Read west central oromo Seera Lakkoobsaa 26 Bible Online

Seera Lakkoobsaa 26 - west central oromo bible

Seera Lakkoobsaa 26

¹Dha'icha sana booddee Waaqayyo Musee fi Ele'azaar ilma Aaron lubichaatiin,

²?Guutummaa waldaa Israa'el keessaa namoota waggaan isaanii digdama guutee fi warra digdamaa olii, Israa'el keessaa lola dhaquu kan danda'an hundumaa akka mana mana abbaa isaaniitti lakkaa'aa!? jedhe.

³Museenii fi Ele'azaar lubichi fuullee Yerikootti bukkee laga Yordaanos dachaa Mo'aab keessatti,

⁴akkuma Waaqayyo Musee abboometti, namoota waggaan isaanii digdama guutee fi warra waggaa digdamaa olii walitti in qaban; Israa'eloonni warri biyya Gibxii ba'an kanatti aananii kan jiranii dha.

⁵Ruuben, ilma Israa'el isa angafa; ilmaan Ruuben immoo warra kanatti aananii jiranii dha; Henok, abbaa qomoo Henokootaa ti; Faluu, abbaa qomoo Faluuwotaa ti;

⁶Hezron, abbaa qomoo Hezronootaa ti; Karmiin, abbaa qomoo Karmii'otaa ti.

⁷Isaan kun qomoowwan Ruuben; isaan keessaa warri lakkaa'aman kuma afurtamii sadii fi dhibba torbaa fi soddoma turan.

⁸Ilmi Faluu immoo Eliiyaab.

⁹Ilmaan Eliiyaab, Nemu'el, Daataanii fi Abiiram; Daataanii fi Abiiram kun warra Musee fi Aaroniin mormanii dha; akkasumas yeroo Qoraahii fi gareen isaa Waaqayyoon morman isaan keessa turan*.

¹⁰Yommus lafti banamee Qoraahii wajjin isaan in liqimse; warri garee Qoraahi immoo yeroo ibiddi namoota dhibba lamaa fi shantama fixe dhuman; kanaanis isaan milikkita namoonni ittiin of eeggatan ta'an.

¹¹Haa ta'u iyyuu malee, ilmaan Qoraahi hin ajjeefamne.[91]

¹²Ilmaan Shimi'oon akka qomoo qomoo isaaniitti warra kanatti aananii jiranii dha; Nemu'el, abbaa qomoo Nemu'elootaa ti; Yaamiin, abbaa qomoo Yaamiinotaa ti; Yaakiin, abbaa qomoo Yaakiinotaa ti;

¹³Zeraan, abbaa qomoo Zerootaa ti; Shaawul, abbaa qomoo Shaawulootaa ti*.

¹⁴Isaan kun qomoowwan Shimi'oonotaa ti; lakkoobsi isaanii kuma digdamii lamaa fi dhibba lama ture.[92]

¹⁵Ilmaan Gaadi akka qomoo qomoo isaaniitti warra kanatti aananii jiranii dha; Zefoon, abbaa qomoo Zefoonotaa ti; Haagiin abbaa qomoo Haagotaa ti; Shuniin, abbaa qomoo Shunootaa ti;

¹⁶Ozniin, abbaa qomoo Oznootaa ti; Eriin, abbaa qomoo Erootaa ti;

¹⁷Aarod, abbaa qomoo Aarodootaa ti; Arii'eliin, abbaa qomoo Arii'elootaa ti.

¹⁸Isaan kun qomoowwan ilmaan Gaadi; isaan keessaa warri lakkaa'aman kuma afurtamaa fi dhibba shan turan.

¹⁹Ilmaan Yihudaa Erii fi Onaan turan; isaan garuu biyya Kana'aanitti in du'an*.

²⁰Ilmaan Yihudaa akka qomoo qomoo isaaniitti warra kanatti aananii jiranii dha; Shelaan, abbaa qomoo Shelootaa ti; Faares, abbaa qomoo Faaresootaa ti; Zaaraan, abbaa qomoo Zaarotaa ti.

²¹Ilmaan Faares immoo Hezron, abbaa qomoo Hezronootaa ti; Hamul abbaa qomoo Hamulootaa ti*.

²²Isaan kun qomoowwan Yihudaa ti; isaan keessaa warri lakkaa'aman kuma torbaatamii ja'aa fi dhibba shan turan.[93]

²³Ilmaan Yisaakor akka qomoo qomoo isaaniitti warra kanatti aananii jiranii dha; Tolaan abbaa qomoo Tolaawotaa ti; Fuwaan, abbaa qomoo Fuwootaa ti;

²⁴Yaashub, abbaa qomoo Yaashubootaa ti; Shimroon, abbaa qomoo Shimroonotaa ti.

²⁵Isaan kun qomoowwan Yisaakor; isaan keessaa warri lakkaa'aman kuma jaatamii afurii fi dhibba sadii turan.

²⁶Ilmaan Zebuloon akka qomoo qomoo isaaniitti warra kanatti aananii jiranii dha; Sered, abbaa qomoo Seredootaa ti; Eloon, abbaa qomoo Eloonotaa ti; Yaahile'el, abbaa qomoo Yaahile'elootaa ti;

²⁷isaan kun qomoowwan Zebuloon; isaan keessaa kan lakkaa'aman kuma jaatamaa fi dhibba shan turan.

²⁸Ilmaan Yoseef akka qomoo qomoo isaaniitti, Minaasee fi Efreem.

²⁹Ilmaan Minaasee, Maakiir, abbaa qomoo Maakiirotaa ti; Maakiir kun abbaa Giil'aad ture; Giil'aad immoo abbaa qomoo Giil'aadotaa ti.

³⁰Ilmaan Giil'aad immoo warra kanatti aananii jiranii dha; Yi'ezer, abbaa qomoo Yi'ezerootaa ti; Helek, abbaa qomoo Helekootaa ti;

³¹Asrii'el, abbaa qomoo Asrii'elootaa ti; Sheekem, abbaa qomoo Sheekemootaa ti.

³²Shemiidaan, abbaa qomoo Shemiidotaa ti; Hefer, abbaa qomoo Heferootaa ti.

³³Zelofehaad ilmi Hefer immoo intaloota malee, ilmaan hin qabu ture; maqaan intaloota Zelofehaad, Maahilaa, No'aa, Hoglaa, Miilkaa fi Tiirzaa ture*.

³⁴Qomoowwan Minaasee isaan kana; isaan keessaa kan lakkaa'aman kuma shantamii lamaa fi dhibba torba turan.[94]

³⁵Ilmaan Efreem akka qomoo qomoo isaaniitti warra kanatti aananii jiranii dha; Shutelaan, abbaa qomoo Shutelootaa ti; Beker, abbaa qomoo Bekerootaa ti; Taahaan, abbaa qomoo Taahaanotaa ti.

³⁶Ilmaan Shutelaa immoo Eraan, abbaa qomoo Eraanotaa ti;

³⁷qomoowwan ilmaan Efreem isaan kana; isaan keessaa kan lakkaa'aman kuma soddomii lamaa fi dhibba shan turan; ilmaan Yoseef akka qomoo qomoo isaaniitti isaan kana turan.

³⁸Ilmaan Benyaamiin akka qomoo qomoo isaaniitti, Belaa'i abbaa qomoo Belaa'otaa ti; Ashbel, abbaa qomoo Ashbelootaa ti; Ahiiraam, abbaa qomoo Ahiiraamotaa ti;

³⁹Shefufaam, abbaa qomoo Shefufaamotaa ti; Hufaam, abbaa qomoo Hufaamotaa ti.

⁴⁰Ilmaan Belaa'i immoo Aardii fi Na'aamaan turan; Aardiin, abbaa qomoo Aardotaa ti; Na'aamaan, abbaa qomoo Na'aamaanotaa ti.

⁴¹Isaan kun akka qomoowwan isaaniitti ilmaan Benyaamiin; isaan keessaa warri lakkaa'aman kuma afurtamii shanii fi dhibba ja'a turan.

⁴²Ilmaan Daan akka qomoo qomoo isaaniitti warra kanatti aananii jiranii dha; Shuhaam, abbaa qomoo Shuhaamotaa ti; qomoowwan Daan akka qomoo qomoo isaaniitti isaan kana.

⁴³Qomoowwan Shuhaamotaa hundumaa keessaa warri lakkaa'aman kuma jaatamii afurii fi dhibba afur turan.

⁴⁴Ilmaan Asheer akka qomoo qomoo isaaniitti, Yiimnaan, abbaa qomoo Yiimnotaa ti; Yishwiin, abbaa qomoo Yishwootaa ti; Beriiyaan, abbaa qomoo Beriiyotaa ti.

⁴⁵Ilmaan Beriiyaa immoo Heber, abbaa qomoo Heberootaa ti; Malkii'el, abbaa qomoo Malkii'elootaa ti.

⁴⁶Maqaan intala Asheer, Seraa ture;

⁴⁷qomoowwan ilmaan Asheer isaan kana; isaan keessaa kan lakkaa'aman kuma shantamii sadii fi dhibba afur turan.

⁴⁸Ilmaan Niftaalem akka qomoo qomoo isaaniitti, Yaahize'el, abbaa qomoo Yaahize'elootaa ti; Guniin, abbaa qomoo Guniiwotaa ti;

⁴⁹Yezer, abbaa qomoo Yezerootaa ti; Shiilem, abbaa qomoo Shiilemootaa ti.

⁵⁰Isaan kun qomoowwan Niftaalem; isaan keessaa warri lakkaa'aman kuma afurtamii shanii fi dhibba afur turan.

⁵¹Namoota Israa'el keessaa warri lakkaa'aman isaan kana turan; lakkoobsi isaanii walumatti kumaatama dhibba ja'aa fi kuma tokkoo fi dhibba torbaa fi soddoma ture.

⁵²Waaqayyo yommus Museedhaan,

⁵³?Akka lakkoobsa maqaa isaaniitti biyyichi isaan kanaaf dhaala ta'ee haa hiramu!

⁵⁴Qomoo guddaadhaaf dhaala guddaa, qomoo xinnaadhaaf dhaala xinnaa kenni! Tokkon tokkon qomoo akka lakkoobsa namoota isaatiitti dhaala isaa haa argatu!

⁵⁵Biyyichi garuu buufata mukaatiin haa hiramu! Isaan akka maqaa gosa abboota isaaniitti haa dhaalan!

⁵⁶Dhaalli sun qomoowwan gurguddaa fi qomoowwan xixinnaa gidduutti buufata mukaatiin haa hiramu!? jedhe*.[95]

⁵⁷Lewwoonni akka qomoo qomoo isaaniitti lakkaa'aman immoo kanatti aananii warra jiranii dha; Gershoon, abbaa qomoo Gershoonotaa ti; Qehaat, abbaa qomoo Qehaatotaa ti; Meraariin, abbaa qomoo Meraarotaa ti*.

⁵⁸Warri kanatti aananii jiranis qomoowwan Lewwootaa ti; qomoo Siibnaa'ot, qomoo Heronootaa, qomoo Maahilootaa, qomoo Mushootaa, qomoo Qoraahotaa ti; Qehaat immoo abbaa Amraam ture.

⁵⁹Maqaan haadha manaa Amraam Yokebeed ture; isheen intala Lewwii ishee biyya Gibxiitti dhalatte turte; isheen immoo Aaronin, Musee fi Miiryaamin obboleettii isaanii Amraamiif deesse.

⁶⁰Aaroniif immoo Naadaab, Abiihuu, Ele'azaarii fi Itaamaartu dhalate.

⁶¹Garuu Naadaabii fi Abiihuun ibidda alaa isa Waaqayyo isaan hin abboomin Waaqayyo duratti yeroo dhi'eessan du'an*.

⁶²Dhiirota dhalatanii ji'a fixanii jalqabee hamma warra isaa oliitti isaan keessaa kan lakkaa'aman hundinuu kuma digdamii sadii turan; isaan Israa'eloota gidduudhaa dhaalli waan isaaniif hin kennaminiif isaan keessatti hin lakkaa'amne.[96]

⁶³Isaan kun warra yeroo Museenii fi Ele'azaar lubichi fuullee Yerikootti bukkee laga Yordaanos dachaa Mo'aab keessatti Israa'eloota lakkaa'an sana lakkaa'amanii dha.

⁶⁴Garuu warra yeroo Musee fi Aaron lubichi Siinaa lafa onaa keessatti Israa'eloota lakkaa'anitti lakkaa'aman keessaa namni tokko illee isaan kana keessa hin turre.

⁶⁵Israa'eloonni sun lafa onaa keessatti akka dhuman Waaqayyo dubbatee akkuma ture, isaan keessaa Kaaleb ilma Yofunee fi Iyaasuu ilma Nun malee, namni tokko iyyuu hin hafne.