Read west central oromo Yoonaas Raajichaa 3 Bible Online

Yoonaas Raajichaa 3 - west central oromo bible

Yoonaas Raajichaa 3

¹Ergasii dubbiin Waaqayyoo si'a lammaffaa gara Yoonaas dhufee,

²?Ka'i, gara Nanawwee mandara guddittii dhaqi, wanta ani akka ati labsituuf sitti himus irratti labsi!? jedhe*.

³Kana irratti Yoonaas akkuma Waaqayyo isatti himetti ka'ee gara Nanawwee dhaqe; Nanawween fuula Waaqayyoo duratti iyyuu mandara baay'ee guddoo turte, gara tokkoon lixanii gara kaaniin ba'uudhaaf adeemsa guyyaa sadii in fudhata ture*.

⁴Yoonaas mandarattii keessa lixuu jalqabee, adeemsa guyyaa tokkoo erga adeemee booddee, ?Nanawween gara gaggaluudhaaf guyyaa afurtama duwwaatu hafe!? jedhee labse.[8]

⁵Warri Nanawwee dhaamsa Waaqayyoo kana amananii fudhatan; gurguddaan, xixinnaanis akka soomaniif labsanii, uffata gaddaas in uffatan*.

⁶Dubbiin kun mootii Nanawwee bira in ga'e, yommus inni teessoo isaa irraa ka'ee, uffata isaa isa surra-qabeessa of irraa fuudhee, uffata gaddaa uffatee daaraa keessa in taa'e.

⁷Achumaan mootichi guutummaa mandara Nanawweetti labsiin akka labsamu in godhe; labsiin ba'e sunis, ?Mootichaa fi gurguddoota isaa biraa akka abboomametti namni, sa'i, bushaayeen, horiin qe'ee warri kaanis, waa afaaniin hin qabin, marga hin dheedin, bishaan iyyuu hin dhugin!

⁸Namnii fi horiin gadda haa uffatan; jabeessaniis gara Waaqayyootti haa iyyan; namni adduma addaan karaa isaa isa hamaa irraa, irree isaa nama irratti argisiisuu irraas haa deebi'u!

⁹Waaqayyo isa fiduuf yaade dhiisee in deebisa ta'a, maaltu beeka? Akka nuyi hin badnettis aarii isaa isa finiinaa irraa in deebi'a ta'a? kan jedhu ture*.[9]

¹⁰Waaqayyo kana gochuu isaanii, karaa isaanii isa hamaa irraa deebi'uu isaaniis in arge; kanaaf inni wanta hamaa isaanitti fiduudhaaf dubbate sana in dhiise, irrattis hin fidne*.[10]