Read west central oromo Seera Keessa Deebii 34 Bible Online

Seera Keessa Deebii 34 - west central oromo bible

Seera Keessa Deebii 34

¹Ergasii Museen dachaa Mo'aabii gara tulluu Neboo gara gubbee Phiisgaa isa fuullee Yerikootti ol in ba'e; achitti Waaqayyo biyya sana hundumaa, Giil'aadii hamma Daanitti,

²biyya Niftaalem hundumaa, biyya Efreemii fi kan Minaasee, biyya Yihudaa hundumaa hamma galaana isa gara lixa-biiftuu jiruutti,

³gara mirgaas, biyya dachaa Yerikoo jiru hundumaa, mandara muka meexxiitii hamma Zo'aaritti in argisiise.

⁴Waaqayyo yommus Museedhaan, ?Isa kana biyyi ani Abrahaamin, Yisihaqin, Yaaqoobinis, ?Ani sanyii keessaniif nan kenna? jedhee kakuudhaan abdachiise; ati isa ija keetiin argiteetta, garuu ati achi hin ceetu!? jedhe*.

⁵Kana booddee Museen garbichi Waaqayyoo akkuma Waaqayyo jedhee ture sana biyya Mo'aabitti in du'e.

⁶Waaqayyo dachaa biyya Mo'aabitti fuullee Bet-Phe'oritti isa in awwaale; haa ta'u iyyuu malee, hamma har'aatti iyyuu namni iddoo awwaala isaa beeku hin jiru.[180]

⁷Museen yommuu du'e sana nama waggaa dhibbaa fi digdamaa ture; iji isaa hin dimimmifne, humni isaas irraa hin hir'anne*.

⁸Israa'eloonni dachaa Mo'aabitti guyyaa soddoma Museedhaaf in gaddan, kana booddee yeroon boo'ichaa fi gaddaa in raawwatame*.[181]

⁹Iyaasuu ilmi Nun yeroo sanatti Museen harka isaa waan isa irra kaa'eef hafuurri ogummaa isa keessa guutee ture; Israa'eloonni isaaf dhaga'anii waan Waaqayyo karaa Musee abboomee tures in godhan*.

¹⁰Ergasii raajiin Waaqayyo fuula fuulaan beeke, kan akka Musee takkaa Israa'el keessatti hin kaane*.

¹¹Raajiin milikkitaa fi dinqii hundumaa biyya Gibxiitti, Fara'oon irratti, hojjetoota isaa hundumaa irratti, biyya isaa hundumaa irrattis akka hojjetuuf Waaqayyo erge,

¹²humna guddaa fi gocha sodaachisaa isa Museen guutummaa Israa'el duratti argisiise kana hundumaas kan godhe hin kaane.[182]