Read west central oromo Macaafa Zakaariyaas Raajichaa 6 Bible Online

Macaafa Zakaariyaas Raajichaa 6 - west central oromo bible

Macaafa Zakaariyaas Raajichaa 6

¹Ammas yommuun ol ilaale, kunoo, konkolaattonni afur tulloota sibiila borrajjii lama gidduudhaan utuu as ba'anii nan arge;

²konkolaataa isa duraa fardeen diddiimootu, isa lammaffaa immoo fardeen gugurraachatu harkisa ture;

³konkolaataa isa sadaffaa fardeen adaadiitu, konkolaataa isa afuraffaa immoo fardeen buburreetu harkisa ture; hundumti isaanii ciccimoo turan.

⁴Ergasii ani ergamicha isa anatti dubbachaa ture sana, ?Yaa gooftaa ko, isaan kun maali?? jedhee nan gaafadhe.

⁵Ergamichi deebisee, ?Isaan kun hafuurota golee bantii waaqaa arfan warra Waaqayyo gooftaa guutummaa biyya lafaatiif ergamantu ba'anii dhufan;

⁶fardeen warri gugurraachi biyya gara bitaa dhaqu, warri adaadiin biyya gara lixa-biiftuu dhaqu, warri buburreen immoo biyya gara mirgaa dhaqu;

⁷fardeen warri ciccimoon yommuu ba'an biyya lafaa irra asii fi achi adeemuu barbaadanii turan? jedhe; fardeen sanaan immoo, ?Ka'aatii biyya lafaa irra asii fi achi adeemaa!? jedheen; kana irratti isaan biyya lafaa irra asii fi achi in adeeman.

⁸Kana booddee inni na waamee, ?Kunoo, fardeen warri biyya gara bitaa dhaqan kun hafuurri gooftichaa biyya gara bitaa irra akka boqotu in godhu? naan jedhe.

⁹Ammas dubbiin Waaqayyoo gara koo dhufee,

¹⁰?Heldaayi, Xobiiyaa fi Yedaa'iyaa warra biyya Baabilon biyya itti booji'amanii turanii, deebi'an irraa meetii fi warqee fudhadhuutii gara mana Yosiyaas ilma Sefaaniyaa dhaqi!

¹¹Meetichaa fi warqicha fuudhii gonfoo tolchii mataa Iyaasuu angafa lubaa ilma Yozaadaaq irra kaa'i!? jedhe;

¹²Iyaasuudhaan immoo, ?Waaqayyo gooftaan maccaa, ?Kunoo namni maqaan isaa:- Latii jedhamu tokko as jira; inni iddoo jiru sanatti damee in godhata, Waaqayyoofis mana qulqullummaa in ijaara.

¹³Isatu mana qulqullummaa Waaqayyoof ijaara; inni surraa uffatee teessoo isaa irra taa'ee in mo'a; lubni tokkos teessoo isaa bukkee in jiraata; isaan lamaan nagaadhaan walii wajjin in mari'atu? jedhe*;

¹⁴gonfichis seenaa Heleemiif, Xobiiyaaf, Yedaa'iyaaf, Heen ilma Sefaaniyaatiif mana qulqullummaa isa kan Waaqayyoo keessa in kaa'ama.

¹⁵Warri biyya fagoo jiran dhufanii, mana qulqullummaa in ijaaru; isin yommus Waaqayyo gooftaan maccaa gara keessanitti akka na erge in beektu; kunis yoo isin guutummaatti sagalee Waaqayyo gooftaa keessaniitiif abboomamtan ta'a? jedhi*![17]