Read west central oromo Macaafa Sefaaniyaa Raajichaa 2 Bible Online

Macaafa Sefaaniyaa Raajichaa 2 - west central oromo bible

Macaafa Sefaaniyaa Raajichaa 2

¹Isin yaa saba hin yeellaanee nana, walitti qabamaa, walitti sassaabamaa!

²Guyyichi jedhame sun utuu hin ga'in, akka habaqii qilleensi fuudhee adeemuuttis utuu hin darbin, dheekkamsi Waaqayyoo inni boba'aan utuu isinitti hin dhufin, guyyaan dheekkamsa Waaqayyoo sun utuu isinitti hin dhufin walitti qabamaa*!

³Isin warri gad deebi'oon biyyicha keessa jiraattan, warri isa duratti wanta qajeelaa ta'e hojjettan hundinuu Waaqayyoon barbaaddadhaa! Guyyaa dheekkamsa isaa sanatti inni isin golboobee isin in oolcha ta'a, isin immoo qajeelinaa fi garraamummaa barbaaddadhaa*![6]

⁴Mandarri Gaazaa in dhiifama, Ashqalonis in ona; Ashdood keessaa guyyaa saafaa namoonni oofamanii in ba'u, Eqroon immoo hundeedhaan in buqqa'a.

⁵Yaa warra galaana qarqara jiraattanii, yaa saba Keret isiniif wayyoo! Yaa Kana'aan biyya Filisxeemotaa, ?Ani isin nan balleessa, namni tokko iyyuu hin hafu? kan jedhu, dubbiin Waaqayyoo isin irratti dubbatameera.

⁶Biyyi galaana qarqaraa iddoon warri Keret jiraatan, iddoo horii dheechifatanii fi iddoo bushaayee itti galfatan in ta'a.

⁷Biyyichi hambaa sanyii Yihudaaf in kennama; isaan horii isaanii achi in dheechifatu, halkan immoo mana warra Ashqalon keessa in boqotu; Waaqayyo gooftaan isaanii isaaniif in yaada, warra isaan duraa booji'amanis in deebisaaf*.[7]

⁸Waaqayyo, ?Ani ga'oo warra Mo'aab, arrabsoo warra Amoonis isa isaan saba koo arrabsanii, biyya isaanii qabachuuf isaan doorsisanis dhaga'eera;

⁹ammas ani jiraataa dha, dhugumaan warri Mo'aab akka warra Sodoom, warri Amoonis akka warra Gomoraa iddoo huuxxii qoraattii fi iddoo boolla soogiddaa, iddoo bara baraan diigames in ta'u; sabni koo warri hafan isaan in saamu, sabni koo warri baraaraman isaan in dhaalu? jedhe; kana Waaqayyo gooftaa maccaatu dubbate*.[8]

¹⁰Sababii saba Waaqayyo gooftaa maccaa irratti of gurguddisanii, isaan abaaranii, isaanitti ga'isaniifis gatii isaanii in argatu*.

¹¹Waaqayyo yeroo waaqayyolii biyya lafaa hundumaa balleessutti, surraa isaatiin isaan in sodaachisa; sabni daarii galaanaa hundinuu adduma addaan iddoo jiranitti isaaf in sagadu.[9]

¹²Isinis yaa warra Kuush! Billaa kootiin in waraanamtu*.

¹³Inni harka isaa warra gara-mirgaa irratti ol fudhatee Asoriin balleessee, Nanawwee immoo raawwatee onsee akka lafa duwwaa in gogsa;

¹⁴karri horii fi homaan bineensota qomoo garaa garaa achi in boqotu; allaattiin bishaanii fi hurunguun utubaa isaa irra in buufatu; sagaleen isaaniis karaa qaawwa manaa in dhaga'ama; miil jalee balbalaa irra kosiin in tuulama, derersumaan gaattiraa qullaatti in hafa.

¹⁵Kun mandara ishee nagaa fi gammachuutti jiraattuu dha; isheen, ?Ana malee namni kan biraa hin jiru? jettee yaadde, amma garuu attamitti iddoo onaa bineensi keessa jiraatu taate! Warri karaa sana darban hundinuu, harka isaanii ol qabanii itti in ga'isu*.[10]