Read west central oromo WANGEELA MAATEWOS 25 Bible Online

WANGEELA MAATEWOS 25 - west central oromo bible

WANGEELA MAATEWOS 25

¹Yesus yommus, ?Mootummaan waaqaa durboota kurnan warra ibsaa isaanii fudhatanii, dhirsa misirroo simuudhaaf ba'an fakkaata*.

²Durboota sana keessaa shan gowwoota turan, shan immoo afchaalota turan.

³Warri gowwoonni ibsaa isaanii fudhatan malee cuunfaa ejersaa isa ibsaatti naqan hin fudhanne.

⁴Warri afchaalonni ibsaa isaanii wajjin cuunfaa ejersaa qodaatti fudhatan.

⁵Dhirsi misirroo galuu turraan hundumti isaanii muganii rafan.[195]

⁶?Halkan walakkaa immoo sagalee guddisee, ?Dhirsi misirroo kunoo ti! Isa simuudhaaf ba'aa!? jedhutu dhaga'ame.

⁷Yommus durboonni sun hundinuu ka'anii ibsaa isaanii tottolfatan*.

⁸Warri gowwoonni warra afchaalotaan, ?Ibsaan keenya dhaamuuf jedha, cuunfaa ejersaa keessan irraa waa nuuf kennaa!? ittiin jedhan.

⁹Warri afchaalonni garuu deebisanii, ?Warra gurguran bira dhaqaatii bitadhaa malee, innoo nuufis isiniifis hin ga'u? jedhaniin.

¹⁰Yeroo isaan bitachuu dhaqanittis dhirsi misirroo in dhufe; warri qophaa'an isaa wajjin mana cidhichaatti ol galan, balballis in cufame.

¹¹Durboota sana keessaa warri hafan immoo booddee dhufanii, ?Yaa gooftaa, yaa gooftaa nuuf bani!? jedhaniin.

¹²Inni immoo deebisee, ?Dhuguman isiniin jedha, ani isin hin beeku? jedheen*.

¹³Egaa, guyyicha, yerichas hin beektaniitii dammaqaa!? jedhe*.[196]

¹⁴Yesus itti dabalee, ?Dubbiin kun akka nama biyya fagoo dhaquudhaaf ka'ee ti; inni hojjetoota isaa waamee, horii callaa qaba ture itti kennate*.

¹⁵Akkuma akka humna isaaniitti isa tokkotti meetii kuma shan, isa kaanitti meetii kuma lama, isa kaanittis meetii kuma tokko kennee, biyya fagoo adeeme*.

¹⁶Namichi inni meetii kuma shan fudhate, si'uma sana dhaqee ittiin bitee gurguree meetii kuma shan buufate.

¹⁷Inni meetii kuma lama fudhate immoo, meetii kuma lama buufate.

¹⁸Namichi inni meetii kuma tokko fudhate garuu, dhaqee boolla qotee meetii gooftaa isaa awwaale.[197]

¹⁹?Gooftaan hojjetoota sanaa yeroo dheeraa booddee deebi'ee dhufee, horii isaa isaan irraa lakkaa'ate*.

²⁰Namichi inni meetii kuma shan fudhate, kan biraa meetii kuma shan fidee dhufee, ?Yaa gooftaa, meetii kuma shan anatti kennattee turte, ilaa ani immoo meetii kuma shan buufadheera? jedhe.

²¹Gooftaan isaa immoo, ?Ba'eessa goote, hojjetaa gaarii dhaa fi amanamaa nana, ati waan xinnoo irratti amanamte, ani immoo waan guddaa irra sin dhaaba; gammachuu gooftaan kee itti jiraatutti gali!? jedheen*.

²²Namichi inni meetii kuma lama fudhate immoo dhufee, ?Yaa gooftaa, meetii kuma lama anatti kennattee turte, ilaa ani immoo meetii kuma lama buufadheera? jedhe.

²³Gooftaan isaa immoo, ?Ba'eessa goote, hojjetaa gaarii dhaa fi amanamaa nana, ati waan xinnoo irratti amanamte, ani immoo waan guddaa irra sin dhaaba; gammachuu gooftaan kee itti jiraatutti gali!? jedheen.[198]

²⁴?Namichi inni meetii kuma tokko fudhates immoo dhufee, ?Yaa gooftaa, ati nama gara-jabeessa iddoo itti hin facaasinii galfattu, iddoo itti hin bittimsinii walitti qabattu, ta'uu kee ani beeka.

²⁵Kanaafan si sodaadhee dhaqee meetii kee awwaale; horiin kee kunoo ti? jedhe.

²⁶Gooftaan isaa garuu deebisee, ?Ati hojjetaa hamaa dhaa fi dhibaa'aa nana, iddoo itti hin facaasinii akkan galfadhu, iddoo itti hin bittimsinii akkan walitti qabadhu, beekteetta mitii?

²⁷Ati meetii koo warra dhalatti fuudhan bira anaaf kaa'uutu si irra ture; ani immoo deebii kootti kan koo dhala isaa wajjin nan fudhadhan ture.

²⁸Egaa meeticha kuma tokko sana harkaa fuudhaatii, isa meetii kuma kudhan qabuuf kennaa!

²⁹Nama amanamee waa qabaatu hundumaaf hamma isa irraa hafutti itti dabalamee in kennamaaf; kana kan hin qabne garuu, innumti inni qabu iyyuu isa duraa in fudhatama*.

³⁰Hojjetaa isa waa'ee hin baafne kana dukkana isa alaatti darbadhaa! Achitti namoonni in boo'u ilkaanis in qaru? jedhe? isaaniin jedhe*.[199]

³¹Yesus ammoo, ?Ilmi namaa ulfina isaatiin, ergamoonni Waaqayyoos hundinuu isaa wajjin in dhufu; yommus inni teessoo ulfina isaatii irra in taa'a*.

³²Yommus namoonni biyya lafaa hundinuu fuula isaa duratti walitti in qabamu; tikseen, hoolota re'ootattii akka gargar fo'u, innis namoota sana gargar in fo'a*.

³³Warra hoolotatti fakkeeffaman gara mirga isaa, warra re'ootatti fakkeeffamanis gara bitaa isaa in dhaaba.

³⁴Ergasii mootichi warra mirga isaa jiraniin, ?Isin yaa warra abbaa kootiin eebbifamtanii, kottaa! Mootummaa isaa isa uumama biyya lafaatii jalqabee isiniif qophaa'etti galaa!

³⁵Beela'een ture, nyaata anaaf kennitaniittu; dheebodheen ture, dheebuu na baaftaniittu; orman ture, akka nama keessaniitti na simtaniittu*.

³⁶Qullaa koo ta'een ture, daara na baaftaniittu; dhukkubsadheen ture, na gaafattaniittu; hidhameen ture gara koo dhuftaniittu? jedhe.[200]

³⁷?Ergasii warri qajeelonni deebisanii, ?Gooftaa! Yoom beela'uu kee arginee, nyaata siif kennine? Yookiis yoom dheebochuu kee arginee, dheebuu si baafne*?

³⁸Yoom orma ta'uu kee arginee, akka nama keenyaatti si simne? Yookiis yoom qullaa ta'uu kee arginee, daara si baafne?

³⁹Yoom dhukkubsachuu kee yookiis hidhamuu kee arginee, gara kee dhufne?? jedhaniin.

⁴⁰Mootichi immoo deebisee, ?Ani dhuguman isinitti hima, obboloota koo warra hundumaa irra gad deebi'an kana keessaa isa tokkoof hammi isin gootan, anaaf gootan? isaaniin jedhe*.[201]

⁴¹?Ergasii mootichi namoota bitaa isaa jiraniin, ?Isin abaaramoo nana, na biraa adeemaa! Gara ibidda bara baraa isa Seexanaa fi ergamoota Seexanaatiif qophaa'e dhaqaa*!

⁴²Ani beela'een ture, isin nyaata anaaf hin kennine; dheebodheen ture, isin dheebuu ana hin baafne*.

⁴³Orman ture, isin akka nama keessaniitti ana hin simne; qullaa koo ta'een ture, isinis daara ana hin baafne; dhukkubsadheen ture, hidhameen tures, isinis ana hin dubbifne? in jedha.[202]

⁴⁴?Isaanis deebisanii, ?Gooftaa! Yoom beela'uu kee, dheebochuu kee, orma ta'uu kee, qullaa ta'uu kee, dhukkubsachuu kee yookiis hidhamuu kee arginee, siif hojjechuu dhiifne?? jedhanii in gaafatu.

⁴⁵Yommus mootichi deebisee, ?Ani dhuguman isinitti hima, warra hundumaa irra gad deebi'an kana keessaa isa tokkoof kan hin godhin anaafis hin goone? isaaniin jedhe.

⁴⁶Isaan gara adaba bara baraa, warri qajeelonni garuu gara jireenya bara baraa in dhaqu? jedhe*.[203]