Read west central oromo WANGEELA LUQAAS 18 Bible Online

WANGEELA LUQAAS 18 - west central oromo bible

WANGEELA LUQAAS 18

¹Yeroo hundumaa kadhachuun akka isaaniif ta'u, kadhachuus akka hin dadhabne isaan barsiisuudhaaf, Yesus fakkeenya tokko isaanitti hime*.

²?Abbaan firdii Waaqayyoon hin sodaanne, namas hin safeeffanne tokko, mandara tokko keessa ture.

³Mandarichuma sana keessaa immoo haati hiyyeessaa tokko yeroo yerootti deddeebitee, ?Anaa fi isa anatti falmu gidduutti firdii qajeelaa anaaf kenni!? jettee, itti boossi turte*.

⁴Inni immoo ishee jalaa didee lafa irra duraa harkise; booddee garuu innumtuu, ?Waaqayyoon yoon sodaachuu dhabaadhe, namas yoon safeeffachuu dhabaadhe,

⁵haati hiyyeessaa kun waan na dadhabsiiftuuf firdii kennuufii anaaf wayya, kanaa achi dhuftee ana nuffisiifti? jedhee ofitti dubbate? jedhe*.[150]

⁶Gooftaan kana irratti, ?Dhaggeeffadhaa, waan abbaan firdii jal'aan kun jedhu!

⁷Waaqayyo immoo warra isaaf fo'amanii, guyyaa fi halkan gara isaatti iyyaniif dhugaa isaanii hin baasufii ree? Yookiis lafa irra duraa harkisaa ree*?

⁸Ani isinittan hima, dafee dhugaa in baasaaf; haa ta'u iyyuu malee, ilmi namaa yommuu dhufu amantii lafa irratti argata laataa?? jedhe.[151]

⁹Yesus namoota warra ofii qajeelummaatti jiraanna jedhanii, of amanatanii, warra kaan hundumaa immoo tuffatanitti, fakkeenya kana dubbate*.

¹⁰?Jarreen lama kadhachuudhaaf mana qulqullummaatti ol galan; isaan Fariisicha tokkoo fi, namicha qaraxa fuudhu tokko turan.

¹¹Fariisichi fuula dura dhaabatee garaa isaa keessatti, ?Yaa Waaqayyo, akka namoota warra kaanii, warra saamtuu, jal'oota, ejjitoota yookiis akka qaraxxuu kanaa iyyuu waanan hin ta'iniif sin galateeffadha*.

¹²Torban keessaa guyyaa lama nan sooma; waanan argadhu hundumaa keessaas kudhan keessaa tokko nan baasa? jedhee kadhate*.

¹³Inni qaraxa fuudhu sun garuu, achi fagaatee dhaabatee, ija isaan illee gara waaqaatti ol hin ilaalle; qoma isaa rukutachaa, ?Yaa Waaqayyo, ana nama cubbamaatti araarami!? in jedha ture malee*.

¹⁴Egaa isa Fariisicha sana irra namichi qaraxa fuudhu kun Waaqayyo duratti qajeelaa ta'ee, gara mana isaatti akka deebi'e, isinittan hima; kan ol of qabu hundinuu gad in deebifama, kan gad of deebisu immoo ol in qabama? jedhe*.[152]

¹⁵Yesus harka isaa akka isaan irra kaa'uuf, namoonni mucooliis immoo gara isaa in fidu turan; bartoonni kana yommuu argan, ifatanii isaan dhowwan.

¹⁶Yesus garuu mucoolii sana ofitti waamee, ?Lakkisaa, mucooliin gara koo haa dhufan, hin dhowwinaa, mootummaan Waaqayyoo warra akkasiitiif ta'ao.

¹⁷Dhuguman isinitti hima, eenyu illee mootummaa Waaqayyoo akka mucaan simatutti kan hin simanne, itti hin galu? jedhe*.[153]

¹⁸Gurguddoota Yihudootaa keessaa tokko, ?Yaa barsiisaa gaarii, jireenya bara baraatti galuudhaaf maal godhu?? jedhee isa gaafate*.

¹⁹Yesus immoo deebiseefii, ?Maaliif gaarii naan jetta? Waaqayyo isa tokkicha duwwaa malee, namni gaariin tokko illee hin jiru.

²⁰Abboommii isaa beekta, ?Hin ejjin, hin ajjeesin, hin hatin, sobaan nama irratti dhugaa hin ba'in, abbaa kee fi haadha keef ulfina kenni!?? jedhe*.

²¹Namichi immoo, ?Kana hundumaa ijoollummaa kootii jalqabee raawwadheera? jedhe.

²²Yesus yommuu kana dhaga'e namichaan, ?Amma illee wanti gochuun si hafe tokko jira, waan qabdu hundumaa gurgurii warra deegaadhaafis hiri, waaqa irratti badhaadhummaa in qabaatta; erga hirtee booddee immoo kottuu ana duukaa bu'i!? jedhe*.

²³Namichi garuu yommuu kana dhaga'e, baay'ee sooressa waan tureef, baay'isee gadde.[154]

²⁴Yesus gadda namichaa yommuu hubate, ?Warra qabeeyyiidhaaf mootummaa Waaqayyootti galuun attam rakkisaa dha.

²⁵Sooressi tokko mootummaa Waaqayyootti galuu irra, gaalli qaawwa lilmoo keessa ba'uutu salphata? jedhe.

²⁶Warri kana dhaga'an immoo, ?Egaa eenyutu fayyuu danda'a ree?? jennaan,

²⁷inni immoo, ?Namaaf kan hin danda'amne, Waaqayyoof in danda'ama? jedhee deebiseef*.[155]

²⁸Phexros yommus, ?Kunoo, nuyi qe'ee keenya dhiifnee si duukaa buuneerra? jedhe.

²⁹Yesus immoo, ?Dhuguman isinitti hima, namni hundinuu mana, haadha manaa yookiis obboloota yookiis abbaa fi haadha yookiis ijoollee sababii mootummaa Waaqayyoof jedhee dhiise,

³⁰bara jireenya isaatti dachaa baay'ee caalchisee in argata; bara dhufutti immoo jireenya bara baraatti in gala? isaaniin jedhe.

³¹Yesus ergasii bartoota kudha lamaan kophaatti fudhatee, ?Kunoo gara Yerusaalemitti ol ba'uu keenya, waa'ee ilma namaatiif raajotaan kan caafame hundinuus in raawwatama.

³²Harka warra saba Waaqayyoo hin ta'initti in kennama, itti in ga'ifama, in arrabsama, ittis in tufama;

³³isa in reebu, in ajjeesus, inni immoo guyyaa sadaffaatti du'aa in ka'a? isaaniin jedhe*.

³⁴Isaan garuu iji dubbichaa isaan duraa dhokatee waan tureef, dubbii kana keessaa waan tokko illee hin hubanne, waan jedhames hin qabanne*.[156]

³⁵Yesus Yerikootti yommuu dhi'aate, namichi jaamaan tokko karaa dura taa'ee, in kadhata ture.

³⁶Sagalee namoota danuu karicha irratti dhageenyaanis, maal akka ta'e warra darbuutti jiran gaafate.

³⁷Isaan immoo, ?Yesus nama Naazireet sanatu asiin darbaa jira? jedhanii itti himan.

³⁸Kanaaf inni iyyee, ?Yesus, ilma Daawit na maari!? jedheen*.

³⁹Warri fuula dura adeeman immoo calluma jechisiisuuf isa ifatan; inni garuu ittuma caalchisee iyyee, ?Ilma Daawit, na maari? jedhe.

⁴⁰Yeroo sanatti Yesus dhaabatee, namicha jaamaa sana gara isaatti akka fidaniif abboome; namichis gara isaatti in dhi'aate.

⁴¹Yesus immoo, ?Maal akkan siif godhu barbaadda?? jedhee isa gaafate; kana irratti inni, ?Agartuu koo akka naa deebiftu, gooftaa ko? jedhe deebiseef*.

⁴²Yesus immoo, ?Amantiin kee si fayyiseera'o, agartuun kee siif haa deebi'u? ittiin jedhe*.

⁴³Achumaanis agartuun isaa deebi'eef; namichis Waaqayyoof hooqubaa dhi'eessaa, Yesus duukaa bu'e. Namoonni sun hundinuus kana yommuu argan Waaqayyoof galata galchan*.[157]