Read west central oromo WANGEELA LUQAAS 14 Bible Online

WANGEELA LUQAAS 14 - west central oromo bible

WANGEELA LUQAAS 14

¹Sanbata tokkotti immoo Yesus, angafoota warra Fariisotaa keessaa mana isa tokkoo nyaataaf dhaqe; warri achi jiran immoo isa in gaadu turan*.

²Kunoo, namni dhukkuba dhagna bobbokoksuun rakkatu tokko, fuula isaa dura ture.

³Yommus Yesus, ?Guyyaa Sanbataatti fayyisuun seera moo, seera miti?? jedhee barsiisota seeraatii fi Fariisota gaafate*.

⁴Isaan garuu calluma jedhan. Inni immoo namicha dhukkubsataa sana harkaan qabee fayyisee, isa galches.

⁵Kana booddee Yesus gara isaaniitti gara galee, ?Isin keessaa mucaan isaa[127] yookiis horiin isaa boolla bishaanii keessa yoo duraa bu'e, guyyaa Sanbataatti iyyuu achumaan kan hin baafne jiraa ree?? jedheen*.

⁶Isaan garuu kana irrattis deebii kennuufii hin dandeenye.[128]

⁷Yesus iddoo ulfinaa fo'achuu isaanii yommuu hubate, fakkeenya tokkoon keessummoota warra waamamanitti dubbate*.

⁸?Mana cidhaatti yommuu waamamtu, iddoo ol aanu ofii keetii fo'attee hin taa'in; inni si waame sun nama si irra caalu waameera ta'a.

⁹Inni sin, namichas waame sun dhufee, ?Iddoo kana nama kanaaf gad dhiisi? yoo siin jedhe, qaana'aa iddicha namichaaf dhiiftee, iddoo hundumaa irra gad aanu dhaqxee in teessa.

¹⁰Ati garuu yommuu waamamtu, dhaqiitii iddoo hundumaa irra gad aanu taa'i, inni si waames dhufee, ?Fira ko, as iddoo kana ol kottu? siin haa jedhuuf. Yommus namoota sii wajjin maaddiitti taa'an hundumaa duratti ulfina in argatta*.

¹¹Ol kan of qabu hundinuu gad in deebifama, gad kan of deebisus hundinuu ol in qabama? jedhe*.[129]

¹²Yesus namicha nyaataaf isa waameenis immoo, ?Irbaata yookiis cidha yommuu godhattu, fira kee yookiis obboloota kee yookiis aantii kee yookiis sooressota ollaa keetii hin waamin, isaanis immoo darabee isaanii si waamanii, gatii akka siif hin deebifnetti.

¹³Ati garuu waamicha yommuu godhattu, warra waan nyaatan hin qabne, warra bu'aan dhagna isaanii hir'ate, warra naafatan, warra jaaman waami!

¹⁴Ayyaana in argatta, isaan waan siif deebisan hin qaban; Waaqayyo garuu du'aa ka'uu warra qajeeltotaatti siif in deebisa? jedhe*.[130]

¹⁵Warra isaa wajjin maaddiitti taa'an keessaa tokko, kana yommuu dhaga'e Yesusiin, ?Maaddii mootummaa Waaqayyootti kan dhi'aatu ayyaantuu dha? jedhe*.

¹⁶Yesus garuu, ?Namni tokko cidha guddaa isaa godhatee, namoota baay'ees waame.

¹⁷Yeroon nyaataa yommuu ga'e, ?Amma kottaa hundinuu qophaa'eera? jedhee warra waamaman haa yaadachiisuuf hojjetaa isaa itti erge.

¹⁸Warri waamaman garuu hundumti isaanii, ?Akka itti dhufnu hin qabnu? jedhanii hojjetichatti dhimma garaa garaa himachuu jalqaban. Inni duraa, ?Lafa biteen jira, dhaqee lafa kana ilaaluun anaaf ta'a, dhimman dhufuu dadhabeef itti anaaf himi!? jedheen.

¹⁹Inni lammaffaanis, ?Qotiyyoo cimdii shan biteen jira, in qotuu fi hin qotanii isaanii ilaaluudhaaf kunoo karaa irran jira, dhimman dhufuu dadhabeef itti anaaf himi!? jedheen.

²⁰Inni kaanis, ?Dhi'oon niitii fuudhe, kanaafis qaqqabee hin dhufu? jedheen.

²¹Hojjetichi galee kana gooftaa isaatti hime. Kana irratti abbaan cidhichaa aaree hojjetaa isaatiin, ?Ariifadhuu gara karaa gurguddaatii fi karaa qaxxaamuraa mandara keessaa dhaqiitii warra waan nyaatan hin qabneef, warra bu'aan dhagna isaanii hir'ate, warra jaaman, warra naafatanis ol galchi!? jedheen.

²²Yommus hojjetichi, ?Yaa gooftaa, akka ati abboomtetti raawwatameera, garuu amma iyyuu iddoon jira!? jedheen.

²³Gooftichi immoo hojjetichaan, ?Gara karaa gurguddaa biyya keessaatti, kelloota duubattis ba'iitii, manni koo hamma guututti ol haa galaniif nuffisiisi!? jedhe.

²⁴Ani isinittan hima'o, jarreen dura waamamanii didan sana keessaa tokko illee maaddii koo irraa waa afaaniin hin qaban!? jedheen.[131]

²⁵Ammoo namoonni lakkoobsa hin qabne isaa wajjin utuu adeemanii, Yesus gara isaaniitti gara galee,

²⁶?Namni gara koo dhufu, abbaa isaatii fi haadha isaa, haadha manaa isaatii fi ijoollee isaa, obboloota isaatii fi obboleettota isaa, ofii isaas ana caalaatti kan jaallatu bartuu koo ta'uu hin danda'u*.

²⁷Fannoo isaa anaaf jedhee baatee na duukaa kan hin buune, bartuu koo ta'uu hin danda'u*.[132]

²⁸?Isin keessaa namni mana dhagaa ijaaruu barbaadu, duraan dursee horii ittiin mana kana ijaaree raawwatu qaba yoo ta'eef, taa'ee kan hin shallagne eenyu?

²⁹Kanaa achi hundee isaa kaa'ee ijaarsa manichaa yoo raawwachuu dadhabe, kan kana argan hundinuu itti in gai'su;

³⁰?Ilaa namni kun ijaaruu jalqabe garuu duuchuu dadhabe? jedhuun.

³¹Yookiis mootii kamii mootii kan biraa wajjin kan walitti duulu, isa loltuu kuma digdamaan itti dhufu kanas loltuu kuma kudhaniin ittiin qabuu danda'a yoo ta'eef, duraan dursee taa'ee kan hin mari'anne?

³²Hin danda'u yoo ta'e garuu, mootichi isa loluudhaaf ka'e sun fagoo utuu jiruu namoota isaa itti ergee nagaa buusuudhaaf in kadhata.

³³Akkuma kanattis eenyu illee isin keessaa qabeenya isaa hundumaa kan gad hin dhiifne bartuu koo ta'uu hin danda'u? jedhe.

³⁴Itti fufees, ?Soogiddi waan ba'eessa, soogiddi garuu miyaa yoo of keessaa dhabe, maaliin deebi'ee miyeeffama ree?

³⁵Lafa coomsuudhaaf xaa'ootti dabaluudhaafis waa'ee hin baasu, bakkeetti in gatama malee; gurra ittiin dhaga'u kan qabu haa dhaggeeffatu!? jedhe*.[133]