Read west central oromo WANGEELA MAARQOS 13 Bible Online

WANGEELA MAARQOS 13 - west central oromo bible

WANGEELA MAARQOS 13

¹Akkuma Yesus mana qulqullummaa keessaa ba'een, bartoota isaa keessaa inni tokko, ?Barsiisaa, mee dhagaa gurguddaa kana, ijaarsa babba'eessa kanas ilaali!? ittiin jedhe.

²Yesus deebisee, ?Ijaarsa gurguddaa kana ilaaltaa? Iddoo kanatti dhagaan in diigama malee, tokko illee wal irratti hin hafu? jedheen*.[98]

³Yesus gaara ejersaa gubbaa gara mana qulqullummaatti gara galee utuu taa'uu, Phexros, Yaaqoob, Yohannisii fi Indriiyaas kophaatti isa gaafatan,

⁴?Nutti himi, kun yoom ta'a? Wanti kun hundinuu yommuu raawwatamuuf jedhu immoo milikkinni isaa maali?? jedhan.

⁵Yesus immoo, ?Homtinuu akka isin hin wallaalchifnetti akeekkadhaa!

⁶Baay'een, ?Ani Kristos? jechaa maqaa kootiin in dhufu, namoota baay'ees in wallaalchisu.

⁷Lolaa fi oduu lolaa yommuu dhageessan hin na'inaa, kan akkasii kun ta'uun irra jira; kun garuu amma illee dhuma isaa miti.

⁸Sabni saba irratti mootummaanis mootummaa irratti in ka'a; socho'i lafaa iddoo adda addaatti, beellis in ta'a; wanti kun garuu jalqaba ciniinsuu ti*.[99]

⁹?Garuu of eeggadhaa, isaanoo yaa'ii garaa garaatti dabarsanii isin in kennu, manneen sagadaa keessattis in reebamtu, anaaf jettanii fuula abboota biyyaa, fuula moototaa duras in dhaabattu; kunis dhugaa isaanitti in ba'a.

¹⁰Duraan dursee wangeelli saba hundumaatti lallabamuun in ta'a.

¹¹Isaan dabarsanii isin kennuudhaaf yommuu isin geessan, isa dubbachuuf jirtaniif dura hin yaadda'inaa! Waanuma yeroo sanatti isiniif kennamu dubbadhaa malee; isintu dubbata miti'o, hafuura qulqulluutu dubbata malee*.

¹²Yommus obboleessi obboleessa du'atti dabarsee in kenna, abbaanis mucaa isaa, ijoollonnis warra isaanii irratti ka'anii isaan in ajjeesisu*.

¹³Anaaf jettanii hundumaa biratti kan jibbamtan in taatu; namni hamma dhumaatti jabaatee dhaabatu garuu in fayya? isaaniin jedhe*.[100]

¹⁴Yesus itti fufee, ?Inni jibbisiisaan iddoo qullaa'aa xureessu sun, iddoo isaaf hin malle dhaabachuu isaa yommuu argitan - namni kana dubbisu haa hubatu! - warri Yihudaa jiran gara gaarotaatti haa baqatan*!

¹⁵Namni oobdii isaa keessa jiru deebi'ee, waa fudhachuudhaaf manatti ol hin lixin.

¹⁶Lafa qotiisaa inni jirus wayyaa isaa fudhachuudhaaf hin galin*.

¹⁷Garuu dubartoota ulfaa fi warra hoosisaniif guyyoonni sun attam sodaachisoo dha*.

¹⁸Haa ta'u iyyuu malee, kun yeroo gannaatti akka hin taaneef kadhadhaa!

¹⁹Guyyoonni sun guyyoota rakkinaa in ta'u; rakkinni akkasiis erga Waaqayyo biyya lafaa uumee jalqabee hamma ammaatti hin taane, deebi'ees hin ta'u*.

²⁰Waaqayyo gooftaan guyyoota sana utuu gabaabsuu dhabaatee, namni tokko iyyuu hin fayyu ture; amma garuu namoota fo'amaniif, isaanis warra inni ofiif fo'ateef jedhee, guyyoota sana in gabaabsa.

²¹Yeroo sanatti namni, ?Ilaa Masiihiin as jira! Ilaa achi jira!? yoo isiniin jedhe hin amaninaa.

²²Masiihonni sobaatii fi raajonni sobaa ka'anii, yoo danda'ame warra Waaqayyoof fo'aman iyyuu wallaalchisuudhaaf, milikkitaa fi dinqii adda addaa in argisiisu*.

²³Isin garuu akeekkadhaa! Ani duraan dursee waan hundumaa isinitti himeera? jedhe.[101]

²⁴Yesus itti dabalee, ?Guyyootuma sanatti rakkina kana booddee immoo biiftuun in dukkanoofti, jiinis ifa ishee hin laattu*.

²⁵Urjoonni waaqa irraa in harca'u, humnoonni bantii waaqaa keessaas in raafamu*.

²⁶Yommus ilmi namaa humna guddaadhaan ulfinaanis duummessootaan utuu dhufuu in argu*.

²⁷Inni immoo ergamoota waaqa irraa ergee, warra Waaqayyoof fo'aman qixa arfanii, andaara lafaatii, andaara bantii waaqaatiis walitti in qaba? jedhe*.[102]

²⁸Yesus amma immoo, ?Muka harbuu fakkeenya godhadhaatii irraa baraa! Dameen isaa quqquuqee baala yommuu biqilchu, bonni akka dhi'aate in hubattu.

²⁹Akkasuma isinis immoo, kun hundinuu ta'uu isaa yommuu argitan, akka inni balbalatti dhi'aate beekaa!

³⁰Dhuguman isinitti hima, wanti kun hundinuu hamma raawwatamutti dhaloonni si'anaa kun hin darbu.

³¹Waaqnii fi lafti darbuuf jiru; dubbiin koo garuu gonkumaa hin darbu? jedhe*.[103]

³²Yesus itti fufee, ?Guyyicha sana yookiis yericha sana garuu abbaa koo duwwaatu beeka malee, ergamoonni waaqa irraa, ilmis, namni tokko illees kana hin beekan*.

³³Akeekkadhaa, dammaqaas! Yerichi sun yoom akka ga'u hin beektan*.

³⁴Kun akka nama mana isaa dhiisee, biyya fagoo dhaquudhaaf ka'ee ti. Inni hojjetoota isaatiif aboo kennee, tokkon tokkon isaaniitiif hojii hojii isaanii kenne, karra eegduudhaan immoo ?Hin dagatin dammaqi!? jedhee abboome*.

³⁵Egaa dammaqaa! Abbaan manaa yoom akka dhufu, galgala dhufaa fi halkan walakkaa dhufaa, iyya indaanqoo dhufaa fi ganama dhufaa hin beektan.

³⁶Yeroo isin quba hin qabaatinitti yoo dhufe, utuu isin rafaa jirtanii akka isin hin argannetti,

³⁷kanan isiniin jedhus nama hundumaan nan jedha, dammaqaa!? isaaniin jedhe.[104]