Read west central oromo WANGEELA MAATEWOS 26 Bible Online

WANGEELA MAATEWOS 26 - west central oromo bible

WANGEELA MAATEWOS 26

¹Yesus dubbii kana hundumaa erga raawwatee bartoota isaatiin,

²?Guyyaa lama booddee ayyaanni Faasiikaa akka dhufu isin in beektu, ilmi namaa immoo fannifamuudhaaf dabarfamee kennamuuf jira? jedhe*.[204]

³Ergasii luboonni warri angafoonnii fi maanguddoonni sabaa, mana guddicha isa kan Qayyaafaa angafa lubootaatti walitti qabaman.

⁴Achittis walii wajjin karaa ittiin Yesusin haxxummaadhaan qabsiisanii ajjeesan in mari'atu turan;

⁵garuu, ?Namoota gidduutti raafamni akka hin kaaneef, kana gochuun yeroo ayyaanaatti hin ta'u? jedhu turan.

⁶Yesus Bitaaniyaatti mana Simoon isa lamxaa'ee ture sana keessa jiraa iyyuu,

⁷dubartiin tokko urgooftuu dibataa gati-jabeessa shurrubbeetti qabattee gara isaa dhufte; isheenis utuma Yesus maaddiitti taa'ee jiruu, urgooftuu sana mataa isaa irratti naqxe*.

⁸Bartoonni garuu yommuu kana argan hin jaallanne, ?Kun maaliif lafatti bade?

⁹Urgooftuun kun horii baay'eetti gurguramee, warra hiyyeessotaaf kennamuu in danda'a ture? jedhan.[205]

¹⁰Yesus garuu kana caqasee, ?Dubartii kana maaliif rakkiftu? Isheen waan gaarii anaaf goote.

¹¹Warra hiyyeessota yeroo hundumaa of biratti argattu, ana garuu yeroo hundumaa of biratti hin argattan*.

¹²Isheen urgooftuu kana dhagna koo irratti naquudhaan awwaalaaf na qopheessuudhaaf kana goote.

¹³Ani dhuguman isiniin jedha, guutummaa biyya lafaatti, iddoodhuma wangeelli itti lallabametti, wanti isheen goote immoo seenaa isheetiif in dubbatama? isaaniin jedhe*.[206]

¹⁴Yommus warra kudha lamaan keessaa tokko, Yihudaa nama biyya Keriyot inni jedhamu, gara luboota warra angafootaa dhaqee,

¹⁵?Isa dabarsee yoon isinitti kenne, maal anaaf laattu?? ittiin jedhe; isaan immoo meetii soddoma muraniif*.

¹⁶Yihudaan yeroo sanaa jalqabee dabarsee isa kennuudhaaf fucha in barbaada ture.[207]

¹⁷Jalqaba ayyaana Maxinoottis bartoonni gara Yesus dhufanii, ?Hoolaa Faasiikaa akka nyaattuuf eessatti akka qopheessinu barbaadda?? jedhaniin*.

¹⁸Inni immoo deebisee, ?Mandarichatti lixaa! Gara nama akkasii tokko dhaqaatii, namichaan, ?Yeroon koo jala ga'eera, kanaaf ani bartoota koo wajjin Faasiikaa mana keettan ayyaanessa, siin jedha barsiisaan? jedhaan!? isaaniin jedhe*.

¹⁹Yommus bartoonni akkuma Yesus isaan abboome godhan, irbaata Faasiikaas in qopheessan.[208]

²⁰Yommuu galgalaa'e immoo bartoota isaa kudha lamaanii wajjin maaddiitti taa'e.

²¹Utuu isaan nyaachaa jiranii Yesus, ?Dhuguman isiniin jedha, isin keessaa tokko dabarsee na kennuuf jira? jedhe.

²²Kana irratti isaan baay'ee gaddanii, tokko tokkoon, ?Ana miti kaa gooftaa! Anaa ree?? ittiin jechuu jalqaban.

²³Inni immoo deebisee, ?Inni anaa wajjin harka kaa'ee qodaa ittootti cuuphate dabarsee na kennuuf jira*.

²⁴Ilmi namaa illee akkuma waa'ee isaaf caafametti du'uuf in dhaqa; garuu namicha ilmi namaa harka isaatiin dabarfamee kennamu sanaaf wayyoo! Namichi sun utuu hin dhalanne ta'ee in wayyaaf ture? jedhe*.

²⁵Yihudaan inni dabarsee isa kennuuf jedhes deebisee, ?Ana miti kaa, barsiisa! Anaa ree?? jedheen; inni immoo, ?Atumtuu jette kaa? ittiin jedhe.[209]

²⁶Utuu nyaachaa jiranii, Yesus buddeena fuudhee, eebbisee cabsees bartoota isaatiif kenne, ?Fudhadhaa nyaadhaa, kun dhagna koo ti!? jedhe*.

²⁷Xoofoos fudhatee Waaqayyoof galata galchee, isaaniifis kennee, ?Hundumti keessan kanattii dhugaa!

²⁸Kun dhiiga koo ti, dhiigni kun kakuu dhaabate sana cimsuudhaaf, dhiifamuu cubbuu namoota baay'eetiif dhangala'a*.

²⁹Ammaa jalqabee hamma guyyaa gaafa ani mootummaa abbaa koo keessatti isa haaraa isinii wajjin dhugutti, deebi'ee daadhii waynii kanaattii akkan hin dhugne isinittan hima? jedhe.

³⁰Faarfannaa galataa erga faarfatanii immoo gara gaara ejersaatti ol ba'an*.[210]

³¹Ergasii Yesus, ?Isin hundumti keessan edana ana mamtanii na buusuuf jirtu, ?Ani tiksee rukutee lafaan nan dha'a, hoolonni karra sanaas in bittimfamu? jedhamee caafameera*.

³²Ergan du'aa kaafamee booddee garuu, isin dura Galiilaa nan dhaqa? isaaniin jedhe*.[211]

³³Phexros immoo deebisee, ?Isaan hundinuu si mamanii yoo si buusan iyyuu, ani gonkumaa si hin buusu? jedheen.

³⁴Yesus yommus, ?Dhuguman siin jedha, halkanuma kana indaanqoon utuu hin iyyin, ati si'a sadii na ganta? ittiin jedhe*.

³⁵Phexros garuu, ?Sii wajjin du'uun yoo na irraa barbaadame illee ani matumaa si hin ganu? jedheen; bartoonni hundinuus akkasuma jedhan.[212]

³⁶Yesus yommus bartoota isaa wajjin gara iddoo dhaabaa Getesemaanee jedhamu tokkoo dhaqe; bartoota isaatiin immoo, ?Hamma ani achi dhaqee kadhadhutti as taa'aa!? jedhe.

³⁷Phexrosii fi ilmaan Zabdewos lamaan fudhatee dhaqee, gadduu fi yaadaan dhiphachuutti ka'e*.

³⁸Yommus, ?Lubbuun koo hamma du'aatti baay'ee gaddite; isin as turaa anaa wajjinis dammaqaa!? isaaniin jedhe*.

³⁹Xinnoos irraa hiiqee adda isaatiin gombifamee, ?Yaa abbaa ko! In danda'ama yoo ta'e xoofoon dhiphinaa kun ana irra haa darbu, garuu akka jaalala koo miti, akka jaalala kee haa ta'u malee? jedhee kadhate*.

⁴⁰Kana booddee gara bartoota sanaa dhufee, rafanii isaan arge; Phexrosiin immoo, ?Egaa isin sa'aatii tokkittiif illee anaa wajjin dammaquu hin dandeenyee?

⁴¹Qoramatti akka hin galleef dammaqaa, kadhadhaa! Hafuurri illee dhimmaa dha, foon garuu dadhabaa dha? jedhe*.[213]

⁴²Si'a lammaffaas achi hiiqee kadhatee, ?Yaa abbaa ko! Xoofoon dhiphinaa kun utuun hin dhugin ana irra darbuun hin danda'amu yoo ta'e, jaalalli kee haa raawwatamu? jedhe*.

⁴³Deebi'ee dhufees utuu isaan rafanii arge; iji isaanii itti ulfaatee ture.

⁴⁴Ammas isaan dhiisee achi hiiqee si'a sadaffaa kadhatuma isaa duraa kadhate*.

⁴⁵Ergasii gara bartootaa dhufee, ?Amma iyyuu raftanii boqochuutti jirtuu? Kunoo, yerichi jala ga'eera, ilmi namaa immoo harka cubbamootaatti kennamuu isaa ti*.

⁴⁶Ka'aa itti adeemnaa! Kunoo inni dabarsee na kennu dur dhi'aate? isaaniin jedhe*.[214]

⁴⁷Utuma Yesus kana dubbachaa jiruu, kunoo Yihudaan, warra kudha lamaan keessaa tokko, gara isaanii dhufe; isaa wajjinis tuuti sonaan baay'een, luboota warra angafoota, maanguddoota jaraa biraa ergamanii, billaadhaa fi bokkuu qabatanii dhufan.

⁴⁸Inni dabarsee Yesusin kennuuf ture sun milikkitaaf, ?Inni ani dhungadhu isa, qabadhaa!? jaraan jedhee ture.

⁴⁹Yihudaan akkuma Yesus bira dhufeen, ?Attam barsiisaa ko!? jedhee, isa dhudhungate.

⁵⁰Yesus immoo, ?Namicha ko, maaliif as dhufte?? jedheen; yommus jarri itti adeemanii, hiixatanii, Yesusin qaban.

⁵¹Kunoo, warra Yesusii wajjin turan keessaa tokko billaa isaa but godhee luqqifatee, garbicha angafa lubootaa rukutee, gurra isaa irraa kute.

⁵²Yeroo sanatti Yesus immoo, ?Billaa kee mann'ee isaatti deebisi; warri billaa luqqifatan hundinuu billaadhaan in badu.

⁵³Ani abbaa kootti dhageessifachuu hin danda'u sitti fakkaataa ree? Innoo ammuma ergamoota duula kudha lama irra caalan iyyuu anaaf in erga ture*.

⁵⁴Silaa immoo akkas ta'uun akka isa irra jiru kan dubbatan caaffanni qulqullaa'oon attamitti raawwatamu ree?? jedheen.[215]

⁵⁵Yeroodhuma sanatti Yesus tuuta sanaan immoo, ?Akka warra saamtuu qabuudhaaf ba'aniitti, ana qabuudhaaf billaadhaa fi bokkuudhaan yaatanii? Guyyaa dhufaa darbaa mana qulqullummaa keessa taa'ee barsiisaan ture, isin immoo ana hin qabne*.

⁵⁶Amma garuu caaffanni raajotaa akka raawwatamaniif kun hundinuu ta'e? jedhe; yommus bartoonni hundinuu isa dhiisanii in baqatan.[216]

⁵⁷Ergasii warri Yesusin qaban sun, iddoo barsiisonni seeraa fi maanguddoonni itti walitti qabamanitti, gara Qayyaafaa angafa lubootaatti isa geessan.

⁵⁸Phexros garuu hamma oobdii mana angafa lubootaatti, irraa fagaatee Yesus duukaa adeeme; achi keessa lixes dhimma isaa ilaaluudhaaf warra eegdotaa wajjin taa'e.

⁵⁹Luboonni warri angafoonni, guutummaan yaa'ii warra Yihudootaas, akka ittiin Yesusin ajjeesaniif, amansiisa sobaa isa irratti in barbaadu turan.

⁶⁰Namoonni sobaan dhugaa ba'an baay'een yoo dhi'aatan iyyuu, amansiisa quufsu hin arganne. Gara booddeetti garuu namoonni lama dhufanii*,

⁶¹?Namichi kun, ?Ani mana qulqullummaa Waaqayyoo jigsee guyyaa sadiitti ijaaruu nan danda'a? jedheera? jedhan*.

⁶²Kana irratti angafni lubootaa ka'ee, ?Waan jarri kun si irratti dhugaa ba'an kanaaf deebii tokko illee hin qabduu ree?? jedhe.

⁶³Yesus garuu calluma jedhe. Angafni lubootaa immoo, ?Hadaraa Waaqayyoo isa jiraataa ati Masiihicha, ilma Waaqayyoo yoo taate nutti himi!? jedheen*.

⁶⁴Yesus immoo deebisee, ?Atumtuu jette kaa; garuu ilmi namaa ammaa jalqabee mirga isa aango-qabeessaa taa'ee duumessoota waaqaa irra utuu dhufuu arguuf akka jirtan ani isinittan hima? jedheen*.

⁶⁵Yommus angafni lubootaa aaree uffata isaa tarsaasee, ?Inni Waaqayyoon arrabseera, amma immoo dhuga-baatuu maalii nu barbaachisa ree? Kunoo Waaqayyoon arrabsuu isaa isin iyyuu amma dhageessaniittu*.

⁶⁶Maal isinitti fakkaata?? jedhe. Isaan immoo, ?Ajjeefamuun isaaf ta'a? jedhanii deebisan*.

⁶⁷Yommus fuula isaatti tufanii, isa abootan; warri kaanis kakkabalanii*,

⁶⁸?Ati, Kristos! Eenyutu si rukute? Raajii keetiin nutti himi!? jedhaniin.[217]

⁶⁹Yommus Phexros ala oobdii keessa in taa'a ture; xomboreen tokko gara isaa dhuftee, ?Atis Yesus namicha Galiilaa sanaa wajjin turte!? jette.

⁷⁰Inni garuu hunduma isaanii duratti ganee, ?Waan ati jettu kana ani hin beeku? jedhe.

⁷¹Gara karra dallichaatti gad baanaan, xomboreen isheen tokko isa argitee, warra achi dhaabataniin, ?Namichi kun Yesus nama Naazireet sanaa wajjin ture? jette.

⁷²Inni garuu ammas ganee, ?Nama kana ani hin beeku? jedhe kakate*.

⁷³Yeroo xinnoo booddees warri achi dhaabatan ol dhufanii Phexrosiin, ?Ati dhuguma isaan keessaa tokko, akki haasaa keetii iyyuu si lafafa? jedhan.

⁷⁴Yommus inni immoo, ?Namicha kana ani hin beeku? jedhee of abaaruu, kakachuuttis ka'e; achumaanis indaanqoon in iyyite.

⁷⁵Phexros yommus jecha Yesus isa inni, ?Indaanqoon utuu hin iyyin ati si'a sadii na ganta? ittiin jedhee ture yaadate; kanaaf inni gad ba'e mararamee boo'e*.[218]