Read west central oromo WANGEELA MAATEWOS 7 Bible Online

WANGEELA MAATEWOS 7 - west central oromo bible

WANGEELA MAATEWOS 7

¹Yesus, ?Waaqayyo akka isinitti hin farannetti isin namatti hin faradinaa*!

²Firdiidhuma isin namatti faraddaniin isinittis in faradama; qodaa safaraa isin itti namaaf safartanitti isiniifis in safarama*.

³Maaliif huuba ija obboleessa kee keessa jiru ilaalta? Utubaa isa ija kee keessa jiru hin hubattuu?

⁴Yookiis attamitti obboleessa keetiin, ?Lakkii huuba ija kee keessaa siifan baasa? jetta ree? Kunoo utubaanoo ija kee keessa jiraa!

⁵Ati of hin arginee nana, duraan dursitee utubaa ija ofii keetii keessaa baasi, isa booddee huuba ija obboleessa kee keessa jiru, hubattee baasuu in dandeessa.[46]

⁶?Foon aarsaadhaaf qulqullaa'e sarootaaf hin kenninaa! Callee keessan akka isaan hin dhidhiinnetti booyyee dura hin buusinaa! Isinumatti gara galanii isin in kukkutu'o? jedhe.

⁷Yesus itti fufee, ?Kadhadhaa isiniif in kennamaa, barbaadaa in argattuu, balbala rukutaa isiniif in banama*.

⁸Kan kadhatu hundinuu in fudhata, kan barbaadus in argata, balbala kan rukutuufis in banama.

⁹Isin keessaa nama attamiitu ilmi isaa buddeena yoo isa kadhate, dhagaa kennaafi ree?

¹⁰Yookiis ilmi isaa qurxummii yoo kadhate, bofa kennaafi ree!

¹¹Egaa isin hamoota taatanii utuu jirtanii, ijoollee keessaniif kennaa gaarii kennuu erga beektanii, abbaan keessan inni waaqa keessaa immoo hammam isin caalaa warra isa kadhataniif waan gaggaarii kenna*![47]

¹²?Waanuma namoonni akka isiniif godhaniif jaallatan, isinis akkasuma isaaniif godhaa; seerrii fi raajonni isuma kana in barsiisu? jedhe*.[48]

¹³Yesus, ?Karra isa dhiphaadhaan ol galaa! Karaan gara badiisaatti geessu boochoo dha, karri isaas bal'aa dha; namoonni ittiin ol galan immoo baay'ee dha.

¹⁴Karaan gara jireenyaatti geessu rakkoo dha, karri isaas dhiphaa dha, namoonni isa argatan muraasa? jedhe*.[49]

¹⁵Yesus itti fufee, ?Raajota sobduu irraa of eeggadhaa, isaan hoolaa fakkaachuudhaaf raroo hoolaa uffatanii gara keessan in dhufu; keessa isaaniitiin garuu yeeyyii butatanii dha*.

¹⁶Ija hojii isaaniitiin isaan in beektu; ija waynii baalaanwaraanteettii, harbuus kosorruuttii ciruu dandeessuu ree*?

¹⁷Akkasumas mukti gaariin ija ba'eessa in godhata, mukti gadheenis ija hamaa in godhata*.

¹⁸Mukti gaariin ija hamaa godhachuu, mukti gadheenis ija ba'eessa godhachuu hin danda'u.

¹⁹Mukti ija ba'eessa hin godhanne hundinuu in murama, ibiddattis in naqama*.

²⁰Egaa ija hojii isaaniitiin isaan in beektu? jedhe*.[50]

²¹Yesus, ?Jaalala abbaa koo isa waaqa irraa nama hojjetutu mootummaa waaqaatti gala malee, namni, ?Yaa gooftaa, yaa gooftaa? naan jechuu duwwaadhaan itti gala miti*.

²²Guyyaa isa dhumaa sanatti namoonni baay'een, ?Yaa gooftaa, yaa gooftaa, nuyi maqaa keetiin raajii dubbanneerra, maqaa keetiin hafuurota hamoota baafneerra, hojii aangoos maqaa keetiin baay'ee hojjenneerra mitii?? anaan jedhu*.

²³Ani immoo yeroo sanatti, ?Matumaa ani isin hin beeku, isin yaa warra hamaa hojjettanii, ija koo duraa badaa!? jedheen mul'inatti isaanitti hima? jedhe*.[51]

²⁴Yesus, ?Egaa namni dubbii koo dhaggeeffatee akka isaatti hojjetu hundinuu nama ogeessa mana isaa dhagaa irratti ijaarratetti in fakkeeffama.

²⁵Bokkaan roobee, lolaan lola'ee, qilleensis qilleensa'ee, mana sanatti bu'an; manichi garuu hundeen isaa dhagaa irra dhaabamee waan tureef, hin jigne.

²⁶Namni dubbii koo dhaggeeffatee akka isaatti hin hojjenne hundinuu garuu, nama gowwaa mana isaa hundee malee lafa cirrachaa irratti ijaarratetti in fakkeeffama*.

²⁷Bokkaan roobee, lolaan lola'ee, qilleensis qilleensa'ee, mana sanatti bu'an; manichis in jige; jiguun isaas badduu baasa ta'e? jedhe*.[52]

²⁸Yesus dubbii isaa kana dubbatee yommuu raawwate, namoonni na'anii barsiisa isaa in dinqisiifatan*.

²⁹Inni akka barsiisota seeraa warra kan isaanii utuu hin ta'in akka nama aboo qabutti isaan in barsiisa ture*.[53]