Read west central oromo Seera Keessa Deebii 23 Bible Online

Seera Keessa Deebii 23 - west central oromo bible

Seera Keessa Deebii 23

¹Namni tumamee sangoome yookiis namni saalli isaa murame waldaa Waaqayyootti hin lixin*!

²Namni abbaa hin beekaminiif dhalatu waldaa Waaqayyootti hin lixin! Sanyii isaa keessaas hamma dhaloota kudhaniitti waldaa Waaqayyootti hin lixin!

³Amoononni yookiis Mo'aabonni, sanyii isaanii keessaas namni tokko illee hamma dhaloota kudhaniitti iyyuu waldaa Waaqayyootti hin lixin*!

⁴Isaan yommuu ati biyya Gibxii baatee dhufte Bala'aam ilma Be'or akka si abaaruuf Phetor mandara Mesophotaamiyaa keessaa sitti bitan malee, buddeenaa fi bishaaniin karaatti sitti hin adeemne*.

⁵Haa ta'u iyyuu malee, Waaqayyo gooftaan kee sababii si jaallateef Bala'aamiif hin dhageenye; Waaqayyo gooftaan kee abaarsicha eebbatti siif geddare*.

⁶Bara jireenya kee hundumaatti isaan nagaa akka qabaatan, isaanitti tolees akka jiraatan hin barbaadin*![108]

⁷Edoom obboleessa kee waan ta'eef nama Edoom hin tuffatin! Ati biyya isaa keessatti galaa waan turteef nama Gibxii hin tuffatin*!

⁸Sanyiin isaanii dhaloota sadaffaa booddee waldaa Waaqayyootti dabalamuu in danda'u.[109]

⁹Yommuu diina kee loluudhaaf kaatee iddoo tokko buufattu, wanta hamaa hundumaa irraa of eeggadhu!

¹⁰Isin keessaa namni tokko halkan dingata ofitti abju'atee yoo of xureesse, iddoo buufataa keessaa gara alaatti haa ba'u malee, gara keessaatti ol hin dhufin*!

¹¹Haa ta'u iyyuu malee, gara galgalaa bishaaniin dhiqatee aduun yommuu lixxu gara iddoo buufataa sana keessatti deebi'uu in danda'a.

¹²Lafa itti bakkee ba'an iddoo buufataa duubatti qopheeffadhuutii achi dhaqi!

¹³Mi'a kee wajjin wanta qara qabu kan ittiin lafa haatee keessatti bakkee baatee ittiin biyyoo itti deebisuu dandeessu fudhadhu!

¹⁴Waaqayyo gooftaan kee si oolchuudhaaf, diinota kee harka keetti dabarsee kennuudhaafis iddoo buufata kee keessa in deddeebi'a; egaa akka inni wanta yeellaasisaa isin gidduutti argee isin irraa hin deebinetti iddoon buufata kee qulqullaa'aa haa ta'u*![110]

¹⁵Garbichi tokko gooftaa isaa duraa sitti yoo baqate, qabdee gooftaa isaatti hin kennin!

¹⁶Inni mandaroota kee keessaa lafa jaallate tokko fo'atee isin gidduu haa taa'u! Ati immoo isa hin cunqursin*![111]

¹⁷Dubartoota yookiis dhiirota Israa'el keessaa galma keessatti ejjaaf kan qophaa'ee taa'u hin argamin*!

¹⁸Waaqayyo gooftaan kee horii ejjaan argamee fi gatii saree in ciigga'a; kanaafis wareega kamiif iyyuu taanaan lachuu isaa mana Waaqayyo gooftaa keetti hin galchin*![112]

¹⁹Obboleessa keetti hiiqii hin kennatin! Meetii yookiis midhaan, waan hiiqiitti kennamu hundumaa hiiqii isatti hin kennatin*!

²⁰Ormatti hiiqii kennadhu malee, Waaqayyo gooftaan kee biyya ati qabachuudhaaf jirtu keessatti waan hojjettu hundumaatti akka si eebbisuuf obboleessa keetti hiiqii hin kennatin![113]

²¹Waaqayyo gooftaa keetiif wareega yoo wareegde, utuu of irraa hin baasin hin turin! Kanaa achi Waaqayyo gooftaan kee isa waan si irraa barbaaduuf cubbuu sitti in ta'a*.

²²Yoo wareeguu dhabaatte garuu cubbuu sitti hin ta'u.

²³Wanta jaalala keetiin Waaqayyo gooftaa keetiif kennuudhaaf afaan keetiin wareegde, jaalala keetiin waan ta'eef, isa afaan keetiin wareegde kana eegii of irraa baasi![114]

²⁴Iddoo dhaabaa waynii ollaa keetti yoo lixxe, qodaa kee keessa ija tokko illee hin buusin malee, yoo barbaadde hamma quuftutti nyaachuu in dandeessa.

²⁵Midhaan ollaa keetii isa maasii keessa jirutti yommuu lixxu, haammachuudhaaf haamtuu itti hin buusin malee, harka keetiin asheetii isaa cirachuu in dandeessa*.[115]