Read west central oromo WANGEELA MAARQOS 5 Bible Online

WANGEELA MAARQOS 5 - west central oromo bible

WANGEELA MAARQOS 5

¹Kana booddee isaan ciisa bishaanii gama, gara kutaa biyya Gergeessaa[30] dhufan.

²Akkuma Yesus bidiricha irraa bu'een, namni hafuurri hamaan keessa ture tokko, iddoo awwaalaa keessaa ba'ee isatti dhufe*.

³Namichi kun awwaalota gidduu jiraate; homtinuus funyoodhuma sibiilaatiin illee isa hidhuu hin dandeenye.

⁴Inni yeroo baay'ee funyoo sibiilaatii fi hidhaa harkaatiin hidhameera, garuu funyoo sibiilaa of irraa in kukkuta, hidhaa harkaas in caccabsa ture. Kanaaf namni tokko illee gad isa qabuu hin dandeenye.

⁵Namichi kun yeroo hundumaa halkanii fi guyyaa awwaalota gidduutti, tulloota irrattis argamee in iyya, dhagaadhaanis of in rukuta ture.

⁶Inni fagootti Yesusin argee, gara isaatti fiigee jilbeenfatee Yesusiif sagade.

⁷Caraanaas sagalee guddaadhaan, ?Yaa Yesus ilma Waaqayyoo aabbaa, maal nattii qabda? Maaltus dhimma koo keessa si buuse? Hadaraa Waaqayyoo ana hin dhiphisin!? jedhe*.

⁸Yesus immoo, ?Ati hafuura hamaa nana, namicha kana keessaa ba'i!? ittiin jedhee ture.

⁹Yesus, ?Maqaan kee eenyu?? jedhee gaafannaan, hafuurichi immoo, ?Maqaan koo duula, nuyi baay'ee dha? jedhee deebiseef.

¹⁰Achumaanis hafuurota baay'ee sana biyya keessaa akka hin baafneef, jabeessee Yesusin kadhate.[31]

¹¹Dirree gaarichaa sana irra, kunoo hoomaan booyyee bobba'anii turan.

¹²Hafuuronni hamoonni sun immoo ?Booyyota sanatti akka galluuf itti nu ergi!? jedhanii Yesusin kadhatan.

¹³Yommus inni haa dhaqaniif isaan dhiise. Hafuuronni hamoonni namicha keessaa ba'anii booyyota sanatti galan. Hoomaan akka booyyota kuma lamaatti lakkaa'aman sun, hallayaa irraa gad gara ciisa bishaaniitti konkolaatanii liqimfaman.

¹⁴Yommus warri booyyee eegan baqatanii, kana warra mandara keessaa fi warra biyyaattis odeessan. Namoonni immoo waan ta'e kana ilaaluudhaaf dhufan.

¹⁵Yesus bira ga'anii, namicha isa duula hafuura hamaadhaan qabamee ture sana wayyaa uffatee, qalbii isaattis deebi'ee achi taa'ee argan; hundumti isaaniis in sodaatan.

¹⁶Duraan achi turanii, waan namicha hafuurri hamaan keessa ture sanaaf ta'e, hoomaan booyyees maal akka ta'an warri argan, jara dhufanitti himan.

¹⁷Yommus jarri, Yesus kutaa biyya isaaniitii akka adeemuuf kadhatan.

¹⁸Yesus achii adeemuudhaaf bidiruu yaabbannaan, namichi hafuura hamaadhaan qabamee ture sun, ?Sii wajjin nan adeema? jedhee isa kadhate.

¹⁹Yesus garuu, ?Gara mana keetii fi lammii keetii dhaqi, waan gooftaan siif godhe hundumaa, attamittis akka si maare isaanitti himi!? ittiin jedhe malee tole hin jenne*.

²⁰Namichi achii adeemee mandaroota kurnanuu keessa naanna'ee waan Yesus isaaf godhe hundumaa labse; hundinuus in dinqifatan*.[32]

²¹Yesus bidiruudhaan deebi'ee ciisa bishaanichaa yommuu ce'etti, namoonni baay'een gara isaatti walitti qabaman. Inni immoo qarqara bishaanichaa ture.

²²Yommus warra geggeessituu mana sagadaa keessaa tokko, maqaan isaa Yaayiros kan jedhamu dhufee, Yesusin argee, miilla isaa jalatti kufee*,

²³?Mucaan koo dhukkubsattee du'uuf jetti, akka isheen fayyitee jiraattuuf hadaraa kottuutii harka kee ishee irra kaa'i!? jedhee jabeessee kadhate*.

²⁴Kanaaf Yesus Yaayirosii wajjin in adeeme; namoonni baay'eenis isa dhiisanii duukaa in bu'u turan*.[33]

²⁵Dubartiin waggaa kudha lamaaf dhiigni ishee dhaabachuu diduudhaan rakkattu tokko immoo turte.

²⁶Isheen ogeessota qorichaa biratti baay'ee dhiphattee, waan qabdu hundumaas kanuma irratti fixxe; haa ta'u iyyuu malee, qooda itti foyya'uu ittuma hammaataa adeeme.

²⁷Isheen waa'ee Yesus yommuu dhageesse, namoota sana gidduu dugda isaa duubaan dhuftee uffata isaa tuqxe.

²⁸Isheen, ?Uffatuma Yesus yoon tuqe illee nan fayya? jettee garaa isheetti yaaddee turte*.

²⁹Achumaan lolaan dhiiga ishee in cite; isheen immoo dhukkuba isheettii akka fayyite itti dhaga'ame.

³⁰Yesus yeroodhuma sana humni fayyisu isa keessaa akka ba'e beekee, namoota gidduudhaa gara galee, ?Eenyutu uffata koo tuqe?? jedhee gaafate*.

³¹Bartoonni isaa immoo, ?Akka namoonni si dhiiban utuma argituu, ?Eenyutu na tuqe?? jettee gaafattaa?? jedhaniin.

³²Yesus garuu amma iyyuu nama isa tuqe arguudhaaf naannoo isaa ilaale.

³³Kana irratti dubartittiin waan isheedhaaf godhame hubattee, sodaachaa rom'aa dhuftee miilla Yesus jalatti lafa dhoofte; dhugaa ishee hundumaas isatti himte.

³⁴Yesus immoo, ?Yaa intala ko, amantiin kee si fayyiseera, nagaadhaan dhaqi, dhukkuba keettiis kan fayyite ta'i!? isheedhaan jedhe*.[34]

³⁵Utuu Yesus kana dubbachaa jiruu namoonni mana Yaayiros geggeessituu mana sagadaa sanaa, dhufanii, ?Intalli kee duuteetti, si'achi immoo maaliif barsiisicha dhamaafta?? jedhaniin.

³⁶Yesus garuu, waan dubbatame sana homaattuu utuu hin fudhatin, geggeessituu mana sagadaa sanaan, ?Hin sodaatin, amani duwwaa!? jedhe.

³⁷Yesus yommus Phexros, Yaaqoobii fi Yohannis obboleessa Yaaqoob malee, namni kan biraa isa duukaa mana namichaa akka dhaqan hin barbaanne*.

³⁸Gara mana geggeessituu sanaa yommuu dhufan, Yesus huursaa isaanii dhaga'ee, namoota boo'anii wawwaatanis arge.

³⁹Inni manatti yommuu ol gale, ?Maaliif huursitanii boossu? Intalattiin rafuutti jirti malee, hin duune? isaaniin jedhe*.

⁴⁰Isaanis itti kolfan. Inni garuu hunduma isaanii gad yaasee, abbaa intalattii fi haadha ishee warra isaa wajjin turanis fudhatee, iddoo reeffi intalattii jirutti ol gale.

⁴¹Harka ishees qabee, ?Xaaliitaa quumii!? jedheen; kunis, ?Intalo! Siinan jedha, ka'i!? jechuutti hiikama*.

⁴²Intalattiin si'uma sana kaatee asii fi achi adeemte; isheenis intala waggaa kudha lamaa turte. Yommus isaan guddaa gammadanii of wallaalan.

⁴³Yesus immoo waan ta'e kana eenyu illee akka hin barre jabeessee isaan abboomee, ?Wanta nyaatamu isheedhaaf kennaa!? jedhee isaanitti hime*.[35]