Read west central oromo Seera Lakkoobsaa 3 Bible Online

Seera Lakkoobsaa 3 - west central oromo bible

Seera Lakkoobsaa 3

¹Waaqayyo tulluu Siinaa irratti Museetti yommuu dubbate, sanyiin Aaronii fi Musee akka kanatti fufee jiru turan.

²Maqaan ilmaan Aaron, Naadaab isa angafa, Abiihuu, Ele'azaar, Itaamaar*.

³Isaan kun warra luboota ta'anii hojii lubaa hojjechuudhaaf dibamanii dha*.

⁴Naadaabii fi Abiihuun Siinaa lafa onaatti ibidda alaa Waaqayyo duratti yommuu dhi'eessan in du'an; ijoollees hin qaban turan; Ele'azaarii fi Itaamaar garuu fuula abbaa isaanii Aaron duratti luba ta'anii in hojjetan*.[8]

⁵Waaqayyo yommus Museedhaan,

⁶?Sanyiin Lewwii, Aaron lubicha akka gargaaraniif dhi'eessiitii fuula isaa dura isaan dhaabi!

⁷Isaan godoo sana keessa hojjechuu isaaniitiin, wanta isa irraa barbaadamuu fi guutummaa waldichaa irraa barbaadamu dunkaana wal ga'ii sana duratti in raawwatu.

⁸Isaan hojii godoo sanaa hojjechuu isaaniitiin mi'a dunkaana itti wal ga'an sanaa in eegu; Israa'eloota irraa wanta barbaadamus in raawwatu.

⁹Lewwoonni guutummaatti Israa'eloota keessaa Aaronii fi ilmaan isaatiif waan kennamaniif, ati Aaronii fi ilmaan isaatiif isaan kenni*!

¹⁰Aaronii fi ilmaan isaa luboota ta'anii akka hojjetaniif ati hojii irra isaan dhaabi! Namni kan biraa iddoo qulqullaa'aatti yoo dhi'aate garuu haa ajjeefamu!? jedhe.[9]

¹¹Waaqayyo ammas immoo Museedhaan,

¹²?Kunoo! Israa'eloota keessaa ani qoodan angafa karra saaqu hundumaa fudhadhu, Lewwoota fudhadheera; kanaaf Lewwoonni kan koo ti.

¹³Ani Waaqayyoo dha; angafni hundinuu kan koo waan ta'eef, ani guyyaan biyya Gibxii keessaa angafa hundumaa dha'e sanatti Israa'el keessaa angafa hundumaa, namaa hamma horiitti, addaan nan baafadhe; kanaaf Lewwoonni kan koo ta'aniiru? jedhe*.[10]

¹⁴Waaqayyo Siinaa lafa onaa keessatti Museedhaan,

¹⁵?Ijoollee Lewwii dhiirota dhalatanii ji'a fixanii jalqabdee hamma warra isaa oliitti, akka mana mana abbaa isaaniittii fi akka maatii maatii isaaniitti lakkaa'i!? jedhe.

¹⁶Museen akkuma Waaqayyo isa abboometti isaan in lakkaa'e.

¹⁷Maqaan ilmaan Lewwii Gershoon, Qehaat, Meraarii ture.

¹⁸Maqaan ilmaan Gershoon immoo akka maatii maatii isaaniitti Liibnii fi Shime'ii ture.

¹⁹Maqaan ilmaan Qehaat, akka maatii maatii isaaniitti Amraam, Yizhaar, Kebroon, Uzii'el ture.

²⁰Maqaan ilmaan Meraarii, Maahilii, Mushiis ture; isaan kun akka mana mana abboota isaaniitti maatiiwwan Lewwootaa ti.

²¹Maatiiwwan Liibnii fi Shime'ii qomoo Gershoon turan; kanaaf isaan ?Gershoota? jedhaman.

²²Lakkoobsi dhiirota isaanii mucaa ji'a tokkootii jalqabee hamma warra isaa oliitti, kuma torbaa fi dhibba shan ture.

²³Maatiiwwan Gershootaa godicha dugda duuba gara lixa-biiftuutiin haa buufatan!

²⁴Geggeessituun qomoo Gershoon, Eliyaasaaf ilma Laa'el.

²⁵Dunkaana itti wal ga'an sana keessaa wanti ijoolleen Gershoon eegan, godicha, dunkaanicha irra-buusa isaa wajjin, golgaa balbala dunkaana itti wal ga'anii,

²⁶golgaa oobdichaa, golgaa balbala oobdichaa isa godichaa fi iddoo aarsaatti naanna'ee jiru, funyoo isaa, wanta isa duukaa jiru hundumaas ture.

²⁷Amraamii fi Yizhaar, Hebronii fi Uzii'el qomoo Qehaat turan; isaan kun maatiiwwan Qehaat.

²⁸Lakkoobsi dhiirota isaanii mucaa ji'a tokkootii jalqabee hamma warra isaa oliitti, kuma saddeetii fi dhibba ja'a[11] ture; isaan kun warra iddoo qulqullaa'aa isa itti gaafataman sana eeganii dha.

²⁹Maatiiwwan ilmaan Qehaat cinaacha godoo sanaa gara harka mirgaatiin haa buufatan!

³⁰Geggeessituun maatiiwwan Qehaat akka mana abbaa isaaniitti Elzaafaan ilma Uzii'el.

³¹Isaan kun sanduuqa kakuu, gabatee, baattuu ibsaa, iddoowwan aarsaa, mi'a iddoo qulqullaa'aa isa luboonni ittiin hojjetan, golgaa, mi'a golgaa sanaaf barbaachisu hundumaas eeguutti in gaafatamu.

³²Ele'azaar ilmi Aaron lubichaa geggeessituu geggeessitoota warra Lewwootaa ture; inni warra iddoo qulqullaa'aa eeguudhaaf itti gaafataman sana irra adeemee in ilaala.

³³Qomoowwan Maahilii fi Mushii kan Meraarii ti; isaan kun qomoowwan Meraarii ti.

³⁴Lakkoobsi dhiirota isaanii mucaa ji'a tokkootii jalqabee hamma warra isaa oliitti, kuma ja'aa fi dhibba lama ture.

³⁵Geggeessituun maatiiwwan qomoo Meraarii akka mana abbaa isaaniitti Zurii'el ilma Abiihaayil ture; isaan cinaacha godoo sanaa gara harka bitaatiin haa buufatan!

³⁶Ilmaan Meraarii tuggee godichaa, danqaraa isaa, utubaa isaa, miiloo isaa, mi'a miiloo sanaaf barbaachisu hundumaa,

³⁷utuboota oobdichatti naanna'anii jiran, miiloo isaanii, qofoo isaanii fi funyoo isaanii, godichas eeguutti in gaafatamu.

³⁸Museenii fi Aaron, ilmaan Aaronis godoo sana gara boruutiin dunkaana itti wal ga'an dura qixa ba'a-biiftuutiin haa buufatan! Isaan ofii isaaniitiif, Israa'elootaafis iddoo qulqullaa'aa eeguutti in gaafatamu; isaan irraa kan hafe namni kan biraa yoo itti dhi'aate haa ajjeefamu!

³⁹Warri Museenii fi Aaron akka Waaqayyo isaan abboometti Lewwoota keessaa akka maatii maatii isaaniitti lakkaa'an, dhiironni hundinuu mucaa ji'a tokkootii jalqabee hamma warra isaa oliitti, kuma digdamii lama turan*.[12]

⁴⁰Waaqayyo ergasii Museedhaan, ?Israa'eloota keessaa dhiirota angafa dhalatan hundumaa mucaa ji'a tokkootii jalqabdee hamma warra isaa oliitti lakkaa'i! Maqaa isaaniis tarreetti caafi!

⁴¹Ani Waaqayyoo dha; ati qooda angafa Israa'elootaa hundumaa warra Lewwootaa anaaf fuudhi! Qooda angafa horii warra Israa'el hundumaas horii warra Lewwootaa anaaf fuudhi!? jedhe.

⁴²Museenis akkuma Waaqayyo isa abboome Israa'eloota keessaa angafa hundumaa in lakkaa'e.

⁴³Akka tarree maqaa isaaniitti mucaa ji'a tokkootii jalqabee isaa ol kan jiran lakkoobsi dhiirota isaanii warra angafaa walitti qabaatti kuma digdamii lamaa fi dhibba lamaa fi torbaatamii sadii.

⁴⁴Ammas Waaqayyo Museedhaan,

⁴⁵?Ani Waaqayyoo dha; ati qooda angafa Israa'eloota hundumaa warra Lewwootaa anaaf fuudhi! Qooda horii Israa'elootaa warra angafa dhalataniis horii warra Lewwootaa anaaf fuudhi! Lewwoonni kan koo haa ta'an!

⁴⁶Israa'eloota keessaa baay'inni warra angafaa, baay'ina warra Lewwootaa dhibba lamaa fi torbaatamii sadiin in caala; isaan kana furuudhaaf immoo,

⁴⁷tokkon tokkon isaaniitiif akka madaalii godoo qulqullaa'aatti sheeqelii shan shan fuudhi! Sheeqeliin tokko geeraa digdama.

⁴⁸Horii warra lakkoobsi isaanii lakkoobsa warra kaanii caalee furamanii sana Aaronii fi ilmaan isaaf kenni!? jedhe.

⁴⁹Museen horii warra lakkoobsi isaanii kan warra kaanii caale warri Lewwootaa deebisanii furatanii sana in fuudhe.

⁵⁰Horiin inni Israa'eloota keessaa warra angafa dhalatan irraa fuudhe, akka madaalii godoo qulqullaa'aatti sheeqelii kuma tokkoo fi dhibba sadii fi jaatamii shan ture.

⁵¹Museenis akkuma Waaqayyo isa abboometti horii isaan ittiin furaman sana Aaronii fi ilmaan isaatiifis in kenne*.[13]