Read west central oromo WANGEELA LUQAAS 2 Bible Online

WANGEELA LUQAAS 2 - west central oromo bible

WANGEELA LUQAAS 2

¹Yeroo sanatti mootummaa warra Roomaa keessa kan jiraatan hundinuu akka caafamaniif, Awugusxos mooticha biraa abboommiin ba'e.

²Caafamuun namaa kun isa jalqabaa ture; innis bara Qereenewos Soriyaatti abbaa biyyaa turetti ta'e*.

³Kanaaf namni hundinuu adduma addaan of caafsisuudhaaf gara mandara kutaa biyya itti dhalatee dhaqe.[16]

⁴Yoseef sanyii mooticha Daawit keessaa waan tureef, Galiilaadhaa mandara Naazireetii ba'ee, Yihudaa keessaa Betlihem mandara Daawit ga'e*.

⁵Kaadhima isaa Maariyaamii wajjin caafamuudhaaf dhaqe; isheen immoo ulfa turte*.

⁶Betlihem utuu jiraniis, yeroon Maariyaam itti deessu ga'e;

⁷angafa ilma ishee deessee, lafa bultii kara-deemtuutii iddoo hin arganne waan turaniif, wayyaa itti martee, siree horiin keessaa nyaatu irra ciibsite.[17]

⁸Tiksoonni tokko immoo naanna'aa sanaa bakkeetti halkan darabee dammaqanii, hoolota isaanii in eegu turan.

⁹Ergamaan Waaqayyoo dingata isaan dura dhaabatee, ifni surraa gooftichaas naannoo isaaniitti ibse; kana irratti isaan na'anii, guddaa sodaatan*.

¹⁰Ergamichi garuu, ?Hin sodaatinaa! Kunoo ani misraachoo gammachuu guddaa isinittan hima'o, kunis saba hundumaaf kan ta'uu dha.

¹¹Har'a mandara Daawititti fayyisaan isiniif dhalateera; inni immoo Kristos goofticha*.

¹²Milikkinni isaa immoo kana, mucaa wayyaan itti maramee siree horiin keessaa nyaatu irra ciisu in argitu? isaaniin jedhe.[18]

¹³Achumaanis kutata ergamoota Waaqayyoo keessaa baay'een ergamicha kanaa wajjin turan*.

¹⁴Isaan immoo, ?Hooqubaan Waaqayyoof waaqa gubbaatti, nagaanis namoota Waaqayyo itti gammaduuf, lafa irratti? jedhanii Waaqayyoon in faarfatu turan*.[19]

¹⁵Ergamoonni Waaqayyoo isaan biraa deebi'anii gara waaqaatti erga ol ba'anii tiksoonni, ?Kottaa Betlihem in dhaqna, dubbii achitti ta'e, Waaqayyo nutti beeksise kanas in ilaalla? waliin jedhan.

¹⁶Ariifachaa yommuu dhaqan Maariyaamii fi Yoseefin, mucichas, siree horiin keessaa nyaatu irra ciisee argatan.

¹⁷Tiksoonni sun mucicha yommuu argan, waan ergamoonni Waaqayyoo waa'ee isaaf isaanitti himan hundumaa mul'isan.

¹⁸Warri dhaga'an hundinuu immoo waan tiksoonni isaanitti himanitti baay'ee dinqifatan.

¹⁹Maariyaam garuu dubbii kana hundumaa garaatti qabattee, itti yaaddi turte*.

²⁰Tiksoonni sun, isa ergamoonni Waaqayyoo itti himan hundumaa dhaga'anii, akkuma itti dubbatametti ija isaaniitiin waan arganiif, Waaqayyoof hooqubaa dhi'eessaa galateeffachaas gara iddoo isaaniitti deebi'an.[20]

²¹Guyyaan saddeettaffaan erga darbee mucicha dhagna qabuun in ga'e; akkuma ergamaan Waaqayyoo utuu isheen hin ulfaa'in dura, haadha isaatti himee turetti maqaa isaa ?Yesus? jedhan*.[21]

²²Akka seera Museen abboometti yeroon qullaa'ummaa isaanii geenyaan, Waaqayyo gooftaa duratti isa dhi'eessuudhaaf, mucicha gara Yerusaalemitti fidan.

²³Seera gooftichaa keessatti, ?Dhiirri angafni karra saaqu hundinuu Waaqayyoof qulqullaa'ee addaan kan ba'ee dha? kan jedhu caafamee jira.

²⁴Kana malees immoo akka seera gooftichaatti aarsaadhaaf, ?Gugee horaa lama yookiis gugee sosookkee lama? dhi'eessuuf, isa fidan*.[22]

²⁵Bara sanatti namni maqaan isaa Simi'oon jedhamu tokko Yerusaalem ture; namni kun abboommii Waaqayyoo kan eege, Waaqayyoon sodaachaa kan jiraate, fayyina isa Israa'eliif dhufu kan eeggatu ture; hafuurri qulqulluunis isa irra boqotee ture.

²⁶Kanaan duras fayyisaa gooftichaa isa abdachiifame utuu hin argin akka hin duune hafuura qulqulluudhaan isatti mul'ifamee ture.

²⁷Amma immoo hafuura qulqulluudhaan geggeeffamee mana qulqullummaatti ol gale; Maariyaamii fi Yoseef akka seeraatti isaaf raawwachuudhaaf mucicha Yesusin mana qulqullummaatti ol galchan.

²⁸Yommus Simi'oon mucicha fuudhee, kaasuutti baatee Waaqayyoon galateeffatee,

²⁹?Egaa, yaa gooftaa, akkuma dubbattee turte garbicha kee nagaadhaan jireenya kanattii hiiki*!

³⁰Fayyisuu kee ija kootiin argeera*;

³¹sabni hundinuu akka arguuf kan qopheessite,

³²innis ifa; warra saba Waaqayyoo hin ta'initti akka mul'atuuf, saba kee Israa'eliifis ulfina akka ta'uuf? jedhe*.[23]

³³Abbaan mucichaa fi haati isaas waan Simi'oon waa'ee mucichaaf dubbate hundumaa in raajeffatan.

³⁴Simi'oon yommus isaan eebbisee, Maariyaam haadha mucichaatiin immoo, ?Kunoo, mucaan kun dhaabatee jira. Saba Israa'el keessaa baay'een isatti gufatanii in kufu, baay'een immoo isaan in ka'u; akkasumas namoonni baay'een milikkita dhaabatee jiru kanaan mormanii, irratti in dubbatu*.

³⁵Yaadni inni dhokataan garaa namoota baay'ee keessaa bakkeetti ba'ee akka mul'atuuf; si immoo gaddi akka billaa qaramaa onnee kee si waraana? jedhe.[24]

³⁶Raajittiin Haannaa jedhamtu tokko, intala Faanu'el, gosa Aseer keessaa turte; isheen lafa guurteetti; durbummaa ishee booddee waggaa torba duwwaa abbaa manaa ishee wajjin jiraatte.

³⁷Abbaan manaa ishee irraa duunaan, hamma yeroo barri ishee waggaa saddeettamii afur guute sanatti haadha hiyyeessaa taatee jiraatte; yeroo yerootti soomaa, halkanii fi guyyaa kadhachaa, mana qulqullummaa keessaa utuu hin dhabamin Waaqayyoof sagadaa in hojjetti turte*.

³⁸Yeroo kanatti dhi'aatee, Waaqayyoon galateeffachaa warra furii Yerusaalem eeggatan hundumaatti waa'ee mucichaa dubbatte.[25]

³⁹Yoseefii fi Maariyaam akka seera gooftaatti waan hojjetamu hundumaa erga raawwatanii, gara biyya Galiilaa gara mandara isaanii Naazireetitti deebi'an*.

⁴⁰Mucichi immoo guddachaa, jabaachaa, ogummaadhaanis guutaa adeeme; ayyaanni Waaqayyoos isa irra ture*.[26]

⁴¹Abbaanii fi haati mucichaa wagguma waggaan ayyaana Faasiikaa ayyaanessuudhaaf gara Yerusaalem in dhaqu turan*.

⁴²Mucichi waggaa kudha lama yeroo guutetti, akkuma amala isaanii ayyaanichaaf ol ba'an.

⁴³Ayyaanichi erga darbee gara mana isaaniitti yommuu deebi'anitti, mucichi Yesus Yerusaalemitti hafe; abbaan isaa fi haati isaa garuu akka inni biraa hafe hin beekne.

⁴⁴Miiltoo wajjin waan jiru se'anii adeemsa guyyaa tokkoo erga adeemanii, firoota isaanii bira warra ijaan beekan biras in iyyaafatan.

⁴⁵Dhabnaanis isa barbaaduuf Yerusaalemitti deebi'an.

⁴⁶Guyyaa sadii booddee immoo mucicha mana qulqullummaa keessa, barsiisota gidduu taa'ee isaan utuu dhaggeeffatuu gaaffiis utuu isaan gaafatuu, argatan.

⁴⁷Warri isa dhaggeeffatan hundinuu immoo hubannaa isaa fi deebii deddeebisuu isaatiif in dinqifatan*.

⁴⁸Abbaan isaa fi haati isaa achitti yommuu isa argan in rifatan; haati isaa yommus, ?Yaa ilma ko, maaliif akkana nu goote? Kunoo abbaan kee anis baay'ee yaaddofne si barbaadaa turre? jetteen.

⁴⁹Mucichi immoo deebisee, ?Maali, attamitti na barbaaddan? Mana abbaa koo keessatti argamuun akka ana irra jiru hin beektan turtanii?? isaaniin jedhe*.

⁵⁰Isaan garuu maal jechuu isaa akka ture hin hubanne.

⁵¹Kana booddee mucichi abbaa isaa fi haadha isaa wajjin Naazireetitti deebi'ee, isaaniif abboomamaas jiraate; haati isaa garuu dubbii kana hundumaa garaatti in qabatti turte*.

⁵²Yesus immoo Waaqayyoof namoota irraa ayyaana argachaa, namummaadhaaf ogummaatti in guddata ture*.[27]