Read west central oromo Macaafa Zakaariyaas Raajichaa 5 Bible Online

Macaafa Zakaariyaas Raajichaa 5 - west central oromo bible

Macaafa Zakaariyaas Raajichaa 5

¹Ani ammas yommuun ilaale, kunoo macaafni maramu tokko utuu balali'uu nan arge;

²ergamichi immoo, ?Inni ati argitu kun maali?? jedhee na gaafate; ani immoo, ?Macaafni maramu dheerinni isaa dhundhuma digdama, bal'inni isaa dhundhuma kudhan ta'e tokko utuu balali'uu nan arga? jedhee nan deebiseef.

³Inni immoo, ?Kun abaarsa isa guutummaa biyya lafaatti dhufuu dha; cinaacha caaffatichaa isa gar-tokko irratti, ?Namni hatu hundinuu raawwatee in bada?; cinaacha caaffatichaa isa gara kaanii irratti immoo ?Namni sobaan kakatu hundinuu raawwatee in bada? kan jedhutu jira*.

⁴Waaqayyo gooftaan maccaa, ?Ani abaarsa nan erga; inni mana isa hatu sanaa, mana isa maqaa kootiin sobee kakatu sanaas in lixa; mana isaa keessatti hafes manicha, muka isaa, dhagaa isaas in balleessa? jedha? jedhe.[15]

⁵Ergasiis ergamichi inni anaa wajjin dubbachaa ture sun dhufee, ?Ol ilaali! Inni amma mul'atu kun maal inni?? naan jedhe.

⁶Ani immoo, ?Maal inni?? jedhee isa nan gaafadhe; innis, ?Kun quunnaa safaraa ti, kun yakka saba guutummaa biyya lafaa ti? jedhee anaaf in deebise.

⁷Kunoo qadaaddiin quunnaa safaraa inni dilalii irraa hojjetame sun yommuu baname, dubartiin tokko quunnaa safaraa sana keessa teessee in argamte.

⁸Ergamichis, ?Isheen kun jal'ina? jedhe, ishee immoo quunnaa safaraa sana keessatti gad ishee cuuka'ee, qadaaddii isaa immoo gad itti deebisee jabeessee in qadaade.

⁹Ergasiis yommuun ol ilaale, dubartoota qoochoo isaanii jalaa qilleensa qaban lama fuula koo duratti nan arge; qoochoon isaanii akka qoochoo allaattii hawaannisaa ti; isaan quunnaa safaraa sana fuudhanii qilleensa keessa balali'anii in sokkan.

¹⁰Ani immoo kana irrattan ergamicha isa anatti dubbachaa ture sana, ?Quunnaa safaraa kana eessatti geessu?? jedhee gaafadhe.

¹¹Inni immoo deebisee, ?Quunnaa safaraa sana gara biyya Baabilonitti[16] in geessu; mana ijaaraniifii, yommuu inni qophaa'u achi keessa in kaa'u? naan jedhe.