Read west central oromo Seera Keessa Deebii 6 Bible Online

Seera Keessa Deebii 6 - west central oromo bible

Seera Keessa Deebii 6

¹Ammas abboommiin, seerranni, wanti qajeelaa ta'es, inni Waaqayyo gooftaan keessan biyya dhaaluudhaaf itti adeemtan keessatti akka hojjettaniif isin barsiisuu na abboome, kanatti aane kan jiruu dha.

²Kunis isin guutummaa bara jireenya keessaniitti seerrata isaa fi abboommii isaa warra ani isin, ijoollee keessan, ijoollee ijoollee keessaniis abboomu, eeguudhaaf Waaqayyoon gooftaa keessan akka sodaattaniif, barri keessanis akka isiniif dheeratuuf kan kennamanii dha*.

³Egaa yaa Israa'el dhaga'i! Gaarii akka siif ta'uuf, akkuma Waaqayyo inni kan abboota keetii si abdachiisettis biyya aannanii fi damma baasu sana keessatti guddaa baay'achaa akka adeemtuuf wanta kana of eeggadhuu hojjedhu*![33]

⁴Yaa Israa'el dhaga'i! Waaqayyo gooftaan keenya Waaqayyo isa tokkicha*!

⁵Ati Waaqayyoon gooftaa kee garaa kee guutuudhaan, humna kee guutuudhaanis jaalladhu*!

⁶Dubbiin ani har'a si abboomu kunis garaa kee keessa haa taa'u*!

⁷Isas keessa deddeebi'ii ijoollee kee barsiisi! Yeroo mana kee keessa teessu, karaa irra yeroo adeemtu, yeroo ciiftu, yeroo kaatus waa'ee isaa dubbadhu*!

⁸Ati akka milikkitaatti harka kee irratti isa hidhadhu! Ija kee durattis kan rarra'u haa ta'u*!

⁹Michichila balbala mana keetii fi karra keetii irratti isa caafi![34]

¹⁰Waaqayyo gooftaan kee biyya, mandaroota gurguddaa fi gaggaarii warra ati hin ijaarin siif kennuudhaaf abboota kee Abrahaamii fi Yisihaqiif, Yaaqoobiifis kakate kanatti yeroo si galchu*,

¹¹manneen mi'a gaggaarii ati itti hin guutiniin guutaman, boolla bishaanii warra ati ofii hin qotin, iddoo dhaabaa waynii fi mukkeetii ejersaa warra ati ofii hin dhaabin yeroo argattu, nyaattees yeroo quuftu*,

¹²Waaqayyoon isa biyya Gibxii, mana garbummaa keessaa si baase sana akka hin irraanfannetti of eeggadhu*![35]

¹³Ati Waaqayyoon gooftaa kee sodaadhu, isaafis hojjedhu, maqaa isaatiinis kakadhu*!

¹⁴Ati waaqayyolii biraa, waaqayyolii saba warra naannoo kee jiranii, hin waaqessin!

¹⁵Waaqayyo gooftaan kee inni si gidduu jiru, Waaqayyo hinaafaa waan ta'eef, dheekkamsi Waaqayyo gooftaa keetii si irratti akka hin bobaanetti, inni irra lafaa irraa akka si hin balleessinetti of eeggadhu*![36]

¹⁶Waaqayyoon gooftaa kee kanaan dura Maasaatti akka qorte isa hin qorin*!

¹⁷Ati abboommota, wanta isaaf dhugaa ba'aniif, seerrata Waaqayyo gooftaa keetii warra inni si abboome cimsii eegi!

¹⁸Gaarii akka siif ta'utti, biyya Waaqayyo abboota keetiif kennuudhaaf kakate sanattis galtee qabeenya kee akka isa godhattuuf, ati wanta qajeelaadhaa fi Waaqayyo duratti gaarii ta'e godhi!

¹⁹Waaqayyo akkuma jedhe diinota kee hundumaa si duraa ari'ee in baasa*.[37]

²⁰Gara fuula duraattis ilmi kee, ?Wanti isaaf dhugaa ba'u, seerranni, wanti qajeelaa ta'es inni Waaqayyo gooftaan keenya si abboome kun maal fa'i?? jedhee yoo si gaafate*,

²¹ati immoo ilma keetiin, ?Nuyi biyya Gibxiitti garboota mootii biyya sanaa turre; Waaqayyo garuu irree jabaadhaan biyya Gibxii nu baase*;

²²Waaqayyo milikkita, dinqii gurguddaadhaa fi sodaachisaa biyya Gibxii irratti, mootii Gibxii irratti warra mana isaa keessa jiraatan irrattis fidee ija keenya duratti argisiise.

²³Inni biyya isa abboota keenyaaf kennuudhaaf kakuudhaan abdachiise sana nuuf kennee, itti nu galchuudhaaf achi keessaa nu baase.

²⁴Waaqayyo egaa yeroo hundumaa gaarii akka nuuf ta'uuf, innis akkuma har'aa kana jireenyatti akka nu eeguuf, nuyi Waaqayyoon gooftaa keenya akka sodaannutti, seerrata isaa kana hundumaa eeguu nu abboome*.

²⁵Nuyis akkuma inni nu abboometti, Waaqayyo gooftaa keenya duratti abboommii isaa kana hundumaa gochuudhaaf yoo of eegganne, qajeelummaatti nuuf in lakkaa'ama? in jetta.[38]