Read west central oromo Seera Keessa Deebii 29 Bible Online

Seera Keessa Deebii 29 - west central oromo bible

Seera Keessa Deebii 29

¹Waaqayyo dubbii kakuu isaa isa Horeebitti Israa'elootaaf gale irratti dabalee Museen biyya Mo'aabitti akka isaaniif kennuuf kan inni isa abboome kanatti fufee jira.

²Yommus Museen guutummaa Israa'el walitti waamee, ?Waan Waaqayyo biyya Gibxiitti ija keessan duratti Fara'oonii fi hojjetoota isaa hundumaa irratti, biyya isaa irrattis hojjete argitaniittu*;

³yaalii jabaa sana, milikkita guddaa sana, dinqii guddaa sanas argitaniittu*.

⁴Waaqayyo garuu qalbii hubatu, ija argu, gurra dhaga'us hamma har'aatti iyyuu isiniif hin kennine? jedhe.

⁵Museen itti fufees, ?Waaqayyo, ?Yeroo ani waggaa afurtama lafa onaa keessa isin geggeessaa ture uffanni keessan isin irratti hin dhumne, kopheen miilla keessanitti jirus miilla keessan irratti hin ciccinne*.

⁶Isin buddeena hin nyaanne, daadhii waynii yookiis dhugaatii cimaa hin dhugne; kanas ani Waaqayyo gooftaa keessan akkan ta'e akka beektaniifan godhe? jedha.[147]

⁷?Biyya kanatti yeroo galtan sana Sihoon mootii Heshboonii fi Oog mootiin Baashaan nu loluudhaaf ka'anii turan, garuu nu immoo isaan in moone*;

⁸biyya isaaniis isaan irraa fudhannee gosa Ruubenii fi gosa Gaadiif walakkaa gosa Minaaseetiif dhaala goonee in kennine*.

⁹Ammas wanti isin gootan hundinuu akka isiniif qajeelutti, dubbii kakuu kanaa gaarii godhaa eegaa!

¹⁰Isin hundumti keessan, dura-buutonni keessan, gosoonni keessan, maanguddoonni keessan, warri hojii geggeessan, namoonni Israa'el hundinuus har'a fuula Waaqayyo gooftaa keessanii dura dhaabadhaa!

¹¹Ijoolleen keessan, haati manaa keessan, galaan buufata keessan keessa jiru, warra muka isiniif murmuranii jalqabee hamma warra bishaan isiniif waraabaniitti isa dura haa dhaabatan!

¹²Isin har'a kakuu Waaqayyo gooftaan keessan isiniif dhaabutti galuudhaaf as in dhaabattu.

¹³Waaqayyo akkuma abboota keessan Abrahaamii fi Yisihaqiif, Yaaqoobiifis kakate, har'a saba ofii isaa isin in godhata, akkuma isin abdachiises ofii isaatii Waaqayyo keessan in ta'a.

¹⁴Ani kakuu kanatti isin duwwaa wajjinan gala utuu hin ta'in,

¹⁵warra har'a nuu wajjin addana fuula Waaqayyo gooftaa keenyaa dura jiranii fi warra har'a addana hin jirre wajjinis immoo nan gala.[148]

¹⁶?Nuyi biyya Gibxii keessa attamitti akka jiraachaa turre, attamittis saba baay'ee keessa darbinee akka dhufne isin ofii keessanii iyyuu beektu.

¹⁷Isaan keessattis wanta ciiggaasisaa, waaqayyolii tolfamoo isaanii, warra muka irraa, dhagaa irraa, warqee fi meetii irraa hojjetaman argitaniittu.

¹⁸Isin keessaa dhiirri yookiis dubartiin, maatiin yookiis gosi, warri garaan isaanii har'a Waaqayyo gooftaa keenya irraa gara gale, dhaqanii waaqayyolii saba sanaaf akka hin hojjennetti of eeggadhaa! Hundeen ija hadhaa'aa godhatus isin keessatti akka hin argamne godhaa!? jedhe*.

¹⁹Namni akkasii dubbii abaarsa kanaa dhaga'ee garaa isaa keessatti eebbatti hiikatee, ?Utuman boqu-jabeessa ta'ee illee ani nagaa qaba? hin jedhin! Wanti akkasii kun lafa jiidhaa irratti, lafa gogaa irrattis badiisa in fida.

²⁰Waaqayyo nama akkasiitiif gonkumaa hin dhiisuuf, dheekkamsii fi hinaaffaan Waaqayyoo nama akkasii irratti in boba'a; abaarsi macaafa kana keessatti caafame hundinuus isa irra in ga'a; Waaqayyo maqaa nama akkasii bantii waaqaa jalaa haxaa'ee in balleessa.

²¹Waaqayyo akka abaarsa kakuu kanaa isa macaafa seeraa kana keessatti caafamee jiruutti, gosa Israa'el hundumaa keessaa addaan isa baasee, badiisaaf isa in godha*.[149]

²²Dhaloonni isin booddee dhufu, ijoolleen keessan warri isin booddeedhaan ka'an, ormi biyya fagoodhaa dhufus dha'icha biyya sanaa, dhukkuba Waaqayyo itti erges yommuu argan,

²³?Biyyi sun guutummaan isaa dhagaa boba'uu fi soogiddaan in gubata; sanyiin isa irra hin facaafamu, waan tokko illee irratti hin biqilu, biqiltuun tokko illee irra hin jiru; inni akka badiisa Sodoomii fi Gomoraa, akka Aadimaa fi Zebo'iim warra Waaqayyo dheekkamsa isaa isa guddaadhaan gara gaggalchee in ta'a? in jedhu*.

²⁴Haa ta'u iyyuu malee, sabni lafa irraa hundinuu, ?Maaliif Waaqayyo biyya kana irratti wanta akkasii hojjete? Maaliifis dheekkamsi guddaan akkasii irratti boba'e?? in jedhu.

²⁵Namoonnis, ?Isaan kakuu Waaqayyo gooftaa isa kan abboota isaanii isa inni yommuu biyya Gibxii isaan baase isaaniif gale sana waan irraanfataniif*;

²⁶isaan waaqayyolii biraatiif waan hojjetaniif, isaaniifis waan sagadaniifii dha; waaqayyoliin sun warra isaan hin beekne, warra inni isaaniif hin kennin turan.

²⁷Kanaaf dheekkamsi Waaqayyoo abaarsa macaafa kana keessatti caafamee jiru itti fiduudhaaf biyya kana irratti boba'e.

²⁸Waaqayyo dheekkamsa isaa isa guddaa fi aarii isaa isa boba'aadhaan biyya isaanii keessaa isaan buqqisee, biyya amma isaan keessa jiran kanatti isaan darbate? in jedhu*.[150]

²⁹Wanti dhoksaan kan Waaqayyo gooftaa keenyaa ti, wanti mul'ifame immoo nuyi dubbii seera isaa hundumaa akka eegnuuf bara baraan kan keenyaa fi kan ijoollee keenyaa ti.