Read west central oromo Macaafa Naahom Raajichaa 1 Bible Online

Macaafa Naahom Raajichaa 1 - west central oromo bible

Macaafa Naahom Raajichaa 1

¹Mul'anni waa'ee Nanawweettiif Naahom Elqoshichatti mul'ate macaafa kana keessatti caafamee jira*.[1]

²Waaqayyo hinaafaa dha, gooftaa ijaa baafatuu dhas; Waaqayyo ijaa in baafata, dheekkamsi isaas sodaachisaa dha; Waaqayyo warra isaan morman irratti ijaa in baafata, dheekkamsi isaas baruma baraan diinota isaa irratti in hafa.

³Waaqayyo aangoo guddaa qaba, dheekkamuuf hin ariifatu, isa yakke immoo adabuu hin dhiisu; inni qilleensa bubbisuu fi bubbee humna-qabeessa keessa in adeema, duumessoonnis awwaara miilla isaatii ti*;

⁴inni galaana ifatee in gogsa, lagoonni hundinuus akka gogan in godha; Baashaanii fi Qarmelos in coollagu, daraaraan Liibaanonis in harca'a*.

⁵Fuula isaa duraa tulloonni in raafamu, gaaronnis in baqu; lafti, biyyi lafaa, wanti ishee keessa jiraatu hundinuus, fuula isaa duraa in hollatu*.

⁶Dheekkamsa isaa dura eenyutu dhaabachuu danda'a? Aarii isaa isa sodaachisaa duras eenyutu ijaajja? Dheekkamsi isaa akka ibiddaa in boba'a, kattaawwanis fuula isaa duraa in caccabu.[2]

⁷Waaqayyo gaarii dha, yeroo rakkinaattis iddoo baqaa ti, warra isa amanatanis beeka*;

⁸Nanawwee garuu tinfa lolaatiin raawwatee in balleessa, diinota isaas ari'ee dukkanatti in galcha.

⁹Isaan Waaqayyo irratti maal koratu? Inni raawwatee isaan in balleessa; egaa rakkinni deebi'ee hin argamu.

¹⁰Isaan akka qoraattiitti wal xaxanii, dhugaatii isaaniitiinis machaa'anii, akka cidii gogaatti in gubatu.

¹¹Yaa Nanawwe, inni Waaqayyo irratti koratu, inni wanta jal'aa mari'atus si keessaa ka'e*.[3]

¹²Waaqayyo gooftaan, ?Isaan humna guutuu yoo qabaatan, baay'ee yoo ta'anis, duguugamanii in balleeffamu; yaa Yihudaa, ani kanaan dura si dhiphiseera yoon ta'e iyyuu, si'achi deebi'ee si hin dhiphisu;

¹³egaa ani waanjoo isaanii gurmuu kee irraa nan cabsa, hudhaa isaas si irraa nan cira? jedhe*.[4]

¹⁴Yaa Nanawwe, Waaqayyo, ?Mana waaqayyolii keetii keessaa bifa qirixamaa fi waaqayyolii baqfamanii hojjetaman diigee nan balleessa; ati jibbisiisaa waan taateef, akka ati awwaalamtu nan godha; si'achi immoo sanyiin maqaa kee waamsisu siif hin dhalatin!? jedhe; Waaqayyo waa'ee keetiif jedhee murtoo kana dabarseera.

¹⁵Yaa Yihudaa, gara ergamaa isa tulloota irratti misraachoo himuu, gara isa nagaa labsuus ilaali! Ayyaannan kee ayyaaneffadhu, wareega kees raawwadhu! Warri hamoonni raawwatanii waan balleeffamaniif, si'achi deebi'anii si hin balleessan*.[5]