Read west central oromo Macaafa Miikiyaas Raajichaa 7 Bible Online

Macaafa Miikiyaas Raajichaa 7 - west central oromo bible

Macaafa Miikiyaas Raajichaa 7

¹Ani akka nama erga iji mukaa ciramee iji wayniis muramee booddee, haftee barbaaddatee dhabee waanan ta'eef, anaaf wayyoo! Ija waynii akkan hin nyaanneef irratti hin hafne, ija harbuu isa dura bilchaatu illee garaan koo kajeelee ture, garuu irraa nan dhabe.

²Namni Waaqayyoof of kenne lafa irraa badeera, namni yaada qajeelaa qabus isaan keessa hin jiru; hundumti isaanii dhiiga namaa dhangalaasuudhaaf riphanii in eeggatu; namni adduma addaan kiyyootti wal in oofa*.

³Harki isaanii waan hamaa hojjechuu ba'eessa godhee beeka; namni guddaan harka-fuudhaa in gaafata, abbaan firdiis gabbarsuu fudhachuudhaan firdii in kenna; inni dubbiin isaa dhaga'amuuf akkuma garaan isaa barbaade in dubbata, isaan kun dubbii micciiranii walitti in fidu.[27]

⁴Isaan keessaa inni hundumaa caalaa ?Ba'eessa? jedhamu akka qoraattii ti, inni yaada qajeelaa ?Qaba? jedhamus dallaa qoraattii caalaatti in sodaachisa; guyyaan adabamuu kee inni warri ilaaltuun si irratti dhufuu isaa argan ga'eera; walii wallaalchifamuun isaaniis amma ta'uu isaa ti.

⁵Hidhata keessan hin amaninaa; fira isinitti dhi'aatus hin amanatinaa; haadha manaa kee ishee ammattee ciiftutti iyyuu waa himuu irraa of eeggadhu!

⁶Ilmi ?Joonja'aa dha? jedhee abbaa isaa in tuffata, intalli haadha ishee irratti, haati manaa ilmaas amaatii ishee irratti in kaati, diinonni nama tokkoos warra mana isaa keessaa in ta'u*.

⁷Ani garuu abdiidhaan gara Waaqayyoo nan ilaala, Waaqayyo koo isa ana fayyisu nan eeggadha, Waaqayyotu anaaf dhaga'a*.[28]

⁸Ani kufeera garuu deebi'ee nan ka'a, dukkana keessa nan jiraadha; Waaqayyo garuu ifa koo ti; yaa diinota ko, egaa anatti hin gammadinaa*!

⁹Ani Waaqayyoon waanan yakkeef hamma inni dubbii koo ilaalee dhugaa koo anaaf baasutti dheekkamsa isaa isa boba'aa nan baadha; inni gara ifaatti na baasa, ani immoo qajeelina isaa argee nan gammada*.

¹⁰Diinonni koo warri, ?Waaqayyo gooftaan kee eessa jira?? anaan jedhan kana in argu, yeelloonis isaan in qabata; karaa keessattis akkuma kosiitti dhidhiitamuu isaanii arguutti nan gammada*.[29]

¹¹Gaaf tokko masaraawwan kee deebi'anii in ijaaramu; gaafas daariin kee in bal'ata.

¹²Bara sanatti namoonni kee warri biyya Asorii hamma biyya Gibxiitti, Gibxii hamma laga Efraaxiisitti, galaanaa hamma galaanaatti, tulluudhaa hamma tulluutti tamsa'anii jiraatan gara kee in dhufu.

¹³Ija hojii hamaa warri isa irra jiraatan hojjetan irraa kan ka'e, lafti in ona*.[30]

¹⁴Saba kee, warra hoolota dhuunfaa kee godhatte, ulee keetiin tiksi! Isaan lafa gaggaarii isa naannoo isaanii jiru dhabanii, caakkaa keessa kophaatti in jiraatu; akka bara duriitti biyya Baashaanii fi Giil'aad keessa akka dheedan godhi*!

¹⁵Akkuma bara biyya Gibxiitii isaan baafte sanaatti dinqii nutti argisiisi*!

¹⁶Sabni lafa irraa kana arganii, humna isaanii hundumaa keessaa immoo in yeellaasifamu, afaan isaanii in qabatu, gurri isaaniis in duuda.

¹⁷Isaan akka bofaa, akka warra lafa munyuuqaniis biyyoo in araabu, rom'aas iddoo cufatanii taa'an keessaa in ba'u; si sodaachuu irraa kan ka'e rifatanii gara kee, gara Waaqayyo gooftaa keenyatti gara in galu*.[31]

¹⁸Yaa Waaqayyo, kan akka kee cubbuu namaaf dhiisu eenyu ree? Ati dhuunfaa kee kan ta'an keessaa warra hafaniif balleessaa isaanii irra in darbitaaf; ati gaarummaatti in gammadda malee, dheekkamsa keessa hin ooltu*.

¹⁹Ati deebitee araara nutti in argisiifta; yakka keenya miilla kee jalatti in gatta, cubbuu keenya hundumaas galaana gad fagoo keessa in buufta.

²⁰Ati akkuma bara duriitti abboota keenyaaf kakattetti, ijoollee Yaaqoobitti amanamummaa kan Abrahaamittis gaarummaa in argisiifta*.[32]