Read west central oromo Macaafa Zakaariyaas Raajichaa 2 Bible Online

Macaafa Zakaariyaas Raajichaa 2 - west central oromo bible

Macaafa Zakaariyaas Raajichaa 2

¹Ammas yommuun ol ilaale, kunoo nama funyoo safaraa harkatti baatee dhaabatu tokko nan arge;

²yeroo sanatti ani, ?Eessa dhaqxa?? jedhee isa nan gaafadhe; inni immoo deebisee, ?Yerusaalem hammam akka bal'atuu fi hammam akka dheeratu safaree ilaaluudhaafan dhaqa? naan jedhe.

³Ergamaan inni anaa wajjin dubbachaa ture sun yommuu gad ba'e, ergamaan tokko isatti dhufee,

⁴?Fiigiitii dargaggeessicha sanaan, ?Yerusaalem sababii namoonni baay'eenii fi horii baay'een ishee keessa jiraataniif mandara dallaan dhagaa itti hin ijaaramne in taati.

⁵Ani Waaqayyo ofii kootii naannoo isheetti dallaa ibiddaa isheedhaaf nan ta'a, ishee keessattis ulfinaaf nan ta'aaf? jedha Waaqayyo? jedhiin*![5]

⁶Waaqayyo, ?Ani akka qilleensa golee waaqaa arfaniitti isin tamsaase kanan ture, ba'aa! Biyya gara bitaatii ba'aa kottaa!

⁷Yaa namoota Xiyoon biyya Baabilon keessaa ba'aatii of oolchaa!

⁸Namni isin tuqu agartuu ija kootii tuqa? jedha; kana Waaqayyotu dubbate; Waaqayyo gooftaan maccaa, ?Ulfina anaaf kennee saba warra isin saamanitti na ergeera;

⁹kunoo ani harka koo isaan irratti ol nan fudhadha, hojjetoonni isaaniis akka isaan saaman nan godha; yommus Waaqayyo gooftaan maccaa akka ana erge isin in beektu? jedhe*.[6]

¹⁰Waaqayyo, ?Isin yaa namoota Xiyoon, kunoo ani dhufee isin gidduu nan jiraadhaatii gammadaa, ililchaas!? jedha.

¹¹Guyyaa sanatti sabni baay'een gara Waaqayyoo dhufanii saba isaa in ta'u; innis isaan gidduu in jiraata; yommus Waaqayyo gooftaan maccaa isinitti akka ana erge isin in beektu.

¹²Waaqayyo yommus biyya isa qulqullaa'aa keessaa Yihudaa dhuunfaa isaa in godhata; Yerusaaleminis deebi'ee in fo'ata.

¹³Inni iddoo jireenya isaa isa qulqullaa'aadhaa waan ka'eef, foon-qabeessi hundinuu isa duratti calluma haa jedhu*![7]