Read west central oromo Macaafa Hose'a Raajichaa 3 Bible Online

Macaafa Hose'a Raajichaa 3 - west central oromo bible

Macaafa Hose'a Raajichaa 3

¹Waaqayyo, ?Namoonni Israa'el gara waaqayyolii kan biraatti yoo gara galan iyyuu, aarsaa bixxillee ija waynii isaaniis yoo jaallatan iyyuu, Waaqayyo akkuma isaan jaallatu, ati immoo ammas dhaqi, dubartii nama ishee jaallatu utuu qabduu ejjitu tokko jaalladhu!? anaan jedhe*.

²Kanaaf ani meetii kudha shanii fi garbuu kuntaala lamaa fi kiiloo digdamaatiin ishee nan bitadhe.

³Kana booddee isheedhaan, ?Guyyaa baay'ee calluma jedhii anaaf taa'i, ejjummaa hin hojjetin, nama biras hin ga'in! Anis akkasuma utuu si bira hin ga'in nan taa'a? nan jedhe.[12]

⁴Namoonni Israa'el iyyuu mootii, gurguddoota biyyaa, qalma gubamu, utubaa dhagaa qullaa'aatti ilaalamu, uffata lubummaa isa uffatanii Waaqayyoon gaafatan, bifa waaqayyolii mi'a mana keessaas malee guyyaa baay'eedhaaf taa'uuf jiru*.

⁵Kana booddees namoonni Israa'el deebi'anii, Waaqayyo isaanii goofticha, Daawitinis mootii isaanii in barbaaddatu; dhuma barichaattis isaan sodaa guddaadhaan gara Waaqayyoo, gara wanta gaarii inni isaaniif godhus in dhufu*.[13]