Read west central oromo WANGEELA MAATEWOS 11 Bible Online

WANGEELA MAATEWOS 11 - west central oromo bible

WANGEELA MAATEWOS 11

¹Yesus bartoota isaa kudha lamaan ajajuu erga raawwatee booddee, mandaroota jaraatti barsiisuudhaa fi lallabuudhaaf karaa isaa itti fufe*.[80]

²Yohannis cuuphaan utuu mana hidhaa jiruu, hojii Masiihichi hojjete hundumaa dhaga'ee, karaa bartoota ofii isaatii Yesusitti dhaamsa ergee*,

³?Kan dhufuudhaaf jiru si'i moo? Yookiis kan biraa eeggannu?? jedheen*.

⁴Yesus immoo deebisee, ?Deebi'aa! Waan dhageessan, waan argitanis Yohannisitti himaa!

⁵Kan jaaman in argu, kan hokkolan in adeemu, kan lamxaa'an in qullaa'u, kan duudan in dhaga'u, kan du'an in ka'u, hiyyeessotaafis misraachoon in lallabama*.

⁶Namni waa'ee kootiif abdii hin kutanne, gammachuu attamii qaba? isaaniin jedhe*.[81]

⁷Warri ergaman kunis erga deebi'anii, Yesus waa'ee Yohannis cuuphaa namootatti dubbachuu jalqabee, ?Maal arguu Yohannis bira gara lafa onaa dhaqxan? Jajjaba qilleensi raasuu*?

⁸Yookiis maal ilaaluudhaaf baatan? Nama uffata miidhagaadhaa fi dhagnatti tolu uffatee? Warri uffata mimmiidhagaadhaa fi dhagnatti tolu uffatanoo mana moototaa jiru.

⁹Egaa maaliif baatan? Raajii ilaaluudhaafii? Eyyee, isiniinan jedha raajii irra iyyuu kan caaluu dha*.

¹⁰Caaffanni qulqullaa'aan waa'ee isa kanaatiif, ?Ilaa ergamaa koo karaa kee akka siif qopheessuuf si dura nan erga? jedhee dubbateera*.

¹¹Dhuguman isiniin jedha, nama ta'e lafa irratti kan dhalate keessaa, Yohannis cuuphaa irra kan caalu takkaa hin kaane; garuu mootummaa waaqaatti inni hundumaa irra xinnaatu iyyuu isa irra in caala.

¹²Yeroo Yohannis cuuphaan barsiisuu jalqabee ka'ee hamma ammaatti mootummaan waaqaa humnaan dhiibbachaa jira; warri itti galuudhaaf dhiibbatanis isa in fudhatu.

¹³Raajonni hundinuu, seerris hamma bara Yohannis cuuphaatti raajii dubbataniiru*.

¹⁴Kana fudhachuus in barbaaddu yoo taatan, Yohannis kun Eliyaas, isa dhufuuf jiru sana*.

¹⁵Namni gurra qabu haa dhaggeeffatu*.[82]

¹⁶?Dhaloota si'anaa kana garuu maalittan fakkeessa? Inni akka ijoollee lafa gabaa taa'anii hiriyoota isaaniitiin,

¹⁷?Faaggaa isiniif afuufnaan, sirbuu diddan; faaruu isin dhageessifnaan gadduu diddan? jedhanii wacanii ti.

¹⁸Yohannis yommuu dhufe, nyaata hin nyaatu, dhugaatiis hin dhugu ture; isaan immoo, ?Innoo Seexana qaba? jedhan*.

¹⁹Ilmi namaa yommuu dhufe, in nyaata, in dhugas; isaan immoo, ?Ilaa nama albaadhessaa fi machaa'aa kana, hidhata warra qaraxxuutii fi warra akka seeraatti hin jiraanne? jedhu. Haa ta'u iyyuu malee, ogummaan Waaqayyoo ija hojii isaatiin dhugaa argate? jedhe*.[83]

²⁰Ergasii Yesus warra mandaroota hojiin aangoo isaa garri caalaan itti hojjetaman keessa jiraatan, yaada garaa isaanii waan hin geddaratiniif ifachuu jalqabe.

²¹?Siif wayyoo yaa Koraaziin, siif wayyoo yaa Betsayidaa! Hojiin humna Waaqayyoo isin keessatti godhame, utuu Xiiroosii fi Sidoon keessatti godhameera ta'ee, sabni isaan keessa jiraatu yoona, uffata gaddaa fi daaraadhaan geddarannaa yaada garaa isaa in mul'isa ture*.

²²Egaa ani isinittan hima, guyyaa sanatti isin irra kan caalu Xiiroosii fi Sidooniif firdiin in salphata.

²³Ati immoo yaa Qifirnaahom, hamma waaqaatti ol ol kaafamuu barbaaddee? Badduu baasa iyyuu gara lafa jalaatti[84] gad in darbatamta; hojiin humna Waaqayyoo inni si keessatti godhame, utuu Sidoon keessatti godhameera ta'ee, hamma har'aatti dhaabatee in argama ture*.

²⁴Egaa ani isinittan hima, guyyaa sanatti mandara kana irra kan caalu biyya Sodoomiif firdiin in salphata? jedhe*.[85]

²⁵Yesus yeroo sanatti, ?Yaa abbaa, gooftaa waaqaatii fi lafaa, isa kana warra ogeessotaa fi hubattoota jalaa dhoksitee, wallaalotatti waan mul'ifteef sin jajadha*;

²⁶eyyee, yaa abbaa isa kanatti gammaddeetta.

²⁷Abbaan koo waan hundumaa dabarsee anatti kenneera; abbaa duwwaatu isa beeka malee, ilma kan beeku tokko illee hin jiru, ilma isaatii fi warra ilmi isaa itti mul'isuu barbaadetu abbaa beeka malee, abbaa kan beekus tokko illee hin jiru? jedhe*.[86]

²⁸Yesus itti fufee, ?Isin warri itti dhamaattanii dadhabdan, ba'aanis kan isinitti ulfaatu hundinuu gara koo kottaa; ani boqonnaa isiniifan kenna*.

²⁹Waanjoo koo fuudhaatii baadhaa, ana irraas baraa; anoo garraamii dha kanan gad of deebises; boqonnaas lubbuu keessaniif in argattu*.

³⁰Waanjoon koo nama hin dhibu, ba'aan [namni anaaf jedhee baatus] salphaa dha? jedhe*.[87]