Read west central oromo Macaafa Zakaariyaas Raajichaa 12 Bible Online

Macaafa Zakaariyaas Raajichaa 12 - west central oromo bible

Macaafa Zakaariyaas Raajichaa 12

¹Dubbiin Waaqayyo waa'ee Israa'eliif dubbate kanatti fufee jira; Waaqayyo inni waaqota diriirse, inni hundee lafaa kaa'e, inni hafuura nama keessatti uume*,

²?Ani kunoo, Yerusaalemiin xoofoo saba naannoo ishee jiran hundumaa gatantarsituu nan godha; yommuu Yerusaalem marfamtu Yihudaanis akkasuma in marfamti*.

³Yeroo sabni lafa irraa hundinuu Yerusaalem irratti walitti qabaman, ani immoo akka dhagaa ulfaataa ishee nan godha, warri ishee gara galchuu yaalan hundinuus in caccabu*.

⁴Guyyaa sanatti ani fardeen hundumaa nan naasisa, abboota fardeenii isaaniis nan maraacha; ani mana Yihudaa nan eega; garuu ija fardeen saba sana hundumaa nan jaamsa; kana ana Waaqayyo gooftaatu dubbate.

⁵Ani Waaqayyo gooftaan maccaa warra Yerusaalem keessa jiraataniif Waaqayyo isaanii waanan ta'eef, geggeessitoonni Yihudaa tokkon tokkon isaanii yaada isaanii keessatti, ?Inni jabina keenya? anaan in jedhu.[39]

⁶?Guyyaa sanatti geggeessitoonni Yihudaa akka xuwwee ibiddaa isa qoraan irra tuulamee, akka guca iddoo tuullaa midhaanii keessaa boba'uus akka ta'an nan godha; isaan saba naannoo isaanii hundumaa warra gara mirgaa fi gara bitaa jiran in fixu; Yerusaalem garuu iddoodhuma duriitti in hafti*;

⁷ulfinni mana Daawitii fi ulfinni namoota Yerusaalem keessa jiraatanii kan Yihudaa irra akka hin caalletti, ani Waaqayyo duraan dursee dunkaana Yihudaa nan oolcha;

⁸ani Waaqayyo guyyaa sanatti, namoota Yerusaalem keessa jiraatan nan golbooba; isaan keessaa inni dadhabaan illee akka Daawit nama jabaa in ta'a; sanyiin Daawit immoo akka ergamaa kootti, akka koo akka Waaqayyoottis isaan in geggeessa.

⁹Guyyaa sanatti ani saba warra Yerusaalem irratti ka'an hundumaa balleessuudhaaf nan barbaada*.[40]

¹⁰?Ani hafuura araaraa fi hafuura kadhataa mana Daawitii fi warra Yerusaalem keessa jiraatan irratti nan dhangalaasa; isaanis isa waraanan sana in ilaalu, akka nama mucaa tokkichaaf boo'uutti in boo'u, akka nama du'a ilma angafaatiif baay'isee gadduuttis in gaddu*.

¹¹Guyyaa sanatti boo'ichi guddaan sanyiin isa Hadaad Rimoon dachaa Megidoo keessatti ta'ee sun Yerusaalem keessatti in ta'a*.

¹²Namoonni biyyichaa akka maatii maatii isaaniitti in boo'u; maatiin qomoo Daawit kophaatti, dubartoonni isaanii kophaatti, maatiin qomoo Naataan kophaatti, dubartoonni isaanii kophaatti,

¹³maatiin qomoo Lewwii kophaatti, dubartoonni isaanii kophaatti, maatiin Shime'ii kophaatti, dubartoonni isaanii kophaatti,

¹⁴qomoon warra kaanii hundinuus kophaatti, dubartoonni isaaniis kophaatti in boo'u? jedhe.[41]