Read west central oromo Macaafa Zakaariyaas Raajichaa 7 Bible Online

Macaafa Zakaariyaas Raajichaa 7 - west central oromo bible

Macaafa Zakaariyaas Raajichaa 7

¹Daariyos mo'ee waggaa afuraffaatti, waggicha keessaa ji'a salgaffaa isa ?Kisluu? jedhamutti, ji'icha keessaa guyyaa afuraffaatti dubbiin Waaqayyoo gara koo gara Zakaariyaas in dhufe*;

²warri Bet'el, Shaarezerii fi Regiim-Melekin namoota isaanii wajjin Waaqayyoon araara akka kadhataniif,

³?Waggoota baay'eedhaaf gochaa akkuma turre, ji'a shanaffaatti boo'uun, soomuunis nuuf ta'a moo?? jedhanii, luboota mana qulqullummaa isa kan Waaqayyo gooftaa maccaa fi raajota akka gaafataniif in ergan*.[18]

⁴Ammas dubbiin Waaqayyo gooftaa maccaa gara koo dhufee,

⁵?Namoota biyyichaa hundumaa fi lubootaan, ?Waggaa torbaatama darban keessa ji'a shanaffaatti, ji'a torbaffaattis soomaa, boo'aas yommuu turtan dhugumaan anaaf jettanii soomtanii ree*?

⁶Nyaachaa dhugaas yommuu turtan sana ofuma keessaniif nyaachaa, dhugaas turtan mitii ree?

⁷Wanti kun isa ani Waaqayyo karaa raajota warra durii dubbadhee turee dha; yeroo sanatti Yerusaalemii fi mandaroota naannoo ishee turan keessa namoonni in baay'atan, hundumti isaaniis nagaatti jiraachaa turan; akkasumas biyya gara mirgaa fi biyya gaaraa keessa namoonni jiraachaa turan mitii ree?? jedhii gaafadhu!? naan jedhe.[19]

⁸Dubbiin Waaqayyoo ammas gara koo gara Zakaariyaas in dhufe;

⁹Waaqayyo gooftaan maccaa, ?Firdii qajeelaa faradaa, walii keessanittis gaarummaa fi oo'a argisiisaa!

¹⁰Haadha hiyyeessaa, ijoollee abbaan irra hin jirre, galaa, rakkataas hin cunqursinaa! Garaa keessan keessattis wal irratti waan hamaa hin yaadinaa!? jedhe*.[20]

¹¹Isaan garuu dhaga'uu didanii, dugda itti gatanii, gurra isaaniis in cuqqaallatan*;

¹²isaan garaa isaanii akka dhagaa almaazii waan jabeessaniif, dubbii Waaqayyo gooftaan maccaa hafuura isaatiin karaa raajota durii isaanitti himeef abboommii isaa hin dhageenye; kanaaf dheekkamsi Waaqayyo gooftaa maccaa inni guddaan isaanitti dhufe.

¹³Kana irratti Waaqayyo gooftaan maccaa, ?Yommuun isaan waame, isaan anaaf dhaga'uu waan didaniif, anis immoo, yommuu isaan ana waammatan isaaniif hin dhaga'u? jedha*.

¹⁴Ani biyya saba warra kaanii hundumaa lafa isaan itti galaa ta'an keessa bubbee isaan bittimsu isaanitti nan erge; biyyichis erga isaan keessaa ba'anii onaa in ta'e, namni tokko illee keessaa hin ba'u, ittis hin galu; isaan akkasitti biyya gaarii kana onsan.[21]