Read west central oromo Macaafa Hose'a Raajichaa 5 Bible Online

Macaafa Hose'a Raajichaa 5 - west central oromo bible

Macaafa Hose'a Raajichaa 5

¹?Isin luboota nana kana dhaga'aa, yaa gurguddoota Israa'el, yaadatti qabadhaa; warri mana mootichaas gurra keessan as qabaa! Firdii eeguun isiniif kennamee ture, amma garuu firdiin isin irratti in raawwatama; isinoo iddoo ?Miisphaa? jedhamutti akka futtaasaa, tulluu Taabor irrattis akka kiyyoo diriirfamee taataniittu.

²Isin sanyii isa Shiixiimitti hojjettanii gad fageessitanii bal'ifattaniittu; ani garuu hunduma keessan cimsee nan adaba.

³Ani Efreemin nan beeka, Israa'elis ana duraa hin dhokanne; amma immoo yaa Efreem, ejjuu keetiin gara-gaggaluu argisiifteetta, Israa'elis xuroofteetti*.

⁴Gara-gaggaluun yaada isaanii keessa waan jiruuf, Waaqayyoon hin beekan; hojiin isaanii gara Waaqayyootti deebi'uu isaan in dhowwa*.[20]

⁵?Wanti Israa'el ittiin of gurguddisu isumatti dhugaa in ba'a; Israa'elii fi Efreem yakka isaaniitiin in gufatu; Yihudaanis immoo isaanii wajjin in gufata*.

⁶Isaan bushaayee isaanii fi saawwan isaanii fudhatanii Waaqayyoon barbaaduuf in dhufu; garuu inni waan isaan jalaa deebi'eef, isa hin argatan*.

⁷Isaan Waaqayyoof waan hin amanamneef, ormaaf ijoollee in godhatan; kanaaf baatii haaraatti isaan lafa isaanii wajjin xaph in jedhu.[21]

⁸?Egaa fiinoo Giibe'aa keessatti, fiingees Raamaa keessatti afuufaa! Sagalee nama dammaqsu ?Bet-Aween? [ishee dur ?Bet'el? jedhamtutti] dhageessisaa! Benyaamiinin garaa raasaa!

⁹Guyyaa adabaatti Efreem onaa in ta'a; wanta dhuguma gosa Israa'el keessatti ta'us nan labsa.

¹⁰Gurguddoonni Yihudaa akka warra daarii dhiibanii ta'aniiru, kanaaf ani dheekkamsa koo akka bishaaniitti isaan irratti nan dhangalaasa*.

¹¹Efreem wanta waa'ee hin baafne duukaa bu'uu yaadaa waan qabuuf, cunqurfamee dhugaan isaa badeera.

¹²Kanaafis ani Efreemitti akka madaa malaa kuusee ti, mana Yihudaattis akka boccoqaa raammessuu ti.[22]

¹³?Efreem dhukkuba isaa, Yihudaanis madaa isaa yommuu arge, yommus Efreem biyya Asor dhaqe, mooticha guddaa sanattis in ergate; garuu inni isin fayyisuu, madichas isin irraa balleessuu hin dandeenye*.

¹⁴Anoo Efreemitti akka leencaa, mana Yihudaattis akka leenca saafelaa nan ta'a; ani, anumti tatarsaasee nan adeema, fuudhees nan sokka, kan oolchus hin jiru*.

¹⁵Hamma isaan yakka isaanii of iratti beekanii fuula koo barbaaddatanitti, ani nan adeema, iddoo koottis nan deebi'a; yoos isaan rakkina isaanii keessatti dammaqanii ana in barbaaddatu? jedhe*.[23]