Read west central oromo Macaafa Zakaariyaas Raajichaa 8 Bible Online

Macaafa Zakaariyaas Raajichaa 8 - west central oromo bible

Macaafa Zakaariyaas Raajichaa 8

¹Ammas dubbiin Waaqayyo gooftaa maccaa gara koo in dhufe;

²Waaqayyo gooftaan maccaa, ?Ani waa'ee Xiyooniif guddaa hinaafeera, baay'ee aareeras*.

³Ani Waaqayyo gara Xiyoonitti nan deebi'a, Yerusaalem keessa nan jiraadha; yommus Yerusaalem mandara dhugaan keessa jiru in jedhamti; tulluun koo inni, ?Tulluu Waaqayyo gooftaa maccaa? jedhamu tulluu qulqullaa'aa in ta'a*.[22]

⁴?Ani Waaqayyo gooftaan maccaa, yommus jaarsolii fi jaartoliin bara dheeraa jiraatanii waan dulloomaniif, dhaabata qabatanii karaa Yerusaalem irratti akka argaman nan godha*;

⁵ijoolleen dhiiraa fi ijoolleen durbaa karaa irra guutanii mandaricha keessa in taphatu.

⁶Yeroo sanatti kun hambaa saba kanaa duratti wanta dinqisiisaa yoo fakkaate iyyuu, ana Waaqayyo gooftaa maccaa durattis wanta dinqisiisaa ta'aa ree?? jedhe; kana Waaqayyo gooftaa maccaatu dubbate*.[23]

⁷Ammas Waaqayyo gooftaan maccaa, ?Kunoo ani saba koo harka warra ba'a-biiftuu fi harka warra lixa-biiftuu jalaa baasee,

⁸Yerusaalem keessa akka jiraataniif achii deebisee isaan nan fida; isaan saba koo in ta'u, anis Waaqayyo isaanii nan ta'a, dhugaadhaa fi qajeelummaadhaan isaan nan bulcha? jedha*.[24]

⁹Waaqayyo gooftaan maccaa, ?Isin warri yommuu manni qulqullummaa koo deebi'ee ijaaramuudhaaf hundeen isaa kaa'ame, wanta raajonni dubbatan dhageessan humna jabaadhaatii manicha ijaaraa*!

¹⁰Bara sana dura namaafis, horiifis gatiin dadhabbii isaanii hin turre; namoonni hundinuu walitti akka ka'an waanan godheef, sababii diina isaatiif namni nagaadhaan ba'ee, nagaadhaan galuu danda'u hin turre.

¹¹Amma garuu ani haftee saba kanaa irratti akka duriitti hin hojjedhu; ani Waaqayyo gooftaan maccaa kana dubbadheera.

¹²Yommus sanyiin faca'ee nagaatti in guddata, mukti wayniis ija in godhata, lafti midhaan in baasa, waaqnis fixeensa gad in roobsa; ani kana hundumaa haftee saba kanaatiif dhaala godhee nan kenna.

¹³Isin yaa namoota Yihudaa, isin yaa namoota Israa'el, hammuma dur saba biyya lafaa gidduutti abaarsaaf taatanii turtan, amma immoo ani isin nan fayyisa, eebbaafis in taatu; isin humna jabaadhaa malee, hin sodaatinaa!? jedhe*.[25]

¹⁴Waaqayyo gooftaan maccaa, ?Yommuu abboonni keessan na aarsanii na dheekkamsiisan, isin adabuudhaaf murtoo godhee kanan ture, yaada koo akkuman hin geddarin,

¹⁵amma immoo namoota Yerusaalemiif, namoota Yihudaatiifis wanta gaarii gochuudhaaf murtoo godheera, hin sodaatinaa!

¹⁶Wanti gochuun isin irra jiru kanatti fufee jira; walii walii keessanitti dhugaa dubbadhaa! Karra kellaa keessanii durattis firdii dhugaa fi firdii nagaa faradaa*!

¹⁷Walii keessan irratti hamaa hin yaadinaa! Sobaan kakachuu hin jaallatinaa! Ani kana hundumaa nan jibba; ani Waaqayyo gooftaan maccaa kana dubbadheera? jedha.[26]

¹⁸Ammas dubbiin Waaqayyo gooftaa maccaa gara koo dhufee,

¹⁹?Soomiin ji'a afuraffaa, soomiin ji'a shanaffaa, soomiin ji'a torbaffaa fi soomiin ji'a kurnaffaa namoota Yihudaatiif guyyaa gammachuu fi guyyaa ilillee, guyyaa ayyaana gammachuus in ta'a; kanaafis isin dhugaa fi nagaa jaalladhaa!? jedha*.[27]

²⁰Waaqayyo gooftaan maccaa, ?Si'achi sabni baay'een, mandara baay'ee keessa warri jiraatanis in dhufu;

²¹warri mandara tokko keessa jiraatan, gara warra mandara isa kaan keessa jiraatanii dhaqanii, ?Kottaa dafnee dhaqnee Waaqayyo gooftaa maccaa araara in kadhanna, isa in barbaaddannas? in jedhu; jarris immoo, ?Anis nan dhaqa, anis nan dhaqa? in jedhu;

²²sabni baay'een, sabni jajjaboonis ana Waaqayyo gooftaa maccaa barbaaddachuudhaaf, ana araarfachuudhaafis gara Yerusaalem in dhufu? jedha*.[28]

²³Waaqayyo gooftaan maccaa, ?Guyyaa sanatti saba afaan garaa garaa dubbatan hundumaa keessaa namoonni kudhan fiixee uffata nama Yihudii tokko qabanii, ?Waaqayyo sii wajjin akka jiru waan dhageenyeef, nuyis sii wajjin achi in dhaqna? in jedhu? jedha.