Read west central oromo Macaafa Hose'a Raajichaa 4 Bible Online

Macaafa Hose'a Raajichaa 4 - west central oromo bible

Macaafa Hose'a Raajichaa 4

¹Yaa namoota Israa'el, biyyicha keessa amanamummaan, jaalalli, Waaqayyoon beekuun waan hin jirreef, Waaqayyo warra biyyicha keessa jiraatanii wajjin dubbii qaba, kanaaf dubbii Waaqayyoo dhaga'aa*!

²?Kakatanii haaluun, ajjeesuun, hatuun, ejjuun, humnaan nama irratti ka'uun, dhiiga dhangalaasuun, dhiiguma dhangalaasuu itti in dabala*.

³Kanaafis lafichi in boo'a, warri laficha irra jiran hundinuu, bineensonni daggalaa fi simbirroonni qilleensa keessa balali'an gad in dhumu, qurxummiin galaanaa iyyuu fudhatamanii in badu*.[14]

⁴?Namni dubbii hin kaasin, namas hin ifatin! Ani garuu sii wajjinan dubbii qaba, yaa lubichaa*!

⁵Ati guyyaadhaan in gufatta, raajichis immoo halkaniin sii wajjin in gufata; biyya kee ishee haadha kee sana nan balleessa.

⁶Sabni koo karaa ittiin na beeku waan dhabeef balleeffame; ati ana beekuu tuffattee waan dhiifteef, anis luba anaaf ta'uu kee tuffadheen si dhiise; erga ati seera koo seera Waaqayyo keetii irraanfatte, anis immoo ilmaan kee nan irraanfadha*.[15]

⁷?Hammuma ofii baay'atan na yakkuu isaaniis in baay'isan; ani immoo ulfina isaanii salphinatti nan geddara.

⁸Kennaa sabni koo waa'ee cubbuu isaatiif dhi'eessu in nyaatu; sabni akka yakkus garaa guutuudhaan in hawwu*.

⁹Wanti saba sanatti dhufu lubichattis in dhufa; kanaaf ani adeemsa isaatiif isa nan adaba, hojii isaas mataa isaatti nan deebisa.

¹⁰Nyaachuu in nyaatu, garuu hin quufan; ejja waaqayyolii tolfamoo in ejju, garuu galanii ijoollee hin godhatan; isaanoo ana Waaqayyoon dhiisaniiru, dhimma koos hin qaban.[16]

¹¹?Ejja waaqayyolii tolfamoof ejjuun, daadhii waynii isa ba'aa, isa hin ba'inis dhuguun, yaada isaan keessaa fudhate.

¹²Sabni koo bifa muka irraa qiinqimame deebii in gaafata, dhaabbanni isaas akka isaa akka itti himuuf in eeggata; yaadni ejjummaa isaanitti galee isaan wallaalchise; Waaqayyo jalaa ba'anii ejja isaanii duukaa bu'an*.[17]

¹³?Isaan bantii tullootaa irratti qalma in qalu, gaarota irrattis aarsaa in dhi'eessu; kanas gaaddisi isaanii mararaa waan ta'eef, muka hoomii, qilxuu fi dambii jalatti in hojjetu; kanaafis intaloonni keessan in gaalamootu, dubartoonni ilmaan keessaniis in ejju*.

¹⁴Warri dhiiraa ofii isaaniitii ejjitootaa wajjin gara tokkotti in goru, dubartoota galma keessatti ejjaaf qophaa'anii taa'anii wajjinis qalma in qalu erga ta'ee, isa intaloonni keessan gaalamootaniif, isa dubartoonni ilmaan keessanii ejjaniifis ani isaan hin adabu; sabni wallaalaanis in balleeffama*.[18]

¹⁵?Yaa Israa'el, ati ejja akkasiitti yoo gorte iyyuu, Yihudaan akka kee hin yakkin! Giilgal iddoo sagadaa hin ga'inaa! Bet'elitti [ishee ?Bet-Aween? kana jechuunis ?Mana jal'inaa? jedhamtetti] ol hin ba'inaa, ?Dhugaa Waaqayyo isa jiraataa? jettaniis hin kakatinaa*!

¹⁶Israa'el akkuma goromsa didduu gara-didaa erga ta'ee, amma immoo Waaqayyo akka hoolotaatti bakkee bal'aa keessa isa tiksaa ree?

¹⁷Efreem hidhata waaqayyolii tolfamanii ta'eera, itti dhiisaa!

¹⁸Gurguddoonni isaa warri gaachana baatan iyyuu dhugaatiin isaanii erga dhumee, ejja isaaniitti in ka'u; salphina kanas baay'isanii in jaallatu.

¹⁹Bubbeen akka waan qoochoo itti mareetti isaan fuudhee in adeema; sababii aarsaa isa waaqayyolii isaaniitiif dhi'eessaniif in yeellaasifamu.[19]