Read west central oromo Seera Lakkoobsaa 34 Bible Online

Seera Lakkoobsaa 34 - west central oromo bible

Seera Lakkoobsaa 34

¹Waaqayyo ammas Museedhaan,

²?Ati Israa'elootatti himi, isaaniin, ?Waaqayyo:- Biyya Kana'aan isa akka isin dhaaltaniif isiniif kennamutti yommuu galtan daariin isaa akka kanatti fufee jiru haa ta'u!

³Karaa gara mirgaa daariin keessan Siin lafa onaadhaa ka'ee daarii Edoom qabatee isa jiruu dha; gara ba'a-biiftuutiin immoo dhuma galaana soogiddaatii ka'ee daarii keessan isa gara mirga keessanii isiniif haa ta'u!

⁴Daariin keessan karaa Aqrabiim gara mirgaatti deebi'ee Siinitti ce'ee harka mirgaa Qaadesh-Barne'aa ga'ee in dhaabata; achii immoo gara Haazar Adaaritti in adeema, gara Azmoonaattis in darba.

⁵Daarichi Azmoonaatii gara laga Gibxiitti haa deebi'u, galaana bira ga'ees haa dhaabatu*!

⁶Daariin keessan karaa lixa-biiftuudhaa galaanichaa fi biyya qarqara galaanicha guddaa isa Mediteraaniyan jedhamu sana jiranii dha; kun daarii keessan isa karaa gara lixa-biiftuutti*.

⁷Daariin keessan inni gara bitaa immoo galaanicha guddaa Mediteraaniyanii hamma tulluu Hooritti haa ta'u!

⁸Tulluu Hoorii hamma karra Haamaatitti daarii itti godhi! Dhumni daarii sanaas Zedaadaat in ta'a.

⁹Achiis hamma Ziifronitti darbee in bal'ata; dhumni daarii sanaas Haazar Enaanitti in ta'a; kun daarii keessan isa karaa gara bitaa ti.[119]

¹⁰? ?Daarii keessan isa gara ba'a-biiftuutiif Haazar Enaanii hamma Shefaamitti milikkita itti godhaa!

¹¹Daarichi Shefaamii ka'ee Aayin irraa gara ba'a-biiftuutiin Riiblaatti gad bu'a; achiis karaa gara ba'a-biiftuutiin gaara irra ba'ee galaana Kiineret[120] isa Galiilaa jedhamee beekamu in ga'a.

¹²Achii ka'ees hamma Yordaanositti gad in bu'a; dhumni daarii sanaas galaana soogiddaa ga'ee in dhaabata; kun daarii isaa hundumaa wajjin biyya keessan in ta'a jedha? jedhi!? jedhe.

¹³Museen yommus Israa'elootatti himee, isaaniin, ?Biyyichi inni Waaqayyo, gosoota sagalii fi walakkaa gosa Minaaseetiif akka kennamutti abboomnaan isin buufata mukaatiin dhaala godhattanii fudhattan isa kana*;

¹⁴gosi maatii Ruubenii fi gosi maatii Gaadi, walakkaan gosi Minaasees akka mana mana abbaa isaaniitti dhaala isaanii fudhataniiru.

¹⁵Gosi kun lamaanii fi walakkaan gosa Minaasee, laga Yordaanos gamaa Yerikoo irraa gara boruutiin biyya isa gara ba'a-biiftuu dhaala isaanii fudhataniiru? jedhe.[121]

¹⁶Waaqayyo itti fufee Museedhaan,

¹⁷?Maqaan namoota biyyicha dhaala godhanii isiniif hiranii kanatti fufee kan jiruu dha; Ele'azaar lubichaa fi Iyaasuu ilma Nun*.

¹⁸Biyyicha dhaalaaf akka isiniif hiraniif gosa hundumaa keessaa angafa tokko tokko fo'adhaa!? jedhe.

¹⁹Maqaan namoota fo'amanii kanatti fufee jira; gosa Yihudaa keessaa Kaaleb ilma Yofunee;

²⁰gosa Shimi'oon keessaa Shemu'el ilma Amiihud;

²¹gosa Benyaamiin keessaa Eliidaad ilma Kiislon;

²²gosa Daan keessaa angafni Bukii ilma Yogliit;

²³gosa Minaasee ilma Yoseef keessaa angafni Haanii'el ilma Efod;

²⁴gosa Efreem keessaa angafni Kemu'el ilma Shiiftaan;

²⁵gosa Zebuloon keessaa angafni Eliizaafaa ilma Phaarnaak;

²⁶gosa Yisaakor keessaa angafni Phaalti'el ilma Aazaan;

²⁷gosa Asheer keessaa angafni Ahiihud ilma Shelomiit;

²⁸gosa Niftaalem keessaa angafni Phedaahel ilma Amiihud;

²⁹biyya Kana'aan keessaa namoonni Israa'elootaaf dhaala akka hiraniif Waaqayyo isaan abboome isaan kana turan.[122]