Read west central oromo WANGEELA MAATEWOS 27 Bible Online

WANGEELA MAATEWOS 27 - west central oromo bible

WANGEELA MAATEWOS 27

¹Yommuu lafti bari'es luboonni warri angafoonnii fi maanguddoonni sabaa hundinuu Yesusin ajjeesuudhaaf mari'atan*.

²Isaan isa hidhanii, geessanii, Philaaxos bulchaa biyyaatti dabarsanii kennan.[219]

³Yihudaan inni dabarsee isa kenne Yesusitti akka faradame yommuu hubate gaabbee, meetii soddomman deebisee luboota warra angafootaa fi maanguddootatti fidee*,

⁴?Ani dhiiga nama yakka hin qabne dhangala'uutti dabarsee kennuu kootiin yakkeera? isaaniin jedhe. Isaan garuu, ?Nuun maaltu dhibe ree? Atumtuu faladhu malee!? jedhan.

⁵Yihudaan kana irratti meetticha mana qulqullummaa keessatti darbatee gatee, achii adeeme, dhaqes of rarraase.

⁶Luboonni warri angafoonni garuu meetticha fuudhanii, ?Meetiin kun horii dhiiga namaa dhangalaasise waan ta'eef, horii mana qulqullummaatti dabaluun seera miti? jedhan.

⁷Ergasii mari'atanii iddoo awwaala warra ormaaf akka ta'utti, lafa namicha suphee dha'u tokkoo ittiin bitan.

⁸Kanaaf lafti sun hamma har'aatti ?Lafa dhiigaa? jedhamee waamama.

⁹Inni Ermiyaas raajichi dubbate kanaan raawwatame, ?Isaan meetii soddomman gatii isa namoota Israa'eliin shallagame sanaa fuudhanii*,

¹⁰akkuma gooftichi na abboometti gatii lafa namicha suphee dha'uu kennan? jedhee ture.[220]

¹¹Yesus yeroo bulchaa biyyaa dura dhaabatetti, bulchaan biyyaa, ?Sii mootiin Yihudootaa?? jedhee isa gaafate. Yesus immoo deebisee, ?Situ akkas jedha? jedheen.

¹²Isa luboonni warri angafoonnii fi maanguddoonni isa hadheessan irratti immoo deebii hin laanne*.

¹³Yommus Philaaxos, ?Waan isaan kun si irratti dhugaa ba'an kana hundumaa hin dhageessuu ree?? ittiin jedhe.

¹⁴Yesus garuu dubbii tokkoof iyyuu deebii isaaf hin laanne; bulchaan biyyaas kanatti guddaa dinqifate*.[221]

¹⁵Bulchaan biyyaa ayyaana Faasiikaatti warra hidhaman keessaa, namuma isaan gad nuuf dhiisi jedhan tokko, namootaaf gad dhiisuu amala godhatee ture.

¹⁶Yeroo sanatti Barabbaa kan jedhamu, namni dira'ina isaatiin beekame tokko hidhamee ture.

¹⁷Yommuu jarri walitti qabamanis Philaaxos, ?Eenyuun akkan isiniif gad dhiisu barbaaddu? Barabbaa moo yookiis Yesus isa Kristos jedhamu?? isaaniin jedhe.

¹⁸Inni hinaaffaadhaaf dabarsanii akka isa kennan beeka ture*.

¹⁹Kanuma irratti iyyuu utuu Philaaxos barcuma firdii irra taa'uu haati manaa Philaaxos, ?Namicha qajeelaa sana waa hin godhin! Anoo eda halkan abjuutti waa'ee isaatiif baay'ee dhiphachaan ture? jettee itti dhaamte.[222]

²⁰Luboonni warri angafoonnii fi maanguddoonni garuu, Barabbaa gad nuuf dhiisi, Yesusin immoo balleessi jedhanii, Philaaxosin akka kadhataniif namoota tole jechisiisan*.

²¹Bulchaan biyyaa immoo, ?Isaan lamaan keessaa eenyuun akkan gad isiniif dhiisu barbaaddu?? jedhee isaan gaafate. Isaan immoo ?Barabbaa gad nuuf dhiisi!? jedhan.

²²Philaaxos, ?Egaa Yesus isa Kristos jedhamu immoo maal godhu ree?? jedhee isaan gaafate; yommus hundumti isaanii, ?Haa fannifamu!? jedhan.

²³Inni immoo, ?Maaliif? Maal balleesse?? jedhe; isaan garuu ittuma caalchisanii, ?Haa fannifamu!? jedhanii iyyan.[223]

²⁴Philaaxos immoo caalaatti waca kaasuu malee homaa akka waa'ee hin baafne yommuu arge, bishaan fudhatee, namoota duratti harka isaa dhiqatee, ?Ani dhiiga nama kanaa irratti yakka hin qabu, isin beekkadhaa!? jedhe*.

²⁵Kana irratti namoonni hundinuu, ?Dhiigni isaa nu irraa, ijoollee keenya irraas haa barbaadamu!? jedhanii deebisaniif*.

²⁶Philaaxos ergasii Barabbaa gad isaaniif dhiisee, Yesusin immoo reebsisee akka fannifamuuf dabarsee kenne.[224]

²⁷Yommus loltoonni bulchaa biyyaa Yesusin gara mana mootummaatti geessanii, kutata loltuu sana keessaa warra hafan isatti dachaasan.

²⁸Isaan wayyaa irraa baasanii, uffata bildiimaa itti uffisan.

²⁹Gonfoo qoraattii hojjetanii mataa isaa irra kaa'anii, ulees harka isaa mirgaatiin qabachiisan. Isa durattis jilbeenfatanii, ?Attami ree, yaa mootii Yihudootaa!? jedhanii itti ga'isan*.

³⁰Isatti tufanii, ulicha fuudhanii ittiin mataa isaa rurrukutan*.

³¹Erga itti ga'isanii booddee immoo, uffata sana irraa baasanii, wayyaa isaa deebisanii itti uffisan; kana booddees fannisuudhaaf isa geessan.[225]

³²Utuu gad ba'aniis, nama biyya Qareenaa Simi'oon isa jedhamu tokko argatanii, fannoo Yesus akka baatuuf isa giddisiisan.

³³Isaan iddoo Golgootaa jedhamu dhufan; ?Golgootaa? jechuun ?iddoo lafee mataa? jechuu dha.

³⁴Loltoonni achitti daadhii waynii hadhooftuudhaan makame haa dhuguuf kennaniif; inni garuu afaaniin qabee, dhuguu jibbe*.[226]

³⁵Erga isa fannisanii booddee muka buufatanii uffata isaa hirmaatan*.

³⁶Kana booddee isaan taa'anii achitti isa eegan.

³⁷Caaffanni yakka inni ittiin hadheeffame mul'isus, ?Inni kun Yesus mootii Yihudootaa ti? kan jedhu, mataa isaa irraan kaa'amee ture.

³⁸Yommus saamtonni lama isaa wajjin, inni tokko mirga isaatti, inni kaan immoo bitaa isaatti fannifaman*.

³⁹Warri achiin darbanis mataa isaanii raasanii*,

⁴⁰?Ati isa mana qulqullummaa jigsitee, guyyaa sadiitti ijaartu, ilma Waaqayyoo yoo taate mee of oolchi! Fannoo irraas gad bu'i!? jedhanii in arrabsu turan*.

⁴¹Luboonni warri angafoonnis immoo barsiisota seeraa fi maanguddootaa wajjin akkasuma isatti ga'isanii,

⁴²?Inni namoota biraa oolcheera, ofii isaa immoo oolchuu hin danda'u. Inni mootii Israa'el erga ta'ee, mee amma fannoo irraa gad haa bu'u nus isatti in amanna.

⁴³Inni Waaqayyoon amanateera, Waaqayyo immoo yoo isatti gammade isa haa oolchu; innumtuu ?Ani ilma Waaqayyoo ti? jedheera? jedhan*.

⁴⁴Warri saamtonni isaa wajjin fannifaman iyyuu akkasuma isa in arrabsu turan.[227]

⁴⁵Guyyaa sa'aatii ja'aa hamma sa'aatii sagaliitti dukkanni lafa hundumaa irra ture.

⁴⁶Gara sa'aatii salgaffaatti Yesus sagalee guddaadhaan, ?Elii, Elii[228] lamaa sabaktanii?? jedhee waammate; kunis, ?Waaqayyo ko, Waaqayyo ko maaliif na dhiifte?? jechuutti in hiikama*.

⁴⁷Warra achi dhaabatan keessaa kaan kana dhaga'anii, ?Namni kun Eliyaasin waammata? jedhan.

⁴⁸Achumaan immoo tokko isaan keessaa fiigee waan akka cumaa buqqee hadhaa'aa, isa daadhii waynii dhangaggaa'aan guutame fuudhee uleetti kaa'ee, akka inni dhuguuf kenneef*.

⁴⁹Warri kaan garuu, ?Turi! Eliyaas isa oolchuudhaaf yoo dhufe, mee in ilaalla!? jedhan.

⁵⁰Yesus ammoo sagalee guddaadhaan iyyee hafuura isaa kenne.[229]

⁵¹Kunoo golgaan mana qulqullummaa olii hamma gadiitti iddoo lamatti tarsa'e, lafti in socho'e, kattaawwanis in dadaya'an*.

⁵²Awwaalonnis immoo banamanii, warri qulqulloonni dur du'an in kaafaman.

⁵³Isaanis awwaalota keessaa ba'anii, du'aa ka'uu Yesus booddee Yerusaalem mandara qulqullaa'aatti lixanii namoota baay'eetti mul'atan.[230]

⁵⁴Angafni dhibbaa fi namoonni isaa wajjin Yesusin egaa turan, socho'a lafaa, waan yeroo sana ta'e hundumaas yommuu argan guddaa sodaatanii, ?Namni kun dhuguma ilma Waaqayyoo ture? jedhan.

⁵⁵Dubartoonni baay'een Galiilaadhaa isa duukaa bu'anii isaaf kan hojjetan, halaala dhaabatanii in ilaalu turan*.

⁵⁶Maariyaam isheen Magdalaa, Maariyaam haati Yaaqoobii fi Yoseef, haati ilmaan Zabdewosis isaan keessa turan.[231]

⁵⁷Yommuu galgalaa'e sooressi mandara Armaatiyaa, Yoseef jedhamu tokko dhufe; namichi kun ofuma isaatii bartuu Yesus ta'eera.

⁵⁸Inni Philaaxos bira dhaqee, reeffa Yesus kadhate; kana irratti Philaaxos akka kennamuuf in abboome*.

⁵⁹Yommus Yoseef reefficha fuudhee, wayyaa haarrii quncee talbaa irraa dha'ameen kafanee,

⁶⁰awwaala isa reefuu ofii isaatiif garaa dhagaa keessatti tolfate keessa kaa'e; dhagaa guddaas gara balbala awwaalichaatti gangalchee, adeeme*.

⁶¹Maariyaam isheen Magdalaa, Maariyaam isheen kaanis fuullee awwaalichaa in taa'u turan.[232]

⁶²Guyyaan qophaa'ummaa darbee borumtaa isaa luboonni warri angafoonnii fi Fariisonni Philaaxos duratti walitti qabamanii,

⁶³?Gooftaa! Inni wallaalchifataan sun utuu jiruu, ?Guyyaa sadii booddee nan kaafama? akka inni jedhe yaadanneerra*.

⁶⁴Kanaafis awwaalichi hamma guyyaa sadaffaatti akka eegamu, abboomi! Kun yoo ta'uu dhabaate garuu bartoonni isaa dhufanii isa hatanii namootaan immoo, ?Inni du'aa ka'eera? in jedhu; wallaalchisuun inni gara dhumaa kun immoo isa duraa irra caalaa kan hammaatu in ta'a? jedhaniin.

⁶⁵Philaaxos yommus, ?Warra eegan fudhadhaa dhaqaatii akka beektanitti eegsifadhaa!? isaaniin jedhe.

⁶⁶Akkasitti isaan eegdota sanaa wajjin dhaqanii, dhagichatti mallattoo godhanii, awwaalicha eegsisan.[233]