Read west central oromo WANGEELA MAATEWOS 17 Bible Online

WANGEELA MAATEWOS 17 - west central oromo bible

WANGEELA MAATEWOS 17

¹Guyyaa ja'a booddee, Yesus Phexrosii fi Yaaqoobin, Yohannis obboleessa Yaaqoobis fudhatee, ol gara gaara dheeraa tokkotti kophaatti isaan baase*.

²Innis bifa ulfina isaatiin isaanitti mul'ate, fuulli isaas akka biiftuu ibse uffanni isaas akka ifaa addaatee balaqqise*.

³Kunoo Museenii fi Eliyaas achitti isaanitti mul'atanii, isaa wajjin dudubbachaa turan.

⁴Phexros gidduutti, ?Yaa gooftaa! Asitti argamuun keenya attam gaarii dha; fedha kee yoo ta'e asitti godoo sadii, tokko siif, tokko Museedhaaf, tokkos Eliyaasiif nan ijaara? jedhee Yesusitti dubbate.

⁵Utuu inni kana dubbachaa jiruu, kunoo duumessi ifa of keessaa qabu tokko isaanitti uffise. Sagaleenis duumessicha keessaa dubbatee, ?Kun ilma koo isa ani jaalladhu, gammachuun koos isatti in raawwatama; isa dhaga'aa!? jedhe*.

⁶Bartoonni immoo sagalicha dhaga'anii adda isaaniitiin gombifaman, guddaas in sodaatan.

⁷Yesus garuu isaanitti dhi'aatee harkaan isaan qabee, ?Ka'aa, hin sodaatinaas!? isaaniin jedhe.

⁸Isaan yommuu ol ilaalan Yesus duwwaa argan malee, nama biraa tokko iyyuu hin argine.[127]

⁹Isaan gaaricha irraa utuu gad bu'uutti jiranii Yesus, ?Ilmi namaa du'ee warra du'an keessaa hamma kaafamutti, mul'ata argitan kana nama tokkotti iyyuu hin himinaa!? jedhee bartoota isaa abboome*.

¹⁰Kana booddee bartoonni, ?Egaa maaliif barsiisonni seeraa, ?Eliyaas dura dhufuutu ta'a? jedhu?? jedhanii isa gaafatan*.

¹¹Yesus immoo deebisee, ?Eliyaas waan hundumaa iddootti deebisuudhaaf dhufuun isaa beekamaa dha.

¹²Ani garuu, Eliyaas kanumaan dura iyyuu akka dhufe isinittan hima; namoonni waanuma jaallatan isa irratti hojjetan malee isa hin hubanne; ilmi namaas immoo akkasuma harka isaaniitti dhiphachuuf jira? isaaniin jedhe*.

¹³Yommus bartoonni waa'ee Yohannis cuuphaatiif isaanitti dubbachuu isaa in hubatan*.[128]

¹⁴Isaan gara tuuta sanaatti yommuu deebi'an, namni tokko Yesusitti dhi'aatee jilbeenfatee isa kadhatee,

¹⁵?Yaa gooftaa ilma koo anaaf maari, innoo dhukkuba yeroo yerootti nama kuffisu tokkoon qabamee baay'ee dhiphachaa jira; takka takka ibidda keessatti in kufa, takka takkas bishaan keessatti in kufa.

¹⁶Ani bartoota keetti isa fideera, isaan garuu isa fayyisuu hin dandeenye? jedhe.

¹⁷Yesus deebisee, ?Isin dhaloota hin amannee fi jajal'aa nana, hamma yoomiitti isinii wajjin jiraachuun anaaf ta'a? Hamma yoomiittis ba'aa anatti taatu? Mucicha as naa fidaa!? jedhe.

¹⁸Yesus hafuuricha hamaa sana ifannaan, inni gurbicha keessaa ba'e; gurbichi immoo si'uma sana fayye.

¹⁹Bartoonni ergasii kophaatti gara Yesus dhufanii, ?Nuyi maaliif hafuuricha hamaa sana baasuu hin dandeenye?? jedhanii isa gaafatan*.

²⁰Yesus immoo deebisee, ?Amantiin keessan waan hir'ateef kaa! Anoo dhuguman isiniin jedha, amantii hamma ija sanaaficaa geessu utuu qabaattanii, gaara kanaan, ?Asii ka'ii achi butadhu? in jettu, gaarichis asii ka'ee achi in butata; wanti isiniif hin danda'amnes hin jiru*. [

²¹Inni akkasii kun kadhataan soomuudhaanis malee gonkumaa hin baafamu]? jedheen.[129]

²²Bartoonni Galiilaatti Yesus biratti walitti qabamnaan Yesus, ?Ilmi namaa harka namootaatti dabarfamee in kennama*.

²³Isaan isa in ajjeesu, inni garuu guyyaa sadaffaatti du'aa in kaafama? isaaniin jedhe; kana irratti bartoonni baay'ee in gaddan.[130]

²⁴Yesusii fi bartoonni isaa Qifirnaahomitti gallaan, warri gibira mana qulqullummaa fuudhan Phexros bira dhufanii, ?Barsiisaan keessan gibira mana qulqullummaa hin baasuu?? jedhanii isa gaafatan*.

²⁵Phexros immoo deebisee, ?Lakkii in baasa? jedheen. Phexros gara manaa dhufee utuu inni hin dubbatin, Yesus, ?Maal sitti fakkaata yaa Simoon? Mootonni biyya lafaa qaraxa yookiis gibira eenyu irraa fudhatu? Namoota isaanii irraa moo yookiis warra ormaa irraa fudhatu?? jedhee isa gaafate.

²⁶Phexros deebisee, ?Warra ormaa irraa fudhatu? jennaan, Yesus immoo, ?Yoos namoonni isaanii hin gaafataman kaa!

²⁷Haa ta'u iyyuu malee, nuyi gufuu akka isaanitti hin taanetti, gara ciisa bishaanii dhaqiitii hokkoo ittiin qurxummii qaban bishaanichatti darbadhu; qurxummii isa dura ba'u fuutee, afaan isaa yoo bante, horii meetii akka birrii lamaa in argatta. Meeticha kana fuudhiitii anaaf, ofii keetiifis itti kenni!? jedheen*.[131]