Read west central oromo Seera Lakkoobsaa 17 Bible Online

Seera Lakkoobsaa 17 - west central oromo bible

Seera Lakkoobsaa 17

¹Waaqayyo ammas Museedhaan,

²?Israa'elootatti dubbadhuutii, tokkon tokkon maatiitiif akka gosa gosa isaaniitti ulee tokko tokko, walumatti ulee kudha lama geggeessituu gosaa harkaa fuudhiitii maqaa tokkon tokkon isaanii ulee ulee isaanii irratti caafi!

³Abbaan gosaa tokko ulee tokko waan qabuuf, ulee gosa Lewwii irratti maqaa Aaron caafi!

⁴Uleewwan sanas iddoo dhuga-baatuu sana dura dunkaana itti wal ga'an keessaa lafan itti si argu sana kaa'i*!

⁵Uleen namicha isa ani fo'adhus in lata; ani immoo guungummii Israa'elootaa isa isaan yeroo hundumaa isin irratti guunguman of irraa nan kuta? jedhe.[57]

⁶Museenis kana irratti Israa'elootatti in dubbate; geggeessitoonni sabaas akka gosa gosa isaaniitti ulee tokko tokko, walumatti ulee kudha lama isatti in kennan; uleen Aaronis isaan keessaa tokko ture.

⁷Yommus Museen uleewwan sana godoo dhuga-baatuu keessa Waaqayyo dura in naqe.

⁸Borumtaa isaas Museen yeroo gara godoo dhuga-baatuutti ol gale, kunoo! Uleen Aaron inni kan mana Lewwii, latee, hudhee, daraarees ija lawuzii bilchaataa godhatee ture;

⁹Museen uleewwan sana hundumaa fuula Waaqayyoo duraa fuudhee gara guutummaa Israa'elitti gad in baase; isaanis ilaalanii adduma addaan ulee ulee isaanii in fudhatan.

¹⁰Waaqayyo ergasii Museedhaan, ?Ulee isa kan Aaron sanduuqa dhuga-baatuu sana duratti deebisi, ulichi warra didanii ka'an sanaaf milikkita haa ta'u! Wanta kanaan isaan akka hin dhumnetti deebi'anii ana irratti akka hin guungumne in goota? jedhe*.

¹¹Museenis akkuma Waaqayyo isa abboome in godhe.[58]

¹²Yommus Israa'eloonni Museedhaan, ?Kunoo! Nuyi in duuna, in dhumna, hundumti keenyas in badna!

¹³Namni tokko illee gara godoo Waaqayyootti yoo dhi'aate in du'a erga ta'ee, egaa nus in dhumnaa ree?? jedhan*.[59]