Read west central oromo Yoonaas Raajichaa 4 Bible Online

Yoonaas Raajichaa 4 - west central oromo bible

Yoonaas Raajichaa 4

¹Yoonaas waa'ee kanaaf baay'ee dallanee, aaree in boba'es;

²yommus inni Waaqayyoon kadhatee, ?Maaloo yaa gooftaa, utuun biyya kootii hin ka'in, inni ani sodaadhe isuma kana mitii ree? Ati Waaqayyo araara-qabeessa, oo'a-qabeessa, aariitti suuta-jedhaa dha, gaarummaan kee baay'ee dha, wanta hamaa fiduuf jettees in dhiifta; ani kana beekeen harka si dursee Tarshiishitti sokke*.

³Amma immoo yaa Waaqayyo, ani jiraachuu irra du'uu anaaf wayya, hadaraa lubbuu koo ana keessaa fuudhi!? jedhe*.[11]

⁴Waaqayyo immoo deebisee, ?Ati aaruun siif in ta'aa ree?? jedheen.

⁵Yommus Yoonaas mandaricha keessaa ba'ee, mandaricha irraa gara ba'a-biiftuutti goree taa'e; achitti godoo baalaa walitti qabatee, wanta mandarattiitti dhufu hamma argutti gaaddisa isaa jala taa'e.

⁶Yommus Waaqayyo gooftaan biqiltuun akka qobboo biqilee, gaaddisa isaa mataa Yoonaas irra buufatee dallansuu isaa akka itti foyyeessuuf godhe; Yoonaas immoo biqiltuu sanatti baay'isee in gammade.

⁷Borumtaa garuu yeroo boruun baqaqutti Waaqayyo, raammoon tokko biqiltuu akka qobboo sana akka ciniintu in godhe; biqiltuun sunis in goge;

⁸yeroo aduun baatetti immoo Waaqayyo, qilleensi ba'a-biiftuu inni gubaan akka isatti qilleensa'u in godhe; aduunis hamma Yoonaas gaggabutti mataa isaa waraane; yommus inni, ?Jiraachuu irra du'uu anaaf wayya? jedhee du'uu in hawwe*.[12]

⁹Waaqayyo ergasii Yoonaasiin, ?Ati waa'ee biqiltuu sanaaf aaruu in tolchitee?? jedhe; inni immoo, ?Ani hamma du'aatti aaruuf iyyuu nan tolche? jedhee deebiseef*.

¹⁰Waaqayyo garuu, ?Ati biqiltuu waan tokko itti hin dadbabiniif, isa hin guddisiniif, isa halkan tokkotti ba'ee halkanuma tokkotti immoo badeef in gaddita;

¹¹mandara Nanawwee keessa namoota kumaatama dhibba tokkoo fi kuma digdama irra caalanii fi horii qe'ee baay'eetu jiraata; namoonni ishee keessa jiraatan sun warra bitaa fi mirga iyyuu gargar baasuu hin dandeenyee dha; egaa ani immoo mandara guddittii namoonnii fi horiin hammasii keessa jiraatan kanaaf garaan ana hin jibbuu ree?? jedhe.[13]