Read west central oromo Macaafa Hose'a Raajichaa 11 Bible Online

Macaafa Hose'a Raajichaa 11 - west central oromo bible

Macaafa Hose'a Raajichaa 11

¹?Israa'el ijoollee yeroo turetti ani isa nan jaalladhe, biyya Gibxii keessaas ilma koo nan waame*.

²Hammuma ani isaan waame immoo isaan caalchisanii ana irraa in fagaatan; isaan Ba'aaliif aarsaa dhi'eessuu, bifa fakkeenyaafis ixaana aarsuu ittuma in fufan*.[44]

³?Ani illee sanyii Efreem daaddisuu nan barsiise, kaasuuttis ol isaan nan fuudhe, isaan garuu kan isaan fayyisu ana akka ta'e hin beekne*.

⁴Ani lookoo gara-laafinaatiin hidhaa jaalalaatiin isaan nan harkise; akka isa waanjoo boquu isaanii irraa itti laafisees isaaniif nan ta'e, gara isaaniittis gad jedhee isaan nan nyaachise.[45]

⁵?Isaan gara kootti deebi'uu waan didaniif, gara biyya Gibxiitti deebi'uuf jiru, warri Asoris isaan irratti in mo'u.

⁶Billaan mandaroota isaanii keessatti gad isaan in cira, danqaraa karra dallaa isaaniis in kukkuta, namoota isaanii warra koratanis in fixa.

⁷?Sabni koo ana irraa gara galuutti liqimfamanii jiru, yoo ol isaan waamanis, isaan takkaa iyyuu ol hin ka'an.

⁸?Yaa Efreem, attamittan kan biraatti si kennuu danda'a ree? Yaa Israa'el, ani attamitti garaa kutadhee si dhiisu ree? Ani attamittan akka mandara Aadimaa dabarsee si kennuu danda'a ree? Yookiis attamittan akka mandara Zebo'iim si gochuu danda'a ree? Kana gochuuf garaan koo hin dandeenye, oo'i koos ittuma caale*.

⁹Ani dheekkamsa koo isa boba'aa gad hin dhiisu, deebi'ee Efreemin hin balleessu; ani Waaqayyoo dha malee, nama miti; ani isa qulqulluu si gidduu jiruu dha, ani ija aariitiin hin dhufu*.[46]

¹⁰?Isaan ana Waaqayyo duukaa in bu'u, ani sagalee koo isa akka leencaa aadu nan dhageessisa, eyyee, ani sagalee koo nan dhageessisa! Ilmaan koos hollataa gara lixa biiftuutii in dhufu*,

¹¹wareeranii akka simbirrootaatti biyya Gibxiitii, akka gugeettis biyya Asorii in dhufu, ani immoo mana isaaniitti isaan nan deebisa; kana ana Waaqayyotu dubbate*.[47]

¹²?Efreem sobaan, manni Israa'elis gowwoomsaadhaan na marsaniiru; Yihudaan immoo ana Waaqayyo irratti ka'ee asii fi achi in naanna'a, warra ofii qulqulluutti lakkaa'ateef immoo amanamaa dha.