Read west central oromo Macaafa Hisqi'el Raajichaa 7 Bible Online

Macaafa Hisqi'el Raajichaa 7 - west central oromo bible

Macaafa Hisqi'el Raajichaa 7

¹Dubbiin Waaqayyoo gara koo dhufee,

²?Yaa mucaa namaa! Waaqayyo gooftaan, biyya Israa'eliin, ?Dhumni, dhumni golee biyyichaa arfanuu irratti dhufeera!

³Amma dhumni sitti dhufeera, ani dheekkamsa koo sitti gad nan erga, akka adeemsa keetti sitti nan farada, wanta ciiggaasisaa ati hojjette hundumaas si irra nan kaa'a.

⁴Wanti ciiggaasisaan ati hojjette sun si keessa hamma jirutti, ani adeemsa keetiif adaba si irra nan kaa'a malee, garaan koo siif hin oo'u, siif hin hilus?, yommus ani Waaqayyo akkan ta'e ati in beekta? jedhe*.[23]

⁵Waaqayyo gooftaan, ?Kunoo, wanti hamaan, wanta hamaa takkaa dhaga'amee hin beekne irratti dabalamee in dhufa.

⁶Dhumni dhufeera! Dhumni sun dhufeera! Inni sitti ka'eera, kunoo, inni dhufeera;

⁷firdiin isin irratti dhufeera, isin yaa warra biyyicha keessa jiraattanii! Yerichi ga'eera; guyyaa itti tulloota irraa sagalee gammachuu dhageessisan utuu hin ta'in, guyyaan wacaa dhi'aateera;

⁸ammas ani dafee dheekkamsa koo si irratti nan dhangalaasa, aarii koos sitti nan ba'a, akka adeemsa keetiittis sitti nan farada; wanta ciiggaasisaa ati hojjette hundumaas si irra nan kaa'a.

⁹Garaan koo siif hin oo'u, siif hin hilus, wanti ciiggaasisaan ati hojjette sun si keessa hamma jirutti ani adeemsa keetiif adaba si irra nan kaa'a; yommus ani Waaqayyo isa rukutu sana akkan ta'e ati in beekta.

¹⁰?Guyyichi kunoo ti, inni amma dhufeera! Firdiin ba'eera, of koorsuun hudheera, uleen firdii jal'isus daraareera.

¹¹Humnaan nama irratti ka'uun guddatee ulee jal'inaa ta'e; isaan keessaa, tuuta isaanii keessaa, badhaadhummaa isaanii keessaa, waanuma gatii qabu keessaas kan hafu tokko illee hin jiru*;

¹²yerichi dhufeera, guyyichis amma ga'eera; dheekkamsi guutummaa tuuta sanaa irratti waan dhufuuf, inni bitu hin gammadin, inni gurgurus hin gaddin!

¹³Mul'anni waa'ee guutummaa tuuta sanaa gara galfamuu waan hin dandeenyeef, namni waa gurgure tokko, lachuun isaanii jiru yoo ta'e iyyuu isa gurgure sana hin deebifatu; sababii yakka isaaniitiif isaan keessaa namni tokko illee jireenya isaa oolfachuu hin danda'u*.

¹⁴Dheekkamsi koo guutummaa tuuta sanaa irra waan jiruuf, fiinoo afuufanii waan hundumaas yoo qopheessan iyyuu namni lola dhaqu tokko illee hin jiru.[24]

¹⁵?Ala billaatu jira, keessa immoo dha'ichaa fi beelatu jira; isa ala jiru billaan in ajjeesa, isa mandara keessa jiru beellii fi dha'ichi in fixa*.

¹⁶Isaan keessaa warri oolanii jalaa baqatan hundinuu adduma addaan sababii yakka isaatiif akka gugee dachaa keessaatti aadaa tulluu irra in jiraatu;

¹⁷harki hundinuu dadhabaa in ta'a, jilbi hundinuus laafee bishaan in ta'a*;

¹⁸isaan uffata gaddaa in uffatu, pherpheramni guutummaatti isaan in raasa, fuula hundumaa irraa yeelloon in mul'ata, mataan isaaniis hundinuu in haadama*.

¹⁹Meetii isaanii karaa irratti in gatu; warqeen isaaniis akka wanta xuraa'aatti in ilaalama; meetiin isaanii fi warqeen isaanii guyyaa dheekkamsa Waaqayyootti isaan oolchuu hin danda'an; sababii yakki isaanii gufuu isaanitti ta'eef, nyaatanii beela hin ba'an, garaa isaaniis hin guuttatan*.

²⁰Isaan mi'a naqata isaanii isa miidhagaa ulfina waa'ee hin baafneef godhatanii, isa irraas fakkeenya wanta nama ciiggaasisuu fi waaqayyolii tolfamoo isaanii in hojjetatan; kanaafis ani kana wanta xuraa'aatti duraa nan geddara*.

²¹Anis warri ormi akka isa qabatanii fi jal'oonni lafa irra jiraatanis akka isa booji'aniif harka isaanii keessa nan buusa; isaanis isa in xureessu.

²²Ani fuula koo isaan irraa nan deebisa; isaanis iddoo mi'a kootii in xureessu; warri saamtuunis itti galanii isa in xureessu*.[25]

²³?Biyyichi gumaadhaan waan guuteef, mandarattiinis humnaan nama irratti ka'uudhaan waan guutteef, funcaan adabaa haa tolfamu!

²⁴Saba lafa irraa keessaa warri caalaa hammaatan manneetii isaanii akka qabataniif isaanitti nan fida; of gurguddisuu warra humna-qabootaa irraas nan fixa; iddoowwan qulqullaa'oonni warri kan isaaniis in xureeffamu*.

²⁵Muddamni yommuu dhufu isaan nagaa in barbaadu; garuu nagaan tokko illee hin jiru.

²⁶Yommuu badiisi badiisa irratti dabalamu, oduunis oduu duukaa bu'u, isaan raajii biraa mul'ata in barbaaddatu; garuu seerri luboota harkaa, gorsis jaarsolii harkaa in bada*.

²⁷Mootiin in gadda, guddaan biyyaas na'ee in hadooda, harki namoota biyyaas naasuudhaan in rom'a; ani akka adeemsa isaaniitti isaanitti nan fida; firdii isaaniitiinis isaanitti nan farada; yommus ani Waaqayyo akkan ta'e isaan in beeku? jedhe.[26]