Read west central oromo WANGEELA MAATEWOS 21 Bible Online

WANGEELA MAATEWOS 21 - west central oromo bible

WANGEELA MAATEWOS 21

¹Isaan Yerusaalemitti dhi'aatanii, gara gaara ejersaa, Betfaagee yommuu ga'an, Yesus bartoota lama ergee,

²?Ganda fuullee keessan jiru sana dhaqaa, achumaan harree [yaabbii] hidhamtee ilmoon ishee bira dhaabatu in argattu; hiikaatii naa fidaa!

³Namni tokko yoo waa isiniin jedhe immoo, ?Gooftaatu dhimma isaanii qaba, utuu hin turinis isaan in deebisa? ittiin jedhaa!? isaaniin jedhe*.

⁴Kun immoo wanti raajichi jedhe akka fiixaan ba'uuf ta'e;

⁵inni, ?Namoota Xiyoonitti himaa! Mootiin keessan gad of deebisee, kunoo, inni harree [yaabbii] keessaa, ilmoo harree irra taa'ee siif in dhufa? isa jedhuu dha*.[155]

⁶Kana irratti bartoonni dhaqanii akkuma Yesus isaan ajaje godhan.

⁷Harree sana ilmoo ishee wajjin fidanii uffata isaanii irra buusan; Yesus immoo irra taa'e.

⁸Tuuta sana keessaa harki caalaan uffata isaanii karaa irra afan; warri kaan immoo damee baala qabu muka irraa kukkutanii karaa irra firfirsan*.

⁹Tuuti warri dura adeemanii fi warri duukaa bu'an sagalee isaanii ol fudhatanii, ?Hosaa'inaa ilma Daawitiif! Inni maqaa Waaqayyoo gooftaatiin dhufu galateeffamaa dha; hosaa'inaa ol waaqa gubbaatti? jedhan*.[156]

¹⁰Yerusaalemitti yommuu inni gale, mandarichi guutummaatti raafame; namoonnis, ?Inni kun eenyu?? jedhan*.

¹¹Tuuti isaa wajjin adeemus, ?Kun raajicha, Yesus nama Naazireet kutaa biyya Galiilaa ti? jedhee deebise.[157]

¹²Yesus ergasii mana qulqullummaatti ol lixee, warra mana qulqullummaa keessatti bitanii fi warra gurguran hundumaa gad baase; gabatoota warra horii callaa gegeddaraniitii fi taa'umsa warra gugee gurguranii gad gara galchee,

¹³? ?Manni koo mana kadhataa jedhamee in waamama? jedhamee caafameera, isin garuu holqa hattuu isa godhattan? isaaniin jedhe*.[158]

¹⁴Warri jaaman, warri hokkolanis mana qulqullummaa keessatti isa bira dhufan; inni immoo isaan fayyise.

¹⁵Luboonni warri angafoonnii fi barsiisonni seeraa wanta dinqisiisaa inni gochaa turee fi ijoollota mana qulqullummaa keessatti sagalee isaanii ol fudhatanii, ?Hosaa'inaa ilma Daawitiif!? jedhan yommuu argan in aaran*.

¹⁶Kana irratti isaan, ?Waan isaan kun jedhan dhageessaa?? jedhaniin. Yesus immoo deebisee, ?Eyyee, ?Mucooliinii fi daa'imoonni afaan isaaniitiin akka si galateeffatan goote? isa jedhu takkaa hin dubbifnee ree?? isaaniin jedhe*.

¹⁷Kana booddee Yesus isaan dhiisee mandaricha keessaa ba'ee, Bitaaniyaa dhaqee achi bule.[159]

¹⁸Yesus ganama barii gara mandarichaatti utuu deebi'uu in beela'e.

¹⁹Muka harbuu tokko karaa bukkeetti argee, gara isaatti yommuu gore baala duwwaa malee, homaa irraa hin arganne. Kanaaf mukichaan, ?Bara baraan iji si irraa hin argamin!? jedhe; kana irratti harbichi achumaan goge*.

²⁰Bartoonni mukicha yommuu argan raajeffatanii, ?Attamitti mukti harbuu sun achumaan goge?? jedhan.

²¹Yommus Yesus deebisee, ?Ani dhuguman isiniin jedha, amantii yoo qabaattan, yoo mamuu dhabaattanis, mukicha irratti waan ta'e duwwaa hin gootan; gaaruma kanaan, ?Ol kaafamii galaanattis darbatami!? yoo jettan iyyuu in raawwatama*.

²²Amantanii kadhataan waan dhi'eeffattan hundumaa in fudhattu? isaaniin jedhe.[160]

²³Yesus mana qulqullummaatti ol galee utuu barsiisuu, luboonni warri angafoonnii fi maanguddoonni jaraa isa biraan ba'anii, ?Gooftummaa maaliitiin kana hundumaa goota? Gooftummaa kanas eenyutu siif kenne?? jedhaniin*.

²⁴Kana irratti Yesus deebisee, ?Anis immoo dubbii tokko isinan gaafadha, yoo isin deebii isaa anatti himtan anis immoo gooftummaa maaliitiin kana hundumaa akkan godhu isinitti nan hima.

²⁵Cuupphaan Yohannis cuuphe eessaa abboomame? Waaqayyo biraa moo, nama biraa abboomame?? isaaniin jedhe. Isaanis walii wajjin dudubbatanii, ? ?Waaqayyo biraa? yoo jenne, ?Yoos immoo maaliif dubbii isaa hin amanin ree?? nuun jedha*.

²⁶?Nama biraa? akka hin jenneef namoonni hundinuu Yohannisin raajiitti waan fudhataniif, isaan in sodaanna? jedhan*.

²⁷Kanaaf, ?Nuyi hin beeknu? jedhanii Yesusiif deebisan; Yesus immoo, ?Egaa anis kana hundumaa gooftummaa maaliitiin akkan godhu isinitti hin himu? isaaniin jedhe.[161]

²⁸Yesus amma immoo, ?Waa'ee isa ani isinitti himuuf jedhu kanaa maal yaaddu? Namni ilmaan lama qabu tokko ture; innis ilma isaa isa tokko bira dhaqee, ?Yaa ilma ko, dhaqiitii har'a dhaabaa waynii keessa hojjedhu!? jedheen.

²⁹Ilmi isaa sun immoo, ?Anoo hin dhaqu? jedhee deebiseef; ergasii garuu gaabbee dhaqe.

³⁰Namichi ergasii ilma isaa isa kaan bira dhaqee, isuma ilma isaa isa tokkotti dubbate itti hime; inni immoo, ?Tole yaa abbayyee ko!? jedhe, garuu hin dhaqne.

³¹Isaan lamaan sana keessaa isa kam inni jaalala abbaa isaatii godhe?? jedheen; jarri immoo, ?Isa duraa ti? jedhanii deebisan. Yommus Yesus, ?Ani dhuguman isinitti hima, warri jal'isanii qaraxa fuudhanii fi gaalamootonni isin dura mootummaa Waaqayyootti in galu*.

³²Yommuu Yohannis cuuphaan qajeelummaa isin barsiisuu dhufe, isin isa hin amanne; qaraxoonnii fi gaalamootonni garuu isa in amanan. Isin immoo erguma kana argitanii booddee iyyuu, gaabbitanii isa hin amanne? isaaniin jedhe*.[162]

³³Yesus itti fufee, ?Fakkeenya biraa tokko dhaga'aa! Abbaan warraa mukeetii waynii baay'ee lafa isaa irra dhaabe tokko ture. Naannoo isaatti dallaa dhagaa ijaaree, boolla ija waynii keessatti cuunfan dallicha keessatti qotee, siree irra taa'anii eeganis ijaare. Namoota hojjetanii eeganiis, isaa wajjin ija isaa irraa hirmaatanitti kennatee, biyya tokko dhaqe*.

³⁴Yeroon itti iji waynii bilchaatu geenyaan, ija mukeetii waynichaa irraa kan isa ga'u fudhachuudhaaf hojjetoota isaa gara warra waynicha eeganiitti erge.

³⁵Warri waynicha eegan immoo hojjetoota sana qabanii isa tokko in reeban, isa kaan in ajjeesan isa kaanis dhagaadhaan rukutan.

³⁶Abbaan waynichaa amma immoo hojjetoota biraa warra duraa irra baay'atan isaanitti erge; isaaniinis immoo akkuma warra duraa godhan.

³⁷Namichi hundumaa booddee, ?Ilma koo in safeeffatu? jedhee ilma isaa gara isaaniitti erge.

³⁸Warri waynicha eegan ilmicha yommuu argan, ?Isa kana abbaa waynichaa kan dhaalu, kottaa isa in ajjeefna, dhaala isaas in arganna!? waliin jedhan*.

³⁹Isaan isa butanii, dhaabaa waynichaa keessaa gad baasanii, isa ajjeesan*.

⁴⁰Egaa abbaan waynichaa yommuu dhufu, warra waynicha eegan sana attam godhinna laata ree?? isaaniin jedhe.[163]

⁴¹Isaan immoo deebisanii, ?Warra hamoota sana, hamaa itti fidee isaan in balleessa. Mukeetii waynii sanas namoota biraa, warra hojjetanii eeganii isaa wajjin ija isaa irraa hirmaatanitti dabarsee in kennata; egaa isaan yeroo yerootti ija isaa in kennuuf? jedhan.

⁴²Kana irratti Yesus, ?Isin caaffata qulqullaa'an keessaa, ?Dhagichi, mana ijaartuun tuffatan, inni dhagaa mataa golee qajeelchu ta'e; kun gocha gooftaa ti, ija keenyattis dinqii dha? kan jedhu takkaa hin dubbifnee ree*?[164]

⁴³?Egaa mootummaan Waaqayyoo isin irraa fudhatamee, saba ija isaaf godhatuuf akka kennamu isinittan hima*. [

⁴⁴Dhagaa kana irratti kan kufu in caccaba, dhagichi nama irratti yoo kufe garuu isa in buruqsa]? isaaniin jedhe*.[165]

⁴⁵Luboonni warri angafoonnii fi warri Fariisotaa fakkeenyota inni dubbate yommuu dhaga'an, akka inni waa'ee isaaniitiif dubbate in baran.

⁴⁶Kana irratti isa qabachuu yaalan, garuu tuuta warra Yesusin akka raajiitti fudhatan sana sodaatan.