Read west central oromo WANGEELA MAATEWOS 9 Bible Online

WANGEELA MAATEWOS 9 - west central oromo bible

WANGEELA MAATEWOS 9

¹Yesus bidiruu yaabbatee bishaanicha ce'ee gara mandara isaa dhufe*.

²Kunoo jarreen tokko nama dhagni isaa gar tokko du'e siree irra ciibsanii gara isaa fidan; Yesus amantii jarreen kanaa yommuu arge, namicha isa dhagni isaa gar tokko du'een, ?Ilma koo jabaadhu! Cubbuun kee hundinuu siif dhiifameera? jedhe*.

³Kana irratti barsiisota seeraa keessaa kaan, ?Namni kun Waaqayyoon arrabsa? jedhanii garaa isaaniitti dubbatan.

⁴Yesus garuu yaada isaanii beekee, ?Maaliif garaa keessan keessatti hamaa yaaddu*?

⁵Kamtu salphaa dha? Cubbuun kee siif dhiifameera jechuu moo yookiis ka'iitii adeemi jechuu?

⁶Garuu ilmi namaa lafa irratti dhiifamuu cubbuu kennuudhaaf aboo akka qabu beekaa!? isaaniin jedhe. Isa dhagni isaa gar tokko du'een immoo, ?Ka'iitii siree kee fudhadhuu mana keetti gali!? jedhe*.

⁷Namichi yommus ka'ee mana isaatti gale.

⁸Namoonni kana yommuu argan in na'an, Waaqayyo isa aboo akkasii namootaaf kenneefis hooqubaa dhi'eessan.[62]

⁹Yesus achii ka'ee utuu darbuu, nama Maatewos jedhamu tokko, utuu inni iddoo qaraxaa taa'uu argee, ?Na duukaa bu'i!? jedheen. Maatewos yommus ka'ee, duukaa in bu'e.

¹⁰Kana booddee immoo Yesus mana namichaatti maaddiitti taa'e; kunoos qaraxoonnii fi warri akka seeraatti hin jiraanne baay'een dhufanii Yesusii fi bartoota isaa wajjin maaddiitti taa'an.

¹¹Warri Fariisotaa garuu kana yommuu argan bartoota isaatiin, ?Maaliif barsiisaan keessan warra qaraxxuudhaa fi warra akka seeraatti hin jiraannee wajjin nyaata?? jedhan*.

¹²Yesus garuu kana yommuu dhaga'e, ?Namoonni fayyaan ogeessa qorichaa hin barbaadan, dhukkubsatootatu barbaada malee;

¹³inni ?Gara-laafinan barbaada malee aarsaa miti? jedhu maalitti akka hiikamu dhaqaa baraa! Anoo warra gara-qajeelota waamuu hin dhufne, warra cubbamoota waamuufan dhufe malee? jedhe*.[63]

¹⁴Gaaf tokko bartoonni Yohannis gara Yesus dhufanii, ?Nuyii fi Fariisonni maaliif soomna? Bartoonni kee immoo maaliif hin sooman?? jedhaniin*.

¹⁵Yesus deebisee, ?Dhirsi misirroo hamma isaan bira jirutti warri cidhaa gadduu danda'uu ree? Guyyoonni dhirsi misirroo itti isaan duraa fudhatamu dhufuuf jiru; isaan yeroo sanatti in soomu*.[64]

¹⁶?Homtinuu erbee haaraa takkaa hin miiccamin uffata moofaa irratti hin erbu; erbichi haaraan uffata moofaa sana irraa in tarsaasa, tarsa'aan isaas isa duraa irra kan caalu ta'a.

¹⁷Akkanuma immoo daadhii waynii haaraa qodaa bososaatti hin naqan; kana yoo godhan, qodichi in dho'a, daadhichi in dhangala'a, qodichis in bada. Daadhii waynii haaraa qodaa jabaatti in naqu malee; daadhichis qodichis akkasitti in oolu? isaaniin jedhe.

¹⁸Yesus utuu kana isaanitti dubbachaa jiruu, kunoo warra geggeessituu keessaa tokko dhufee isaaf sagadee, ?Mucaan koo ammuma na duraa duute, ati garuu kottuutii harka kee ishee irra kaa'i, isheenis deebitee in jiraatti? jedhe.

¹⁹Kanaaf Yesus ka'ee bartoota isaa wajjin geggeessituu sana duukaa dhaqe.

²⁰Kunoos gidduutti dubartiin waggaa kudha lamaaf dhiigni ishee dhaabachuu diduudhaan rakkachaa turte tokko, dugda duubaan dhuftee, shaashara uffata Yesus tuqxe*.

²¹Isheen garaa isheetti, ?Uffatuma Yesus duwwaa yoon tuqe nan fayya? jettee yaaddee turte*.

²²Yesus immoo gara galee ishee argee, ?Jabaadhu intala koo, amantiin kee si fayyiseera? jedheen; dubartittiinis si'uma sana fayyite*.[65]

²³Yesus mana geggeessituu sanaa bira yommuu ga'e, warra ulullee gaddaa afuufanii fi warra huursanii boo'an argee,

²⁴?Asii adeemaa! Intalattiinoo hin duune rafuutti jirti malee? isaaniin jedhe. Isaan garuu itti kolfan*.

²⁵Namoonni erga gad baafamanii booddee, Yesus ol lixee harka intalattii qabe, isheenis in kaate.

²⁶Oduun isaas naanna'aa kutaa biyya sanaa in ga'e*.[66]

²⁷Yesus achii ka'ee utuu darbuu jaamonni lama isa duukaa adeemanii, ?Yaa ilma Daawit nu maari!? jedhanii iyyan*.

²⁸Inni manatti ol gallaan, namoonni jaamonni sun isatti dhi'aatan; yommus Yesus, ?Kana gochuu akkan danda'u in amantuu ree?? ittiin jennaan, isaan immoo, ?Eyyee yaa gooftaa? jedhaniin.

²⁹Kana booddee ija isaanii qabee, ?Egaa akkuma amantii keessanii isiniif haa ta'u!? jedheen*.

³⁰Yommus iji isaanii in banaman; Yesus immoo, ?Beekkadhaa, namni tokko illee kana akka hin dhageenye? jedhee jabeessee isaan abboome*.

³¹Isaan garuu akkuma achii ba'aniin guutummaa biyya sanaatti waa'ee isaa odeessan.[67]

³²Yeroo isaan achii ba'anitti jarreen tokko nama arrabni isaa dide, hafuurri hamaan keessa jiru tokko gara Yesus fidan*.

³³Hafuurichi hamaan erga isa keessaa baafamees namichi arrabni isaa didaa ture in dubbate. Namoonnis raajeffachaa, ?Wanti akkasii kun Israa'el keessatti takkaa hin argamne? jedhan.

³⁴Fariisonni garuu, ?Humna angafa Seexanootaatiin hafuurota hamoota in baasa? jedhan*.[68]

³⁵Yesus mandaroota hundumaa fi gandeen keessa naanna'ee manneen sagadaa isaanii keessatti barsiisaa, wangeela mootummaa Waaqayyoo himaa, dhukkubaa fi dhibee hundumaattiis fayyisaa ture*.

³⁶Inni namoota akka hoolota tiksee hin qabnetti bututanii, gatamanii turan sana yommuu arge isaaniif oo'e*.

³⁷Yommus bartoota isaatiin, ?Midhaan sassaabamu baay'ee dha, hojjetoonni sassaaban garuu muraasa*;

³⁸egaa hojjetoota warra midhaan sassaaban itti haa yaafatuuf, abbaa midhaanichaa kadhadhaa!? jedhe*.[69]