Read west central oromo WANGEELA LUQAAS 8 Bible Online

WANGEELA LUQAAS 8 - west central oromo bible

WANGEELA LUQAAS 8

¹Yeroo gabaabaa booddee Yesus mandarootaa fi gandeen keessa adeemee, mootummaa Waaqayyoo labsaa misraachoo himaa ture; bartoonni isaa kudha lamaanis isaa wajjin turan*.

²Akkasumas immoo dubartoonni hafuurota hamootaa fi dhukkuba garaa garaattii fayyifaman duukaa in bu'u turan; isaanis Maariyaam ishee Magdalaa kan jedhamtu, ishee hafuuronni hamoonni torba keessaa baafaman;

³Yo'anaa haadha manaa Kuuzaa, isa mana eegduu Herodis ture; Susanaa, baay'eenis kan biraa turan. Isaan immoo qabeenya isaaniitiin Yesusii fi bartoota isaatiif in hojjetu turan*.[65]

⁴Namoonni yommus mandara garaa garaatii gara Yesusitti in yaa'u turan. Tuuti gobbuun yeroo walitti qabametti, Yesus fakkeenya kana itti hime;

⁵?Namichi tokko sanyii facaafachuudhaaf ba'e; utuu facaasuus kaan karaa bukkee bu'anii, achitti namni irra ejjete; simbirroonnis funaananii nyaatan.

⁶Kaan immoo lafa dhagaa qabu irra bu'an; erga biqilaniis biyyoon isaa jiidha waan hin qabneef gogan.

⁷Sanyii faca'e keessaa kaan qoraattii keessa bu'an; qoraattichis wajjin biqilee isaan hudhe.

⁸Kaan garuu biyyoo gaarii keessa bu'an; biqilanii, guddataniis tokkon tokkon isaanii dachaa dhibba ija godhatan? jedhe. Yesus sagalee isaa ol fuudhee, ?Gurra ittiin dhaga'u kan qabu haa dhaggeeffatu!? jedheen*.[66]

⁹Ergasii bartoonni isaa, ?Hiikaan fakkeenya kanaa maali?? jedhanii Yesusin gaafatan.

¹⁰Yesus deebisee, ?Dhoksaa mootummaa Waaqayyoo beekuun isiniif kennameera; warra kaaniif garuu, utuma ilaalanii akka hin arginetti, utuma dhaga'anii akka hin hubannetti, fakkeenyaan in kennama? isaaniin jedhe*.[67]

¹¹?Hiikaan fakkeenya namicha sanyii facaasuu isa kana; sanyichi dubbii Waaqayyoo ti*.

¹²Karaa bukkeen, fakkeenya warra dubbii Waaqayyoo dhaga'anii, yommusumas Seexanni dhufee akka isaan amananii ittiin hin fayyineef, dubbicha garaa isaanii keessaa butatuu ti.

¹³Lafti dhagaa, fakkeenya warra dubbicha dhaga'anii gammachuudhaan fudhatanii ti; garuu hidda gad fagoo waan hin qabaanneef, yeroodhaaf in amanu; yommuu qoramni dhufuttis irraa kufu.

¹⁴Lafti qoraattii, fakkeenya warra dubbicha dhaga'anii, yaaddoon, soorumnii fi qannoon jireenyaa dacha'anii isaan huunaan, ija utuu hin godhatin hudhaatti hafanii ti.

¹⁵Lafti gaariin, fakkeenya warra dubbicha dhaga'anii, garaa gaariidhaa fi abboomamaadhaan fudhatanii, rakkina hundumaa obsanii ija godhatanii ti? jedhe*.[68]

¹⁶?Homtinuu ibsaa qabsiisee, guuboo jala yookiis siree jala hin kaa'u; warri mana sanatti ol galan hundinuu ificha akka arganiif, baattuu ibsaa irra kaa'a malee*.

¹⁷Waan tokko illee dhokatee utuu hin mul'atin kan hafu hin jiru, dhoksaatti kan eegames bakkeetti ba'ee utuu hin dhaga'amin kan hafu hin jiru*.

¹⁸?Kanaafis akka itti dhageessanitti akeekkadhaa! Isa qabuuf, itti dabalamee in kennamaaf; kan hin qabne garuu, innumti inni qaba se'u iyyuu isa duraa in fudhatama? jedhe*.[69]

¹⁹Yommus haati Yesusii fi obboloonni isaa isa barbaacha dhufan; garuu baay'ina namaatiif isa bira ga'uu hin dandeenye.

²⁰Kanaaf namni tokko, ?Haati kee fi obboloonni kee ala dhaabatanii jiru, si arguu barbaadus? ittiin jedhe.

²¹Yesus immoo deebisee, ?Haati koo fi obboloonni koo warra dubbii Waaqayyoo dhaga'anii fi raawwatanii dha? jedhe.

²²Gaaf tokko Yesus bartoota isaatii wajjin bidiruu yaabbatee, ?Kottaa bishaan ciisaa kana gamatti ceena? isaaniin jedhe; achumaanis bishaanicha irra bu'an.

²³Utuu bidiruudhaan ce'aa jiranii, Yesus achuma keessa rafe. Qilleensi jabaan immoo gara bishaanichaatti gad bubbisaa dhufe; bidiruu isaaniittis bishaan itti guutuu jalqabnaan, jireenya isaaniitiif sodaatan.

²⁴Yommus bartoonni gara Yesusitti dhi'aatanii, dammaqsanii, ?Barsiisaa, barsiisaa, ka'i nu'oo dhumuuf? jedhan. Achumaan dammaqee, qilleensichaa fi dha'aa bishaanichaa, isa hunkuramaa ture sana, ifate; qilleensichii fi dha'aan bishaanichaa dhaabannaan, gabiin guddaan isaa ta'e.

²⁵Kana booddee inni bartoota isaatiin, ?Meerree amantiin keessan?? jedhe; isaan garuu naasuudhaaf dinqifachuudhaan, ?Namni kun eenyu? Innoo qilleensaa fi bishaan in abbooma; isaanis isaaf in abboomamu? waliin jedhan.

²⁶Bidirichaan gara kutaa biyya Gergeessaatti[70] ce'an; innis fuullee Galiilaa ture.

²⁷Yesus qarqara bishaaniitti yommuu bu'etti, kunoo namni mandara sanaa, hafuuronni hamoonni keessa turan tokko itti dhufe. Namichi yeroo dheeraadhaa jalqabee qullaa isaa in adeema, awwaalota gidduu jiraata malees, manatti hin galu ture.

²⁸Inni yeroo Yesusin arge caraanee, fuula isaa durattis lafa dha'ee, sagalee guddaadhaanis, ?Yaa Yesus ilma Waaqayyoo aabbaa, maal nattii qabda? Maaltus dhimma koo keessa si buuse? Sin kadhadha ana hin dhiphisin? jedhe*.

²⁹Kana jechuun isaas, hafuurichi hamaan namicha keessaa akka ba'uuf, Yesus waan abboomee tureef. Yeroo baay'ee hafuurichi hamaan yommuu isa qabu, funyoo sibiilaatii fi hidhaa harkaatiin isa hidhanii, eeguu utuma yaalanii, hidhaa sana ciree, humna hafuuricha hamaatiin gara lafa namni hin jirreetti in oofama ture*.[71]

³⁰Yesus, ?Maqaan kee eenyu?? jedhee gaafannaan, ?Maqaan koo ?Legewoon?? jedhee deebise; sababiin isaas hafuuronni hamoonni baay'een namichatti galanii waan turaniif.

³¹Hafuuronni hamoonni qileetti akka isaan hin ergine Yesusin kadhatan.

³²Dirree gaaricha sanaa irras, kunoo hoomaan booyyee bobba'anii turan; hafuuronni hamoonni booyyee sanatti galuudhaaf isa kadhannaan, haa dhaqaniif isaan dhiise.

³³Kanaafis hafuuronni hamoonni namicha keessaa ba'an, booyyota sanatti waan galaniif, hoomaan sun hundinuu hallayaa irraa harootti gad konkolaatanii, liqimfaman.

³⁴Warri booyyee tiksan waan ta'e yommuu argan baqatanii, warra mandara keessaa fi warra biyyaattis odeessan.

³⁵Sabni dhaga'anis waan ta'e ilaaluudhaaf ba'anii, gara Yesus dhufan. Achittis namicha, hafuuronni hamoonni keessaa ba'an, wayyaa uffatee qalbii isaattis deebi'ee, miilla Yesus jala taa'ee argan; yommus hundumti isaanii in sodaatan.

³⁶Warri duraan achi turanii, akka namichi itti fayye arganis, jaratti himan.

³⁷Kana booddee sabni kutaa biyya Gergeessaa hundinuu gar-malee waan sodaataniif, Yesus isaan biraa akka adeemuuf gaafatan; kana irratti inni bidiruu yaabbate achii in adeeme.

³⁸Yesus utuu hin adeemin, namichi inni hafuuronni hamoonni keessaa ba'an, ?Sii wajjinan adeema? jedhee isa kadhatee ture; Yesus garuu, of biraa isa deebisee,

³⁹?Mana keetti deebi'i waan Waaqayyo siif godhes himi!? ittiin jedhe. Namichi yommus Yesus biraa deebi'ee, guutummaa mandarichaa keessa naanna'ee waan inni godheef dhugaa ba'e*.[72]

⁴⁰Yeroo Yesus bishaan ciisaa gamatti deebi'etti, tuuti jaraa isa siman; hundumti isaanii isa egaa turani'o.

⁴¹Keessumaa immoo, geggeessituun mana sagadaa tokko, Yaayiros kan jedhamu dhufee, miilla Yesus jalatti kufee, gara mana isaatii akka dhaquuf kadhate.

⁴²Intalli tokkittiin inni qabu, waggaa kudha lama kan geesse, duraa du'uuf jetti turte*.[73] Yommuu Yesus dhaquudhaaf karaa irra bu'ettis, namoonni isatti tuuta'anii hafuura kutu turan.

⁴³Kana gidduus dubartiin tokko turte. Isheen waggaa kudha lamaaf dhiigni ishee dhaabachuu diduudhaan rakkachaa turte, ogeessota qorichaa biras dhaquudhaan horii ishee hundumaa fixe; haa ta'u iyyuu malee, namni tokko ishee fayyisuu hin dandeenye.

⁴⁴Isheen kun dugda isaa duubaan dhuftee andaara uffata Yesus tuqxe; achumaanis lolaan dhiiga ishee dhaabate.

⁴⁵Yesus immoo, ?Eenyutu na tuqe?? jedhee gaafate. Adduma addaan ana miti jennaan, Phexros, ?Yaa barsiisaa, sabni kunoo si marsee jira, si cunqursas? jedheen.

⁴⁶Yesus garuu, ?Lakkii, namni na tuqe jira, humni fayyisu akka na biraa ba'e anatti dhaga'ameera? jedhe*.

⁴⁷Yommus dubartittiin akka dhokachuu hin dandeenye hubattee, rom'aa dhuftee miilla Yesus jalatti lafa dhoofte; achumaanis jarreen sana hundumaa duratti, maaliif akka isa tuqxe, battaluma sanattis akka fayyite dhugaa baate.

⁴⁸Yommus Yesus, ?Yaa intala ko, amantiin kee si fayyiseera, nagaadhaan dhaqi!? isheedhaan jedhe*.[74]

⁴⁹Utuu inni kana dubbachaa jiruu immoo namni geggeessituu mana sagadaa sanaa tokko, ergaa himuu dhufee, Yaayirosiin, ?Intalli kee duuteetti si'achi barsiisicha hin dhamaasin!? jedhe.

⁵⁰Yesus garuu kana dhaga'ee Yaayirosiin, ?Hin sodaatin, amani duwwaa! Isheenis in fayyiti? jedheen.

⁵¹Manicha bira yommuu ga'e Phexros, Yohannis, Yaaqoob akkasumas abbaa mucaatii fi haadha ishee malee, namni kan biraa isaa wajjin akka ol lixu hin barbaanne*.

⁵²Achiis hundinuu mucattiidhaaf in boo'u, in wawwaatus turan. Yesus immoo, ?Hin boo'inaa! Intalattiin hin duune, rafuutti jirti malee? jedhe*.

⁵³Isaan hundumti isaanii garuu intalattiin akka duute beeku waan turaniif, itti kolfan.

⁵⁴Haa ta'u iyyuu malee, Yesus harka ishee qabee, ?Intalo, ka'i!? jedhee waame*.

⁵⁵Yommus lubbuun ishee keessa deebitee, achumaanis kaate; inni immoo waan nyaatu akka kennaniif abboome.

⁵⁶Abbaan isheetii fi haati ishee gammadanii of wallaalan; Yesus garuu, waan ta'e eenyutti illee akka hin himne isaan dhowwe*.[75]