Read west central oromo Seera Lakkoobsaa 25 Bible Online

Seera Lakkoobsaa 25 - west central oromo bible

Seera Lakkoobsaa 25

¹Warri Israa'el Shiixiimin buufatanii utuu jiranii, isaan keessaa jarri tokko dubartoota Mo'aabii wajjin ejjuutti in ka'an*.

²Dubartoonni kun jara kana gara aarsaa waaqayyolii tolfamoo isaaniitti in waaman; isaanis nyaatanii, waaqayyolii isaaniitiifis in sagadan.

³Warri Israa'el Ba'aal isa Phe'or waaqessuutti in qabaman; yommus dheekkamsi Waaqayyoo Israa'el irratti in boba'e*.

⁴Waaqayyo ammoo Museedhaan, ?Dheekkamsi koo inni sodaachisaan Israa'el irraa akka deebi'utti, ati angafoota saba kanaa fuudhii ajjeesiitii hamma aduun lixxutti fuula koo duratti isaan rarraasi!? jedhe*.

⁵Museen kana irratti abboota firdii warra Israa'eliin, ?Isin tokkon tokkon keessan nama keessan keessaa Ba'aal isa Phe'or nama waaqeffatu ajjeesaa!? jedhe*.[88]

⁶Kunoo, Museenii fi guutummaan waldaa saba Israa'el dunkaana itti wal ga'an dura dhaabatanii utuu isaan boo'anii, namoota Israa'el keessaa tokko utuma isaan ilaalanii, dubartii warra Miidiyaan tokko fudhatee gara maatii isaatii dhufe.

⁷Yommus Fiinehaas ilmi Ele'azaar ilma Aaron lubichaa kana argee, ka'ee waldicha keessaa ba'ee eeboo fudhatee,

⁸hamma gola isa keessaatti namicha Israa'el sana duukaa dhaqee, namicha, dubartittiis waraanee keessa in baase; akkasitti dha'ichi Israa'eloota irraa in ittifame.

⁹Haa ta'u iyyuu malee, warri dha'icha sanaan ajjeefaman namoota kuma digdamii afur turan*.[89]

¹⁰Waaqayyo yommus Museedhaan,

¹¹?Israa'eloota keessaa Fiinehaas ilmi Ele'azaar ilma Aaron lubichaa, waa'ee kootiif hinaafaa waan tureef, ani hinaaffaa kootiin akkan isaan hin fixnetti dheekkamsa koo isaan irraa deebiseera.

¹²Kanaaf, ?Kunoo ani kakuu nagaa kootii isaaf nan kakadha*.

¹³Inni ana Waaqayyo isaatiif hinaafaa waan tureef, saba Israa'eliifis waan araarseef, kakuun lubummaa bara baraan isaaf, isa booddeedhaanis sanyii isaatiif in ta'a? jedhii dubbadhu!? jedhe.[90]

¹⁴Maqaan namicha isa dubartittii warra Miidiyaanii wajjin ajjeefamee Ziimrii ture; inni immoo ilma Saaluwaa, gosa Shimi'oon keessaa mana abbaa isaatiitti isa geggeessitu turee dha.

¹⁵Maqaan dubartii warra Miidiyaan ishee ajjeefamte immoo Kozbii ture; isheen intala Zuur isa Miidiyaan keessatti dura-buutuu maatii tokkoo turee ti.

¹⁶Waaqayyo ammas Museedhaan,

¹⁷?Warra Miidiyaan kana rakkisaa, isaan rukutaas!

¹⁸Isaan haxxummaa isaanii isa waa'ee Phe'oriif, waa'ee Kozbii intala bulchaa biyyaa warra Miidiyaan obboleettii isaanii, ishee guyyaa dha'icha sababii Phe'oriif dhufe sanaatti ajjeefamte sanaan isin gowwoomsanii isin rakkisaniiru? jedhe.