Read west central oromo WANGEELA MAATEWOS 5 Bible Online

WANGEELA MAATEWOS 5 - west central oromo bible

WANGEELA MAATEWOS 5

¹Yesus namoota baay'ee sana argee gaaratti ol ba'e; erga inni taa'ees bartoonni isaa gara isaatti walitti qabaman.

²Inni barsiisuma kanaan afaan isaa saaqqate;

³?Karaa hafuuraatti hiyyeessota warri ta'an haa gammadan, mootummaan waaqaa kan isaanii ti*.

⁴Warri garaan isaanii gadde haa gammadan, isaan jajjabina in argatu*.

⁵Warri garraamiin haa gammadan, isaan biyya isa abdachiifame in argatu*.

⁶Warri waan qajeelaa akka midhaanii beela'anii, akka bishaanii dheebotan haa gammadan, isaan geessifachuuf jiru*.

⁷Warri namaaf oo'an haa gammadan, isaan oo'a in argatu*.

⁸Warri yaadni garaa isaanii qullaa'oo haa gammadan, isaan Waaqayyoon in argu*;

⁹Warri nagaa buusan haa gammadan, isaan ijoollee Waaqayyoo in jedhamu*.

¹⁰Warri qajeelummaadhaaf jedhanii ari'ataman haa gammadan, mootummaan waaqaa kan isaanii ti*.[21]

¹¹?Anaaf jedhanii namoonni yommuu isin arrabsan, yommuu isin ari'atan, (sobaan) waan hundumaa yommuu isin irratti dudubbatanis gammadaa*!

¹²Isaan raajota warra isin duraa akkasuma ari'achaa turan; egaa yeroo hundumaa gammadaa ililchaa waaqa irratti gatiin keessan guddaa in ta'a? isaaniin jedhe*.[22]

¹³Yesus itti fufee, ?Isin soogidda lafaa ti, soogiddi garuu miyaa yoo of keessaa dhabe maaliin deebi'ee miyeeffama ree? Gad baafamee gatamee namni irra ejjetee balleessa malee, homaa tokkoofuu waa'ee hin baasu.

¹⁴Isin ifa biyya lafaa ti, mandarri tulluu gubbaatti ijaarame dhokachuu hin danda'u*.

¹⁵Homtinuu ibsaa qabsiisee guuboo jala hin kaa'u, baattuu ibsaa irra kaa'a malee; ibsichis mana keessa kan jiran hundumaaf in ibsa*.

¹⁶Namoonni hojii keessan isa gaarii arganii, abbaa keessan isa waaqa irraaf ulfina akka kennaniif ifni keessan akkuma kanaatti namoota duratti haa ifu!? jedheen*.[23]

¹⁷Yesus, ?Seeraa fi barsiisa raajotaa diiguudhaaf waanan dhufe hin se'inaa, ani isaan raawwachuudhaafan dhufe malee, diiguudhaaf hin dhufne*.

¹⁸Ani dhuguman isinitti hima, hamma waaqnii fi lafti badanitti seericha keessaa fidalli xinnaan tokko yookiis gar tokkoon fidalaa utuu fiixaan hin ba'in hin badu*.

¹⁹Kanaafis namni abboommota hundumaa irra xinnaatan keessaa tokko diigee, diigamuu isaas namoota barsiisu, mootummaa waaqaa keessatti isa hundumaa irra xinnaatu in jedhama; namni abboommota kana eegee barsiisu garuu mootummaa waaqaa keessatti guddaa in jedhama*.

²⁰Ani isinittan hima, qajeelummaan keessan qajeelummaa warra barsiisota seeraatii fi Fariisotaa irra guddaa yoo caaluu dhabaate, mootummaa waaqaatti gonkumaa hin galtan? isaaniin jedhe.[24]

²¹Yesus itti fufee, ? ?Hin ajjeesin, namni yoo nama ajjeese abboota firdii duratti itti in faradama? jedhamee warra duriitti akka himame dhageessaniittu*.

²²Ani garuu isinittan hima, eenyu illee obboleessa isaatti yoo dheekkame abboota firdii duratti itti in faradama; obboleessa isaatiin ?Doofaa? yoo jedhe yaa'ii biyya seerratu duratti itti in faradama; obboleessa isaatiin ?Raatuu? yoo jedhe ibidda qililleetti itti in faradama*.[25]

²³?Kennaa aarsaa dhi'eessuudhaaf iddoo aarsaatti yoo fidde, iddoodhuma sanattis akka obboleessa kee waa yakkitee yaada isaa miite sitti in yaadatama ta'a*.

²⁴Kennaa aarsaa kee achuma iddoo aarsaa duratti dhiisiitii dhaqi obboleessa keetti dura araarami; kana booddee deebi'ii kennaa aarsaa kee dhi'eessi![26]

²⁵?Nama waan ittiin si hadheessu qabuu wajjin gara yaa'iitti utuu adeemtuu dafii isa firoomfadhu; kanaa achi inni si hadheessu sun abbaa firdiitti si kennata, abbaan firdii immoo eegduu mana hidhaatti si kenna, mana hidhaattis in galfamta*.

²⁶Egaa gatii si irra jiru hundumaa[27] of irraa hamma badduu baaftutti, matumaa mana hidhaa sana keessaa akka ati hin baane dhuguman sitti hima? jedhe.[28]

²⁷Yesus, ? ?Hin ejjin? jedhamee akka himame dhageessaniittu*.

²⁸Ani garuu isinittan hima, namni ija hawwaatiin dubartii ilaale garaa isaatti isheetti ejjeera*.

²⁹Iji kee mirgaa cubbuu yoo si hojjechiise, isa of keessaa baasii gati; guutummaan dhagna keetii qililleetti darbatamuu mannaa, bu'aa dhagna keetii keessaa tokko dhabuu siif wayya*.

³⁰Harki kee mirgaa cubbuu yoo si hojjechiise, isa of irraa murii gati; guutummaan dhagna keetii qilillee dhaquu mannaa, bu'aa dhagna keetii keessaa tokko dhabuu siif wayya? jedhe*.[29]

³¹Yesus itti fufee, ? ?Namni haadha manaa isaa baasu caaffata ittiin ishee baasu haa kennuuf? jedhamee himameera*.

³²Ani garuu isinittan hima, yoo isheen ejjite malee namni haadha manaa isaa baasu, akka isheen ejjituu in godha; namni dubartii gad dhiifamte fuudhus in ejja? jedhe*.[30]

³³Yesus, ? ?Sobaan hin kakatin, waan gooftaadhaaf kakatte immoo fiixaan baasi!? jedhamee abbootatti akka himames immoo dhageessaniittu*.

³⁴Ani garuu isinittan hima, raawwattanii hin kakatinaa! Waaqaan hin kakatinaa, innoo teessoo Waaqayyoo ti*.

³⁵Lafaanis hin kakatinaa, innoo ejjeta miilla isaa ti; Yerusaalemiinis hin kakatinaa, innoo mandara mooticha guddichaa ti*.

³⁶Mataa keetiinis hin kakatin, rifeensa tokko addeessuu yookiis gurraachessuu hin dandeessu.

³⁷Dubbii keessan keessatti eyyeen keessan eyyee haa ta'u, waawuun keessanis waawuu haa ta'u! Kana irraa kan hafe kan isa hamaa ti? jedhe*.[31]

³⁸Yesus itti fufee, ? ?Qooda ijaa, iji; qooda ilkaanii ilkaan haa kennamu!? jedhamee akka himame dhageessaniittu*.

³⁹Ani garuu isinittan hima, isa hamaadhaan hin morkatinaa! Namni maddii kee isa mirgaa yoo si kabale, isa gara kaaniis itti qabi*!

⁴⁰Namni yaa'ii si irraa qabaatee qomee kee yoo si irraa fudhachuu barbaade, kootii kees dhiisiif*.

⁴¹Namni tokko akka kiilo metrii tokkoo isa duukaa akka dhaqxuuf yoo si giddisiise, akka kiilo metrii lamaa duukaa dhaqi!

⁴²Isa si kadhatuuf kenni, nama waa si irraa liqeeffachuu barbaaduttis dugda hin gatin!? jedhe*.[32]

⁴³Yesus, ? ?Fira kee jaalladhu, diina kees jibbi!? jedhamee akka himame dhageessaniittu*.

⁴⁴Ani garuu isinittan hima, diinota keessan jaalladhaa, warra isin ari'ataniifis kadhadhaa*!

⁴⁵Kana yoo gootan ijoollee abbaa keessanii isa waaqa irraa in taatu; innoo aduu isaa warra hamootaa fi warra gaggaariidhaaf in baasa, bokkaa isaas warra qajeelotaa fi warra jal'ootaaf in roobsa*.

⁴⁶Warra isin jaallatan duwwaa yoo jaallattan gatii maalii argattu ree? Warri sodaa Waaqayyoo hin qabne iyyuu akkanuma in godhu mitii ree?

⁴⁷Obboloota keessan duwwaa o'iftanii nagaa yoo gaafatan, warra kaan caalaa maalfaa gootu? Warri saba Waaqayyoo hin ta'in iyyuu akkanuma in godhu mitii ree?

⁴⁸Egaa abbaan keessan inni waaqa irraa mudaa malee akkuma ta'e, isinis warra mudaa hin qabne ta'aa!? jedhe*.[33]