Read west central oromo Macaafa Zakaariyaas Raajichaa 13 Bible Online

Macaafa Zakaariyaas Raajichaa 13 - west central oromo bible

Macaafa Zakaariyaas Raajichaa 13

¹Guyyaa sanatti burqaan cubbuuttii, xuraa'ummaattiis isaan qulleessu maatii Daawitii fi warra Yerusaalem keessa jiraataniif in banama*;

²Waaqayyo gooftaan maccaa, ?Guyyaa sanatti ani maqaa waaqayyolii tolfamoo, biyya sana keessaa raawwadhee nan balleessa, isaanis deebi'anii hin yaadataman; ani raajotaa fi hafuura xuraa'aa biyya sana keessaa nan baasa*.

³Gaafas namni tokko illee yoo raajii dubbate, abbaan isa dhalchee fi haati isa deesse, ?Ati maqaa Waaqayyootiin soba waan dubbattuuf, du'uutu si irra jira? ittiin in jedhu; yoo inni raajii dubbateef, abbaan isa dhalchee fi haati isa deesse isa in waraanu*.[42]

⁴?Guyyaa sanatti tokkon tokkon raajotaa, raajii isa mul'ataan argan sanaaf in yeella'u; nama gowwoomsuudhaaf jedhaniis uffata raajotaa isa dabbasaa qabu sana uffachuu in dhiisu;

⁵isaan, ?Ani raajii miti! Nama lafa qotuu dha malee, mucummaa kootii jalqabee iyyuu ani lafa qotuun jaalladha? in jedhu.

⁶Yoo namni tokko, ?Madaan dhagna keessanii kun immoo maal ree?? ittiin jedhe, isaan immoo, ?Mana firoota keenyaatti madoofnee dhufne? in jedhu? jedha.

⁷Waaqayyo gooftaan maccaa, ?Yaa billaa, tiksee koo irratti, nama ani amanadhu irrattis ka'i! Hoolonni akka bittimmaa'aniif tiksee rukuti! Ani harka koo warra xixinnaayyoo irratti ol nan fudhadha*.

⁸Guutummaa namoota biyyichaa keessaa harka sadii keessaa harki lama rukutamee in dhuma; haa ta'u iyyuu malee, harka sadii keessaa harki tokko isa keessatti in hafa*;

⁹harka sadii isa hafe sanas ibidda keessa buusee, akka meetii fi akka warqeetti qoree nan ilaala; yommuu isaan maqaa koo waammatan, ani immoo isaaniif nan dhaga'a; ?Isaan saba koo ti? nan jedha; isaanis, ?Waaqayyo gooftaa keenya? in jedhu? jedha*.[43]