Read west central oromo WANGEELA MAATEWOS 22 Bible Online

WANGEELA MAATEWOS 22 - west central oromo bible

WANGEELA MAATEWOS 22

¹Yesus ammoo fakkeenyaan namootatti dubbate;

²?Mootummaan waaqaa mootii ilma isaatiif cidha godhatetti fakkeeffama*.

³Mootichi warra cidhichatti waamamanii turan haa yaadachiisaniif hojjetoota isaa erge; isaan garuu dhufuu hin jaallanne.

⁴Amma immoo hojjetoota kan biraa ergee, ?Warra waamaman sanaan, kunoo nyaanni qophaa'eera, sangoonni, horiin coccoomoon qalamaniiru, hundinuus qophaa'aa dha, gara cidhaatti kottaa jedhaatii itti himaa!? jedhe.

⁵Warri waamaman garuu tuffatanii, inni tokko gara qotiisa isaa, inni kaanis gara bitaa gurgurtaa isaa dhaqe.

⁶Warri kaan immoo hojjetoota mootichaa qabanii, salphisanii, ajjeesanis*.

⁷Mootichi yommus baay'ee aaree, loltoota isaa itti ergee, warra hojjetaa isaa ajjeesan sana balleessee, mandara isaanii gube*.

⁸Ergasii hojjetoota isaatiin, ?Cidhichi qophaa'aa dha, warri waamaman garuu cidhichaaf hin malle*.

⁹Gara karaa mandaratti galchu dhaqaa, namuma argitanis gara cidhichaatti waamaa!? jedhe*.

¹⁰Yommus hojjetoonni sun gara karaa gurguddaatti ba'anii, kan argatan hundumaa, warra hamootas warra gaggaariis dachaasan, manni cidhichaas keessummootaan guute.[166]

¹¹?Kana booddee mootichi keessummoota isaa ilaaluudhaaf ol galee, nama uffata cidhaa hin uffatin tokko arge*.

¹²Namichaan immoo, ?Namicho! Uffata cidhaa malee attamitti asitti ol lixe?? jedhe; namichis waan dubbatu dhabe.

¹³Yommus mootichi warra achi keessaa ergamaniin, ?Harka isaa fi miilla isaa hidhaatii, dukkana isa alaatti darbadhaa! Achitti namoonni in boo'u ilkaanis in qaru? jedhe*.

¹⁴Warri waamaman baay'ee dha, warri fo'aman garuu muraasa? jedhee dubbii isaa xumure.[167]

¹⁵Yommus warri Fariisotaa dhaqanii waan inni dubbatuun kiyyootti isa galchuudhaaf, Yesus irratti mari'atan.

¹⁶Ergasiis duuka-buutuu isaanii akkasumas warra garee Herodis keessaa gar tokko gara Yesusitti erganii, ?Yaa barsiisaa, akka ati dhuga-qabeessa taate, karaa Waaqayyoos dhugaadhumaan akka barsiiftu beekna; ati nama hin sodaattu, nama wal caalchisuunis si bira hin jiru*.

¹⁷Ammas maal sitti fakkaata, mootii warra Roomaatiif gibira baasuun seera moo, seera miti? Nutti himi!? jedhaniin.[168]

¹⁸Yesus garuu jal'ina isaanii beekee, ?Isin warra of hin arginee nana, maaliif na qortu?

¹⁹Horii ittiin gibira sana baaftan anatti argisiisaa!? jedhe; kanaaf isaan bifa horichaa isatti fidan.

²⁰Yesus immoo, ?Kun bifa eenyuu ti? Caaffata eenyuu tis?? jedhe.

²¹Isaanis, ?Kan mooticha warra Roomaa ti? ittiin jedhan. Achumaanis Yesus, ?Egaa mootichaaf, kan fudhachuun isaaf ta'u kennaa; Waaqayyoofis kan fudhachuun isaaf ta'u kennaa!? isaaniin jedhe*.

²²Yeroo kana dhaga'anitti dinqifatanii, achumatti isa dhiisanii adeeman.[169]

²³Gaafasuma Saduqoonni, warri du'aa ka'uun hin jiru jedhan, gara Yesus dhufanii*,

²⁴?Yaa barsiisa, ?Namni tokko dhala utuu hin godhatin yoo du'e, obboleessi isaa niitii sana dhaalee sanyii obboleessa isaatiif haa dhaabu!? jedhe Museen*.

²⁵Kunoo obboloonni torba nu gidduu jiraachaa turan; inni angafni niitii fuudhee, utuu dhala hin godhatin niitii isaa obboleessa isaatti dhiisee du'e.

²⁶Inni lammaffaan inni sadaffaanis hamma isa torbaffaatti ishee fuudhanii dhala utuu hin godhatin irraa du'an.

²⁷Hunduma isaanii booddee immoo dubartittiin in duute.

²⁸Egaa hundumti isaanii ishee fuudhanii turani'o, du'aa ka'uutti isaan torbanuu keessaa isa kamiif haadha manaa taati ree?? jedhanii isa gaafatan.[170]

²⁹Yesus garuu deebisee, ?Caaffata qulqullaa'aa, humna Waaqayyoos waan hin beekiniif irraa kaattan.

³⁰Du'aa ka'uutti akka ergamoota Waaqayyoo warra waaqa keessaa ta'u malee hin fuudhan, hin heerumanis.

³¹Waa'ee ka'uu warra du'anii immoo isa Waaqayyo isiniin jedhe hin dubbifnee ree?

³²Inni, ?Ani Waaqayyo isa kan Abrahaam, Waaqayyo isa kan Yisihaq, Waaqayyo isa kan Yaaqoob? jedheera. Inni Waaqayyo warra du'anii miti, Waaqayyo warra jiraatanii ti malee? isaaniin jedhe*.

³³Yommus namoonni kana dhaga'anis barsiisa isaatti in dinqifatan*.[171]

³⁴Yesus warra Saduqootaa afaan qabachiisuu isaa yommuu dhaga'an, warri Fariisotaa achitti walitti dacha'an.

³⁵Isaan keessaa immoo namichi seera beekaan tokko Yesusin qoruudhaaf gaaffii isa gaafatee,

³⁶?Yaa barsiisa, seera keessaa abboommiin inni hundumaa irra caalu isa kami?? jedhe.

³⁷Yommus Yesus deebisee, ? ?Waaqayyo kee goofticha garaa kee guutuudhaan, jireenya kee guutuudhaan, yaada kee guutuudhaanis jaallachuutu siif ta'a?*.

³⁸Abboommiin hundumaa irra caalu inni duraa isa kana.

³⁹Abboommiin inni lammaffaan akkuma isa duraa ti; ?Nama akka mataa keetiitti jaallachuutu siif ta'a?*.

⁴⁰Seerrii fi barsiissi raajotaa hundinuu abboommii kana lamaan irra dhaabatanii jiru? jedheen*.[172]

⁴¹Akkuma warri Fariisotaa walitti dacha'anii jiranitti, Yesus gaaffii isaan gaafate;

⁴²?Waa'ee Masiihichaa maal yaaddu? Inni ilma eenyuu ti?? jedhe. Isaan immoo, ?Ilma Daawit? jedhanii deebisaniif*.

⁴³Kana irratti inni, ?Yoos immoo attamitti Daawit hafuura qulqulluudhaan geggeeffamee gooftaa ittiin jedhe ree?

⁴⁴?Gooftichi gooftaa kootiin, diinota kee miillan kee jala hamma ani siif kaa'utti, gara mirga koo taa'i, jedheera? jedhee dubbate*.[173]

⁴⁵Egaa Daawit ?Gooftaa koo? jedhee erga isa waamee, attamitti immoo ilma isaa ta'a ree?? isaaniin jedhe.

⁴⁶Namni tokko illee sagalee tokko deebii isaaf kennuu hin dandeenye; guyyaa sanaa jalqabees gaaffii tokko isa gaafachuudhaaf namni ija jabaate hin turre*.[174]