Read west central oromo WANGEELA MAARQOS 11 Bible Online

WANGEELA MAARQOS 11 - west central oromo bible

WANGEELA MAARQOS 11

¹Isaan Yerusaalemitti galuudhaaf Betfaageedhaa fi Bitaaniyaatti, gaara ejersaattis yommuu dhi'aatan, Yesus bartoota isaa keessaa lama ergee,

²?Ganda fuullee keessan jiru sana dhaqaa, achumaanis akkuma gandichatti galtaniin ilmoo harree [yaabbii] hidhamee jiru, homtinuu takkaa kan hin yaabin in argitu, hiikaatii fidaa.

³Namni, ?Maaliif kana gootu?? yoo isiniin jedhe, ?Gooftaatu dhimma isaa qaba, inni utuu hin turin iddoodhuma kanatti in deebisa? ittiin jedhaa!? isaaniin jedhe*.[81]

⁴Bartoonni yommus dhaqanii ilmoo harree [yaabbii] karratti hidhame, karaa irratti argatanii hiikan.

⁵Warra achi dhaabatan keessaa immoo jarri tokko, ?Maal gootu ilmoo harree kana hiiktu?? isaaniin jedhan.

⁶Bartoonni immoo isa Yesus jedhe isaanitti himnaan, jarri isaan dhiisan.

⁷Ilmoo harree sanas Yesusiif fidanii, uffata isaanii irra buusan; innis irra taa'e.

⁸Namoonni baay'een uffata isaanii, warri biraa immoo damee baala-qabeessa bakkeedhaa kukkutanii karaa inni irra darbu irra afan*.

⁹Warri dura adeemanii fi warri duukaa bu'an sagalee isaanii ol fudhatanii, ?Hosaa'inaa! Inni maqaa Waaqayyoo gooftaatiin dhufu galateeffamaa dha*.

¹⁰Mootummaan Daawit abaabilii keenyaa inni dhufu galateeffamaa dha! Hosaa'inaa ol waaqa gubbaatti? jedhan.[82]

¹¹Yesus Yerusaalemitti mana qulqullummaatti galee waan hundumaa ilaale; galgalaa'uus jalqabnaan bartoota kudha lamaanii wajjin gara Bitaaniyaatti ba'e.

¹²Borumtaas isaan Bitaaniyaadhaa yommuu ba'an Yesus in beela'e.

¹³Muka harbuu baala qabu tokkos fagootti argee, ija irraa argadha laataa? jedhee dhaqe. Inni mukicha bira ga'ee baala malee waanuma tokko irraa dhabe; yeroon isaa yeroo harbuun ija itti godhatu hin turre*.

¹⁴Yesus yommus mukichaan, ?Homtinuu deebi'ee ija si irraa hin nyaatin bara baraan? jedhe; bartoonni isaas kana jechuu isaa dhaga'an*.[83]

¹⁵Isaan Yerusaalemin in ga'an; Yesus yommus mana qulqullummaatti galee warra mana qulqullummaa keessatti bitanii fi warra gurguran gad baasuutti ka'e, gabatoota warra horii callaa gegeddaraniitii fi taa'umsa warra gugee gurguranii gad gara galche.

¹⁶Homtinuu mi'a baatee mana qulqullummaa keessa ba'ee akka adeemuuf karaa hin laanneef.

¹⁷Yesus isaan barsiisee, ? ?Manni koo saba hundumaatiif mana kadhataa jedhamee in waamama? kan jedhu hin caafamnee ree? Isin garuu holqa hattuu isa godhattan? isaaniin jedhe*.[84]

¹⁸Luboonni warri angafoonnii fi barsiisonni seeraas waa'ee dubbii kanaa dhaga'anii, karaa ittiin isa balleessan barbaadan; barsiifni isaa garaa namoota hundumaa rukutee waan tureef, isa in sodaatu turan*.

¹⁹Yommuu galgalaa'es Yesusii fi bartoonni isaa mandaricha keessaa ba'an[85].[86]

²⁰Ganama obboroodhaan utuu darbanii harbuun sun hundeedhumaan akka goge argan.

²¹Phexros yommus waan ta'e yaadatee, ?Barsiisaa! Ilaa harbuun ati abaarte gogeera? jedhe*.

²²Yesus immoo deebisee, ?Waaqayyotti amantii qabaadhaa*!

²³Dhuguman isiniin jedha, namni garaa isaatti utuu hin mamin gaara kanaan, ?Ol kaafami, galaanattis darbatami!? jedhe, waan inni jedhus akka ta'uuf yoo amane, in ta'aaf*.

²⁴Kanaaf isinittan hima; waan kadhattan waan gaafattanis hundumaa akka waan fudhataniitti lakkaa'aa amanaa, isiniif ta'uufis jira*!

²⁵Kadhachuuf yommuu dhaabattan, abbaan keessan inni waaqa irraa yakka keessan akka isiniif dhiisutti, namni tokko waa isinitti yakkee yaada keessan miidheera yoo ta'e dhiisaaf*! [

²⁶Isin yoo dhiisuu dhabaattan garuu abbaan keessan inni waaqa irraas yakka keessan isiniif hin dhiisu]? jedhe.[87]

²⁷Isaan ammas Yerusaalem dhaqan; Yesus mana qulqullummaa keessa utuu deddeebi'uu, luboonni warri angafoonnii fi barsiisonni seeraa maanguddoonnis gara isaa dhufan.

²⁸Yesusiin, ?Gooftummaa maaliitiin kana hundumaa goota? Yookiis kana hundumaa akka gootuuf eenyutu gooftummaa kana siif kenne?? jedhan.

²⁹Yesus immoo deebisee, ?Ani dubbii tokkon isin gaafadha, anaaf deebisaa! Anis gooftummaa maaliitiin kana hundumaa akkan godhu isinitti nan hima.

³⁰Cuupphaan Yohannis cuuphe Waaqayyo biraa moo, nama biraa abboomame? Anaaf deebisaa!? isaaniin jedhe*.

³¹Isaan yommus walitti dudubbatanii, ? ?Waaqayyo biraa? yoo jenne, ?Yoos immoo maaliif dubbii isaa hin amanini ree?? nuun jedha*;

³²egaa attamitti, ?Nama biraa abboomame? jenna ree?? jedhan. Namoonni hundinuu Yohannisin raajiitti waan fudhataniif tuuta jaraa in sodaatu turan*.

³³Kanaaf, ?Nuyi hin beeknu? jedhanii Yesusiif deebisan. Yesus immoo, ?Egaa anis kana hundumaa gooftummaa maaliitiin akkan godhu isinitti hin himu? isaaniin jedhe.[88]