Read west central oromo WANGEELA YOHANNIS 12 Bible Online

WANGEELA YOHANNIS 12 - west central oromo bible

WANGEELA YOHANNIS 12

¹Ayyaaneffamuu Faasiikaa guyyaa ja'aan jiru, Yesus Bitaaniyaa iddoo Alaazaar ture dhaqe; inni isa Yesus warra du'an keessaa dammaqse ture*.

²Achitti irbaata qopheessaniif; Maartaan in ergamti, Alaazaar garuu warra isaa wajjin maaddiitti dhi'aatan keessaa tokko ture*.

³Maariyaam yommus urgooftuu dibataa makaa hin qabne hidda biqiltuu gati-jabeessa ?Naardos? jedhamu irraa kan hojjetame, akka walakkaa liitrii kan ta'u fuutee, miilla Yesus lachuu dibdee, rifeensa mataa isheetiinis haxoofte; manichi immoo foolii urgooftuu sanaatiin in guutame*.

⁴Bartoota isaa keessaa tokko, Yihudaan namni biyya Keriyot, inni isa qabsiisuuf jira ture garuu kana irratti*,

⁵?Urgooftuun kun meetii dhibba sadiitti gurguramee, maaliif warra hiyyeessotaaf hin kennamne?? jedhee dubbate.

⁶Kana immoo hiyyeessotaaf oo'ee miti, hattuu waan tureef jedhe malee; korojoo horii isaanii isa baatu keessaas in fudhata ture*.

⁷Yesus immoo, ?Ishee dhiisi! Guyyaa awwaala kootiif na qopheessuudhaaf urgoofticha keesse'o.

⁸Namoota hiyyeessota yeroo hundumaa of biratti in argattu, ana garuu yeroo hundumaa hin argattan? jedhe*.[92]

⁹Yihudoota keessaas namoonni sonaan baay'een Yesus achi jiraachuu dhaga'an; yommus Yesus duwwaadhaaf utuu hin ta'in, Alaazaarin isa inni warra du'an keessaa dammaqses ilaaluudhaaf achi dhufan*.

¹⁰Yommus luboonni warri angafoonni Alaazaarin immoo ajjeesuudhaaf murtoo godhan.

¹¹Sababiin isaa immoo Yihudoota keessaa baay'een isaaf jedhanii dhaqanii, Yesusitti in amanu waan turaniif*.[93]

¹²Borumtaas namoonni sonaan baay'atanii ayyaanichaaf ol ba'an, Yesus Yerusaalem akka dhufu dhaga'an.

¹³Damee muka meexxii harkatti qabatanii, isa simuudhaaf ba'an; sagalee guddaadhaanis, ?Hosaa'inaa, mootiin Israa'el inni maqaa Waaqayyoo gooftaatiin dhufu galateeffamaa dha? jedhan*.[94]

¹⁴Yesus yommus ilmoo harree tokko argatee irra taa'e; kunis macaafa keessatti caafameera;

¹⁵?Yaa ijoollee Xiyoon hin sodaatinaa, kunoo mootiin keessan ilmoo harree irra taa'ee in dhufa? jedhame*.

¹⁶Bartoonni isaa si'a duraa kana hin hubanne; Yesus ulfina isaatti erga ol fudhatamee booddee garuu, kun waa'ee isaatiif akka caafame, kanas akka isaaf godhan in yaadatan*.[95]

¹⁷Namoonni gaafa inni Alaazaarin awwaala keessaa waamee, warra du'an keessaas dammaqse isa bira turan, kana gochuu isaa dhugaa ba'anii turan*.

¹⁸Yommus tuuti jaraa milikkita kana argisiisuu isaa waan dhaga'aniif, isa simuudhaaf ba'an.

¹⁹Warri Fariisotaa garuu, ?Isin waan tokko dhimma baafachuu akka hin dandeenye in argitu; biyyi lafaa isa duukaa bu'eera? waliin jedhan*.[96]

²⁰Warra yeroo ayyaanichaatti sagaduudhaaf ol ba'an keessa, Griikonni tokko turan*.

²¹Isaan kun Filiphos, nama Betsayidaa isa kutaa biyya Galiilaa sana bira dhufanii, ?Yesusin arguu feena, gooftaa? jedhaniin*.

²²Filiphos immoo dhaqee Indriiyaasitti hime; Indriiyaasii fi Filiphos walii wajjin dhaqanii Yesusitti himan.

²³Yesus garuu deebisee, ?Yeroon ilmi namaa ulfina isaatti ol fudhatamu ga'eera*.

²⁴Dhuguma, dhuguman isinitti hima; iji qamadii biyyoo keessa bu'ee yoo du'uu dhabaate, tokkichuma ta'ee hafa; yoo du'e garuu ija baay'ee in godhata*.

²⁵Namni jireenya isaa mararsiifatu jireenya isaa in dhaba; namni biyya lafaa kanatti jireenya isaa hin mararsiifanne garuu, jireenya bara baraatiif isa in kaa'ata*.

²⁶Namni tokko yoo anaaf ergamuu barbaade, ana duukaa bu'uun in ta'aaf, inni anaaf ergamus lafa ani jiru in jiraata; namni anaaf ergamu yoo jiraate, abbaan koo ulfina in kennaaf? jedhe*.[97]

²⁷Yesus itti fufee, ?Amma lubbuun koo dhiphatteetti; egaa, ?Yaa abbaa yerottii kana na oolchi!? jedhu moo ree? Garuu sababiidhuma kanaaf ani immoo gara yerottii kanaa dhufe*.

²⁸Yaa abbaa maqaa kee ulfeessi, guddisi!? jedhe. Yommus sagaleen tokko waaqa irraa dhufee, ?Raawwadhee ulfeessee, guddiseera; si'achis nan ulfeessa, nan guddisas!? jedhe*.

²⁹Tuuta achi ijaajjee dhaga'aa ture keessaa kaan, ?Kakawwee dha? jennaan, kaan immoo, ?Ergamaa Waaqayyootu isatti dubbate? jedhan*.

³⁰Yesus immoo deebisee, ?Sagaleen kun sababii keessaniif dubbate malee, sababii kootiif miti*.

³¹Yeroon firdii biyya lafa kanaa amma, inni hamaan biyya lafaa kana seerratus amma gad in gatama*.

³²Ani yommuun lafa irraa ol kaafamu, nama hundumaa ofitti nan harkisa? jedhe*.

³³Kanas du'a attamii du'uudhaaf akka ture tuquuf jedhe.

³⁴Tuuti jaraas deebisanii, ?Kristos bara baraan akka jiraatu seera irraa dhageenyeerra; egaa attamitti ilmi namaa ol kaafamuun in ta'a jetta ree? Ilmi namaa kun eenyu inni?? jedhaniin*.

³⁵Yesus immoo, ?Ifni amma iyyuu yeroo gabaabaadhaaf isin bira jira; dukkanni akka isin hin qaqqabnetti, ificha utuu qabdanii adeemaa! Namni dukkana keessa adeemu, gara kam akka dhaqu hin beeku*.

³⁶Ijoollee ifaa akka taatanitti, ificha utuu qabdanii ifichatti amanaa!? isaaniin jedhe. Yesus kana dubbatee isaan biraa adeemee, ija isaanii duraas of dhokse*.[98]

³⁷Utuma Yesus milikkita baay'ee isaan duratti hojjetee argisiisuu iyyuu, isaan isatti hin amanne*.

³⁸Kun immoo dubbiin raajicha Isaayaas akka raawwatamuuf, isa inni, ?Yaa gooftaa, eenyutu waan nuyi dhageenyee itti himne amane? Irreen Waaqayyoos eenyutti mul'ate?? jedhe*.

³⁹Isaan amanuu hin dandeenye; Isaayaas itti dabale immoo,

⁴⁰?Ija isaaniitiin akka hin arginetti, garaa isaaniitiinis akka hin fudhannetti akka ani isaan fayyisuufis, akka isaan hin deebinetti, inni ija isaanii jaamseera, garaa isaaniis jabeesseera? jedhee dubbateera*.

⁴¹Isaayaas ulfina isaa argee, waa'ee isaa waan dubbateef kana jedhe*.

⁴²Haa ta'u iyyuu malee, Yihudoota warra aboo qaban keessaa iyyuu baay'een itti amananiiru; garuu mana sagadaa isaanii keessaa nu baasu jedhanii warra Fariisotaa waan sodaataniif, isatti amanuu isaanii hin mul'ifne*.

⁴³Isaan Waaqayyo irraa ulfina argachuu caalaa nama irraa ulfina argachuu jaallatan*.[99]

⁴⁴Yesus sagalee isaa guddisee, ?Namni anatti amanu, isa ana erge sanatti amana malee, anatti amana miti*;

⁴⁵namni ana argus, isa ana erge sana arga*.

⁴⁶Eenyu illee kan anatti amanu dukkana keessatti akka hin hafnetti, ani ifa ta'ee gara biyya lafa kanaa dhufeera*.

⁴⁷Namni dubbii koo dhaga'ee yoo eeguu dhabaate, ani isatti hin faradu; ani biyya lafaa oolchuudhaaf malee, itti faraduudhaaf hin dhufne*.

⁴⁸Nama ana tuffatee, dubbii koo fudhachuu didetti kan faradu jira; dubbii ani dubbadhetu guyyaa isa dhumaatti isatti farada*.

⁴⁹Abbicha isuma na ergetu ofii isaatii waanan dubbadhu na abboome malee, ani ofuma kootiin hin dubbanne*.

⁵⁰Dubbiin inni na abboomes, jireenya bara baraaf akka ta'e ani beeka; egaa waanan jedhu, akka abbaan anatti himettan dubbadha? jedhe*.[100]