurii fi dhibba shan haa ta'u*!

¹⁷Lafti tikaa inni kan mandarattiis, karaa gara bitaa dhundhuma dhibba lamaa fi shantama, karaa gara mirgaa dhundhuma dhibba lamaa fi shantama, karaa gara ba'a-biiftuu dhundhuma dhibba lamaa fi shantama, karaa gara lixa-biiftuus dhundhuma dhibba lamaa fi shantama haa ta'u!

¹⁸Iddoo sana irraa hafee, duukaa hojjaa isa qooda qulqullaa'aa sana keessaa kennaa addaa ta'ee inni kaa'ame immoo, gara ba'a-biiftuutti dhundhuma kuma kudhan, gara lixa-biiftuuttis dhundhuma kuma kudhan haa ta'u! Kunis duukaa qooda isa qulqullaa'aa sanaa ta'uutu irra jira; wanti isa irraa galu immoo hojjetoota mandarattii sanaaf nyaata haa ta'u!

¹⁹Warri mandarattiidhaaf hojjetan laficha haa qotan! Isaanis gosa Israa'el hundumaa keessaa haa ta'an!

²⁰Guutummaan qooda isin kennaa addaa gootanii keessanis cinaachi isaa adduma addaan dhundhuma kuma digdamii shan ta'ee, cinnaachi arfanuu wal haa qixxaatu! Kanas qooda isa qulqullaa'aaf isa mandarattiidhaaf qabeenya ta'e sanaa wajjin in kennitu.[234]

²¹?Karaa gara lamaanuu qooda qulqullaa'aa irraa akkasumas qabeenya mandarattii irraa kan hafu, fuullee kennaan addaa inni dhundhuma kuma digdamii shanii sun ga'ee dhaabatuu hamma daarii isa karaa ba'a-biiftuutti, gara lixa-biiftuuttis fuullee inni dhundhuma kuma digdamii shanii sun ga'ee dhaabatuu hamma daarii isa karaa lixa biiftuutti inni hirmaata gosaa duukaa jiru kan guddaa biyyaa haa ta'u! Innis kennaa addaa isa qulqullaa'aa isa iddoon qulqullaa'aan manicha qulqullummaa walakkaa isaatti argamu haa ta'u!

²²Qabeenyi warra Lewwootaa fi kan warra mandarattii qabeenya isa kan guddaa biyyaa sana gidduutti argama; ga'aan guddaa biyyaas daarii Yihudaa fi daarii Benyaamiin gidduutti argama*.[235]

²³?Gosi warri hafan immoo, gosi Benyaamiin cinaacha gara ba'a-biiftuutii hamma cinaacha gara lixa-biiftuutti ga'aa tokko argata.

²⁴?Daarii Benyaamiinitti aanee cinaacha gara ba'a-biiftuutii hamma cinaacha gara lixa-biiftuutti, gosi Shimi'oon ga'aa tokko argata.

²⁵?Daarii Shimi'oonitti aanee cinaacha gara ba'a-biiftuutii hamma cinaacha gara lixa-biiftuutti, gosi Yisaakor ga'aa tokko argata.

²⁶?Daarii Yisaakoritti aanee cinaacha gara ba'a-biiftuutii hamma cinaacha gara lixa-biiftuutti, gosi Zebuloon ga'aa tokko argata.

²⁷?Daarii Zebuloonitti aanee cinaacha gara ba'a-biiftuutii hamma cinaacha gara lixa-biiftuutti, gosi Gaadi ga'aa tokko argata.

²⁸?Daarii Gaaditti aanee gara harka mirgaatiin, daariin isaa Taamaarii ka'ee gara mirgaatti hamma bishaan Mariibaa-Qaadeshitti in adeema; achii immoo karaa laga Gibxii ba'ee hamma galaana isa guddaatti in adeema*.

²⁹?Lafti isin dhaala gootanii buufata mukaatiin gosa Israa'eliif hirtan isa kana; ga'aan isaaniis isaan kana? jedhe; kana Waaqayyo gooftaatu dubbate.[236]

³⁰Karrawwan mandarattii keessaa ittiin ba'an warra kanatti aananii jiranii dha; ?Cinnaachi gara bitaa safarri isaa dhundhuma kuma afurii fi dhibba shan;

³¹karri mandarattii maqaa gosa Israa'eliin in waamaman; karri sadan karaa gara bitaa jiran, ?Karra Ruuben, karra Yihudaa, karra Lewwii? jedhamu.

³²?Karaa cinaacha gara ba'a-biiftuu mandarattii isa safarri isaa dhundhuma kuma afurii fi dhibba shanii, karra sadiitu jira; isaanis, ?Karra Yoseef, karra Benyaamiin, karra Daan? jedhamu.

³³?Karaa cinaacha gara mirgaa mandarattii isa safarri isaa dhundhuma kuma afurii fi dhibba shanii, karra sadiitu jira; isaanis, ?Karra Shimi'oon, karra Yisaakor, karra Zebuloon? jedhamu.

³⁴?Karaa cinaacha gara lixa-biiftuu mandarattii isa safarri isaa dhundhuma kuma afurii fi dhibba shanii, karra sadiitu jira; isaanis, ?Karra Gaadi, karra Asheer, karra Niftaalem? jedhamu.

³⁵Guutummaan naannoo mandarattii dhundhuma kuma kudha saddeet; guyyaa sanaa jalqabee maqaan mandarattii ?Waaqayyo achi jira? in jedhama? jedhe*.[237]